ارجوكم ساعدوني رابع موتوسيكل يتسرق مني ,نصائحكم للحماية والامان

بسم الله الرحمن الرحيم

السلام عليكم ورحمة الله

عضو جديد لسة مسجل اليوم واتمني ان افيد واستفيد من خبرتكم الكبيرة واتمني ايضا نصائحكم

رابع موتوسيكل يتسرق مني بنفس الوقت الساعة 8ونص صباحا وبنفس الطريقة ومن مدخل البيت !!!!!!!

طبعا لو دخلنا في موضوع اسعارهم هيجيلي سكتة قلبية لكن الله المستعان ما علينا

ناوي بامر الله شراء موتوسيكل صيني ارجوكم ساعدوني في نصائح الامان مثل اجهزة الامان ضد السرقات اللي بيتم تركيبها وما اهم انوعها ولو في طرق تانية ارجوكم لاتبخلوا عليا بها ليستفاد كل ما مر بهذه التجربة الاليمة .. كفاية نازل الصبح تروح شغلك متلقيش الموتوسيكل واقف :_Alshmokh08[1]:


وبهذه المناسبة >> اسال الله العظيم رب العرش الكريم ان لايوفق كل من سرق موتوسيكل وينفجر في وشة وفي وش اقرب الناس الية ويبتلية بمرض مزمن لايشفي منه الا اذا رجع الموتوسيكلات لاصحابها << قولوا امين

امين ... هما ياباني ولا صيني ؟؟ ... وعموما ربنا يعوض عليك ان شاء الله

ربنا يعوض عليك ويخلف عليك باحسن منهم
بس سؤال ، لما اتسرق منك الاول والتاني من مدخل البيت ، ركنت ليه التالت والرابع في نفس المكان ؟

الاولاني خالص كان هوندا والباقيين صيني ((الله يرحمهم كانوا طيبين ))
يارب احرق قلب اللي سرقهم زي ما حرق قلبي ((اعذروني انا محروق دمي بزيادة ))

بالفعل اتسرقوا من جوة البيت لاني بحتاج الموتوسيكل في السواقة بشكل دائم واغلب الوقت من 9 الصبح ل12 بالليل والموتوسيكل معايا لغاية ما اروح البيت والمنطقة اللي انا فيها مفيهاش اي جراج وبضطر اركنهم في مدخل البيت

نصائحكم بالله عليكم واقوي اجهزة الامان

هو الياباني الي انسرق ايه نوعه وازاي انسرق؟؟؟

وربنا يعوضك خير وينتقم منك ,,بخصوص المكن الصيني موجود مفاتيح ماستر تفتح المكنة الصينية بكل سهولة يعني لازمك تربط الموتسيكيل بسلسلة قوية وقفل صعب كسره وركب عليها جهاز انذار وربك بسترها ان شاء الله ,,والله ينتقم من الي سرق الموتسيكيل وربنا يعوضك خير..

دخلة جوا البيت ولو المدخل لية باب ويبقى تجبله افل وسلسة وتدى لكل واحد معاك فى البيت المفتاح وتقفل كل يوم الباب قبل ما تنام وسلسة عمولة شديدة كدة وقفل فرنساوى وتفل المتوسيكل فى اى حاجة وكده تمام

يا جماعة قولو ربنا يهدي اللي بيسرقوا ويتوبو عن السرقة كدا احسن

وعلي فكرة الأقفال دلوقتي ملهاش اي لزمة ... دا اذا كان حرامي فاهم هيرش اي حمض زي ميت النار ع القفل القفل هيتفش ف ثانية ... او في طريقة تانية ... بيبقي معاة قصافة حديد او منشار حديد بيقطع الحتة اللي ملحومة ف الحلق بتاع السلسلة ومش هتاخد كتير معاة ...

