تقرير مصور : زوايا الفيرنا تمام بالقياسات دي

السلام عليكم ورحمه الله وبركاته
تعبت شوية في زوايا عربيتي الفيرنا لغاية ما اتظبطت بالقياسات دي تمام ....
دلوقتي والحمد لله لدرجة ان لو فردة كاوتش الهوا اعلي من الفردة التانية العربية تروح عكس اتجاهها (واعتقد ان دة تمام)

وكمان الرجرجة بعد 100 كيلو ساعة رغم اني زمان بكون لسة مرصص دلوقتي إختفت والحمد لله
فحبيت اوريكو القياسات يعني ... اتمني التوفيق للجميع
علي فكرة
تم عمل التالي في السيارة ( زمان )علشان الرجرجة الجمدة مع الفرامل ( مسحت طنبير العربية ) وغيرت تيل
ترصيص جنوط تمام التمام وكشفت بردة علي المساعدين تمام التمام

اسيبكم مع الصورة :tumb::tumb:
http://i1230.photobucket.com/albums/...12-29-31PM.jpg

و عليكم السلام و رحمة الله و بركاته

كلنا بنظبط زوايا و عمر النتايج ما بتصفر
و الحمد لله عند حضرتك حاجات بسيطه لا تؤثر و لا تلاحظ ... و أعتقد مفيش ظبط أكثر من كده
و يا ريت تقول لنا الشغل تم فين و سعره أيه

شكل النتايج دي سببها المطبات اللي بناكلها

مبروك

اقتباس:

---

المشاركة الأصلية كتبت بواسطة hossam99

و عليكم السلام و رحمة الله و بركاته

كلنا بنظبط زوايا و عمر النتايج ما بتصفر
و الحمد لله عند حضرتك حاجات بسيطه لا تؤثر و لا تلاحظ ... و أعتقد مفيش ظبط أكثر من كده
و يا ريت تقول لنا الشغل تم فين و سعره أيه

شكل النتايج دي سببها المطبات اللي بناكلها

مبروك

---

بريدج ستون صلاح سالم :36_1_40[1]:

اقتباس:

---

المشاركة الأصلية كتبت بواسطة verna2008auto

بريدج ستون صلاح سالم :36_1_40[1]:

---

أنا شاكك في كل فروع بريدجستون في موضوع ظبط الزوايا
لما ظبط الزوايا في فرع مراد الفني قالي العربيه محتاجه زرجينه و إن واخد مطب جامد جه زميله ظبط العربيه و أعتزلي علي خطأ زميله التاني

اقتباس:

---

المشاركة الأصلية كتبت بواسطة HOSSAM99

أنا شاكك في كل فروع بريدجستون في موضوع ظبط الزوايا
لما ظبط الزوايا في فرع مراد الفني قالي العربيه محتاجه زرجينه و إن واخد مطب جامد جه زميله ظبط العربيه و أعتزلي علي خطأ زميله التاني

---

أدعمك في رأيك تماما .. بس الحكمة هل كل صوابعك زي بعضها
حضرتك انا شاري الفيرنا جديدة 2008 بتحدف
تم عمل التالي :( دة علي مدي 3 سنوات وبدون نتيجة )
ظبطت زوايا عند مش اقل من 7 اماكن متخصصة ( الكل اجمع ان ده عيب مصنع )
حصلتلي حادثة بسيطة ( رصيف دخل في العربية ) اللي بيها اتحججت وغيرت ب ( اصلي )
جوز مساعد امامي+ميزان+تيش ميزان+مقصين يمين وشمال ..تقريبا كل اجزاء الرفع (Suspension System)
الي ان وصل رأي بعض ال (كوفتاجية ) اني اغير القنطرة .. وهي الجزء الامامي اللي شايل كل حاجة في العربية..
طبعا ما غيرتش حاجة بس جالي إحباط
فقدت الامل في تصليح عيب زوايا الفيرنا...

توقفت عن البحث فترة ( عن موضوع الزوايا ) ورضيت بالامر الواقع الي ما بالصدفة من حوالي 6 اشهر تم الكشف في بريدج صلاح سالم -واحد اسمة محمد حسني-... دة شاب مايجيش 20 سنة
وبالفعل .. كان فيها (0.5) سم (كامبر ) في العجلة اليمين .. عملهولي ...
وكانت النتيجة اني (( اتسرعت )) لما لاقيت العربية والحمد لله ماشيا عدل..."وماطلعش عيب مصنع الفيرنا واله علشان موتورها 1600 " دة كان رأي(( الكوفتاجية))

فا علشان كده حبيت انقل خبرتي للافادة لكل الناس ولكل اعضاء منتديانا الجميل
اتمني اني اكون افدت :Copy of majd(2):

محمد دة بيفهم
عملى الزوايا بتاعتى بردوا والعربيه طلعت كويسة جدا