حد يعرف معارض محترمة بتشتغل في الرينو المستعمل

**engineer05** · 14-11-2011 01:53 PM

السلام عليكم..

بدور بقالي فترة على رينو ميجان مستعملة و مش لاقي حاجة نضيفة لغاية دلوقتي .. ياريت لو حد يعرف معارض محترمة بتشتغل في الرينو المستعمل و الميجان بوجه الخصوص يبعتلى نمرة المعرض.

جزاكم الله خيراً
محمد

**sara2001** · 14-11-2011 04:55 PM

ربنا يوفق حضرتك وتلاقي معرض كويس بإذن الله
طب الوكيل مش ممكن يكون عنده موديل قديم زي 2010 وبيبيعه بسعر مخفض ؟

**Hema_law** · 15-11-2011 05:35 AM

المشاركة الأصلية كتبت بواسطة engineer05

متشكر لحضرتك عل الرد
بس أنا بدور على موديل 2006-- 2008 لأن دة اللي ينفع أجيبه بالميزانية اللي حاطتها

اتصل بالوكيل الرقم المختصر بتاع رينو واسال عن الاستاذ احمد طعيمه هيفيدك اوي لانه مختص بالسيارت المستعمله وواحد صاحبي اشترى منه رينو 2008 معرفش اذ كان ممكن اكتبلك الرقم لو مفيش مشكله انا ممكن اكتبه بس تاكد ان التوكيل سيارته لمستعمله كويسه جدا

**engineer05** · 15-11-2011 09:54 AM

المشاركة الأصلية كتبت بواسطة hema_law

اتصل بالوكيل الرقم المختصر بتاع رينو واسال عن الاستاذ احمد طعيمه هيفيدك اوي لانه مختص بالسيارت المستعمله وواحد صاحبي اشترى منه رينو 2008 معرفش اذ كان ممكن اكتبلك الرقم لو مفيش مشكله انا ممكن اكتبه بس تاكد ان التوكيل سيارته لمستعمله كويسه جدا

ياريت حضرتك تبعتلي الرقم إذا كان ممكن ...
بس أنا مش فاهم هو بيبيع عربيات بتاعت عملاء التوكيل ولا عربيات التوكيل القديمة اللي كان بيديها التوكيل لعملا لما العربيات بتاعتهم تبات؟؟

**ragaee** · 15-11-2011 03:08 PM

أنا هرد عليك بعد اذن الاستاذ هيما،
التوكيل بييع عربيات للعملاء اللى عايزين يبدللوا عربياتهم بحاجة جديدة، يعنى مثلا واحد معاه ميجان و عايز يبعهلهم و ياخد منهم فلونس جديدة، بيتمنه الميجان و يدفع الفرق
وفعلا التوكيل انضف حاجة ممكن تشترى منة بس للأسف نادرا لما تلاقى عنده لأن عملية الاستبدال بتبقى مع استلام الدفعات الجديدة يعنى كل فين و فين
بص أنا أنصحك انك ما تستعجلش، لأن أنا استعجات و جبت من الميكانيكيون العرب ولبست (وبالمناسبة ده مركز معتمد بس مش التوكيل)
رقم أحمد طعيمة: 0101675136

**midohits** · 15-11-2011 04:09 PM

والله من رأي ابعد عن التوكيل مش بيعملوا حاجة لله في لله الا من رحم ربي
استنى شوية وانته هاتلاقي حاجة نضيفه لوحدك كده بس سيبها على الله بس مش تستعجل

**Hema_law** · 15-11-2011 07:10 PM

المشاركة الأصلية كتبت بواسطة ragaee

أنا هرد عليك بعد اذن الاستاذ هيما،
التوكيل بييع عربيات للعملاء اللى عايزين يبدللوا عربياتهم بحاجة جديدة، يعنى مثلا واحد معاه ميجان و عايز يبعهلهم و ياخد منهم فلونس جديدة، بيتمنه الميجان و يدفع الفرق
وفعلا التوكيل انضف حاجة ممكن تشترى منة بس للأسف نادرا لما تلاقى عنده لأن عملية الاستبدال بتبقى مع استلام الدفعات الجديدة يعنى كل فين و فين
بص أنا أنصحك انك ما تستعجلش، لأن أنا استعجات و جبت من الميكانيكيون العرب ولبست (وبالمناسبة ده مركز معتمد بس مش التوكيل)
رقم أحمد طعيمة: 0101675136

شكرا ع المتابعه هدف الواحد في المنتدى انه يساعد اي حد زي ما في اوقات الواحد بيتزنق
انا صاحبي ما رحش استبدل و له حاجه هو اشترى رينو ميجان و ربنا الحمدلله كرمه و في كمان في المستعمل نظام قسط ممكن يتصل بيهم و تسال مش هتخسر حاجه وربنا يقدم الي فيه خير يارب و يرزقك بسياره رينو ان شاء الله تكون وشه حلوه عليك
تحياتي