انا عندي فكرة انت اجر شقة وحطه فيها او خده وانت طالع وبيتو جمبك ع السرير هههههههههههه

فيه اقفال عند مجل اسمه رشدان
فى العتبة او مصر الجديدة
اقفال شيزا ايطالى
القفل سعره 250 الى 300 جنيه
محلات الدهب بتستعمله
انصحك بواحد مع جنيزر محترم او خوصة حديدة كويسة

بشكر كل الاخوة اللي ردوا ربنا يبارك فيكم جميعا

بالنسبة للاقفل والجنزير سهل جدا علي اي حرامي مبتدئ يفكهم انا جربت كل ما يخطر علي البال لدرجة اني وديت الموتوسيكل في مرة لكهربائي اشبة بمخترع عمل حاجة كده كهرباء للاجزاء الحديد اللي في الموتوسيكل ولو اي حد حاول يلمس اي حته حديد في الموتوسيكل يتكهرب فورا بس المشكلة ان في عيال صغيرة عندنا كتير واخاف عيل يتكهرب ولا حد يروح فيها ..

لو في اجهزة انذار او امان بتتركب في الموتوسيكل زي العربيات ياريت حد يقولي علي اسم نوع فيهم

انا اشتريت موتوسيكل دايون استعمال علي 2500 حجم كبير بحالة فوق الممتازة ربنا يباركلي فيه وديتة للميكانيكي يظبطة بس مش عاوز اروح اجيبة من عند الميكانيكي لحد الان قبل ما ارتب كل شئ في البيت حتي لاتتكرر ماساتي مرة اخري ونسال الله السلامة

علي فكرة اخواني انا من طنطا واتشرف بمعرفتكم والله

والله انا قربت اتعقد من الموتوسيكلات وشكلي هشوف عربية تعبانة علي قدي احسن من الهم ده كله

بس لازم يبقي في حل لموضوع السرقات لانها انتشرت بشكل غبي جدا والجرائم بشكل عام في مصر ده غير ولا في شرطة ولا في حاجة في البلد

اقتباس:

---

المشاركة الأصلية كتبت بواسطة ahmed_cbr1994

يا جماعة قولو ربنا يهدي اللي بيسرقوا ويتوبو عن السرقة كدا احسن

---

يا ربنا يهديهم يابتليهم بمصيبة وياخدهم
المفروض دول يتطبق عليهم الحد وقطع اليد عشان يريحوا الناس من شرهم

لاحول ولا قوة إلا بالله .. ربنا يصبرك على ما بلاك ... الحرامية ما بيتغلبوش للأسف .. الحل الوحيد انه يتركن داخل دكان او جراج ويتقفل عليه ....

اقتباس:

---

المشاركة الأصلية كتبت بواسطة د.محمود صلاح

لاحول ولا قوة إلا بالله .. ربنا يصبرك على ما بلاك ... الحرامية ما بيتغلبوش للأسف .. الحل الوحيد انه يتركن داخل دكان او جراج ويتقفل عليه ....

---

فعلا حل جميل وفعال مع الاسف الجراج القريب مني بعيد جدا
وبالنسبة للدكان رايي مش معقولة ادفع كل شهر في دكان ايجار 150 جنيه عشان موتوسيكل ب2500 جنيه مش لايقة حتي :d

ودة حاجة مؤقتة لاني نفسي اجيب هوندا ريبال وهجيبها ربنا اراد فعاوز ائمن المكان من دلوقتي

يعني اخواني انا بدات في الاتي
اشتريت كاميرا مراقبة وجهاز انذار قوي وصوتة غبي جدا دفنت الكاميرا في الحيطة فوق المكنة بالظبط ووجهتها بحيث انها تجيب شكل الموتوسيكل كامل بالاضافة الي مدخل البيت ونص الشارع وجهاز الانذار اساسا مشعر للحركات القوية والعنيفة بس مش عارف ده يتركب ازاي هشوف الكهربائي يخترع اي اختراع وربنا ييسر لان نفسي امسك حرامي فيهم والله ما عاوز الموتوسيكل بس امسك واحد فيهم بس .

ومنتظر ايضا راي المجربين اللي يعرف اي جهاز انذار فعال وقوي يقولي اسمة وهجيبة بامر الله

وبامر الله لما ربنا ييسر الحال اتمني من اعضاء المنتدي الاوفياء مساعدتي بالحصول علي هوندا ريبال

طب انت بتقفل الباب بتاع البيت ولا بيبقى مفتوح ؟

طب انت بتقفل الباب بتاع البيت ولا بيبقى مفتوح ؟

واه صحيح امين والهى وهوه ماشى يخبطهم عربية يلزقهم فى الحيط وبعد اما يقع يمشى عليه عربية نقل وكل ده ميمتش ويقوم يخبطه قطر ويحطه قدام اتوبيس سياحى فاخر هههههههههههه
معلش قدر الله وماشاء فعل وفعلا حسبى الله ونعم الوكيل

