أكبر عملية سرقة سيارة نقود بمصر بالنهار .. اللصوص حملوا ملصقات 25 يناير

أكبر عملية سرقة سيارة نقود بمصر بالنهار .. اللصوص حملوا ملصقات 25 يناير

http://images.alwatanvoice.com/news/...9998308407.jpg

13-11-2011

استولي مجهولون على نحو مليون دولار من داخل إحدى السيارات التابعة لشركة صرافة بمنطقة مصر الجديدة.

قال مصدر أمني مسئول إنه أثناء سير سيارة تابعة لشركة الصرافة المتحدين في شارع الميرغني بالقرب من منطقة السبع عمارات بمصر الجديدة، وكانت تحمل 940 ألف دولار، وقامت سيارتان يستقلهما 5 مجهولين تضعان "ملصق 25 يناير" على اللوحات المعدنية باعتراض السيارة وتهديد مستقلي سيارة شركة الصرافة بخرطوش والاستيلاء على المبلغ وفروا هاربين.

أضاف المصدر إن أجهزة البحث، ومديرية أمن القاهرة تجريان حاليا عمليات متابعة أمنية لضبط مرتكبي الواقعة.

ربنا يسترها

وهما عرفو منين ان العربية فيها المبلغ ده ؟

اكيد كانو عرفين انها فيها فلوس

بخرطوش ؟؟؟؟؟؟؟؟؟؟؟؟؟؟

الموضوع مش مظبوط
المفروض ان عربية نقل الاموال مجهزه ضد الرصاص وكمان معاهم سلاح

اكيد فى خيانة من اللى شغالين فى الشركة

العربية بتكون مصفحة ولما بيكون في اموال بتكون مغلقه كليا من الداخل وايضا سرقوها بفرد خرطوش وفي شارع المرغني ؟؟؟!!!! الموضوع صعب ومش مظبوط ...!!! طبعا لا اقصد صاحب الموضوع ولكن الخبر المنقول نفسه

لا حول والا قوة الا بالله فعلا لازم يكون الموضوع مترتب او صدفة على اساس ان العربيات دى مجهزة لنقل الاموال يبقى توقعوا او كانوا متابعينها ربنا يسترها

اقتباس:

---

المشاركة الأصلية كتبت بواسطة razini89

الموضوع مش مظبوط
المفروض ان عربية نقل الاموال مجهزه ضد الرصاص وكمان معاهم سلاح

---

المشكله ان السلاح ده بيكون بتاع اسوان الى بيضرب لمسافه 30 40 متر و شكراا على كده و اكييد فى ان فى الموضوع

اقتباس:

---

المشاركة الأصلية كتبت بواسطة rsarabia

اكيد فى خيانة من اللى شغالين فى الشركة

---

حصلت قبل كده فى المنصورة السنة الى فات و سرقوا 3 مليون و بعدها بككام اسبوع اكتشفوا ان السواق كان مرتبت مع الحرامية ازاى يسرقوا العربيه بالفلوس

اقتباس:

---

المشاركة الأصلية كتبت بواسطة razini89

الموضوع مش مظبوط
المفروض ان عربية نقل الاموال مجهزه ضد الرصاص وكمان معاهم سلاح

---

صحيح العربية مصفحة وثقيلة ولا خرطوش ولا رشاش ياثر فيها

الموضوع مش مريح ومريب
عربية الفلوس بتبقي مصفحة
زجاج ضد الرصاص
عجل ضد الثقب
مجهزة بسلاح الي وبيركب فيها عسكري علي ما اعتقد

والله المستعان
،
،

ثوره ثوره

اغلب شركات الصرافه بتستخدم عربيات ملاكي عاديه
البنوك والشركات الكبري زي شركات الاتصالات وغيرها هما الى بيستخدمو السيارات الخاصه لنقل الاموال

اقتباس:

---

المشاركة الأصلية كتبت بواسطة sha2e

اغلب شركات الصرافه بتستخدم عربيات ملاكي عاديه
البنوك والشركات الكبري زي شركات الاتصالات وغيرها هما الى بيستخدمو السيارات الخاصه لنقل الاموال

---

هو اكيد دة المقصود .. عربية ملاكي عادية لأن الخبر بيقول عربية تابعة لمركز صرافة

و اكيد كمان فيه تظبيط من حد في الشركة علشان يعرفوا ان العربية فيها المبلغ دة او الاحتمال التاني ان الشركة بتبعت فلوس في اوقات منتظمة سهل انها تتعرف