[youtube]http://www.youtube.com/watch?v=CQDKWuIM9aA&feature=related[/youtube]

اقتباس:

---

المشاركة الأصلية كتبت بواسطة tourism81

فعلا حل جميل وفعال مع الاسف الجراج القريب مني بعيد جدا
وبالنسبة للدكان رايي مش معقولة ادفع كل شهر في دكان ايجار 150 جنيه عشان موتوسيكل ب2500 جنيه مش لايقة حتي :d

ودة حاجة مؤقتة لاني نفسي اجيب هوندا ريبال وهجيبها ربنا اراد فعاوز ائمن المكان من دلوقتي

يعني اخواني انا بدات في الاتي
اشتريت كاميرا مراقبة وجهاز انذار قوي وصوتة غبي جدا دفنت الكاميرا في الحيطة فوق المكنة بالظبط ووجهتها بحيث انها تجيب شكل الموتوسيكل كامل بالاضافة الي مدخل البيت ونص الشارع وجهاز الانذار اساسا مشعر للحركات القوية والعنيفة بس مش عارف ده يتركب ازاي هشوف الكهربائي يخترع اي اختراع وربنا ييسر لان نفسي امسك حرامي فيهم والله ما عاوز الموتوسيكل بس امسك واحد فيهم بس .

ومنتظر ايضا راي المجربين اللي يعرف اي جهاز انذار فعال وقوي يقولي اسمة وهجيبة بامر الله

وبامر الله لما ربنا ييسر الحال اتمني من اعضاء المنتدي الاوفياء مساعدتي بالحصول علي هوندا ريبال

---

معلش ربنا يعوضك

انتا محتاج تسأل حرامى كويس

الله يبارك فيكم يارب ومتشوفوش وحش في مكنكم
وديتها لجراج والحمد لله ب50 شهريا قلت ائمن واحسن واستحمل المشوار لغاية ما اجيب مكنة انضف .

المضحك اخواني ان عندنا في المنطقة واحد حرامي يعتبر رئيسهم المهم ركبني عربيتة لفينا علي حرامية طنطا كلهم بس بصراحة حرامية زوق زوق واجب شاي وسجاير وشوية كانوا هيعيطوا علي حالي هههههه

فيديو عادل امام ده في الجون تسلم ايدك

الله المستعان هم يضحك وهم يبكي .. كل الشكر والاحترام لكل الاخوة

اقتباس:

---

المشاركة الأصلية كتبت بواسطة tourism81

الله يبارك فيكم يارب ومتشوفوش وحش في مكنكم
وديتها لجراج والحمد لله ب50 شهريا قلت ائمن واحسن واستحمل المشوار لغاية ما اجيب مكنة انضف .

المضحك اخواني ان عندنا في المنطقة واحد حرامي يعتبر رئيسهم المهم ركبني عربيتة لفينا علي حرامية طنطا كلهم بس بصراحة حرامية زوق زوق واجب شاي وسجاير وشوية كانوا هيعيطوا علي حالي هههههه

فيديو عادل امام ده في الجون تسلم ايدك

الله المستعان هم يضحك وهم يبكي .. كل الشكر والاحترام لكل الاخوة

---

معلش يا استاذ انا حبيت ارفه عنك والله مش اكتر ولكن عسى ان تكرهوا شيئا وهو خير لكم


والجراج افضل بكثير وان شاء الله خير

هات كاميرا و شغلها طول ما انت راكن الموتورسيكل و انت هتعرف مين اللي بيسرقك علشان واضح انو شخص واحد

فكرة يارب تنفع معاك فك السماعة الحمرا بتاعة جاز الانزار ووصل يلك طويل من شقتك لغاية المكان اللي بتركن فيه الموتسكل وياريت السلك يكون مخفي قدر الامكان وفي آخره ركب فيشة كهرباء وفي الموتسكل مكان السماعة ركب نتاية الفيشة وبالليل تحط الفيشة ولو حد لمس الإنزار المكنة هاترن عندك انته وهو يعتقد ان الجهاز بايظ وتنزل انته تمسك الحرامي