عمرة ولا حج؟

**nonetta** · 14-11-2011 06:30 PM

السلام عليكم
انا يا جماعة عمري ما زرت بيت الله الحرام

وكل سنة بابقى مشتاقة جدا وكل ما اشوف الحرم في التلفزيون دموعي تنزل
خاصة عمرة رمضان والحج

ربنا لسة ما وجهليش دعوة لزيارة بيته
انا دلوقتي بافكر جديا اني ادخر عشان اعمل عمرة او احج العام القادم باذن الله ربنا يديني العمر والمقدرة

عاوزة اخد رأيكم

احج الاول ولا اعمل عمرة

ناس قالتلي وفري فلوسك وحجي على طول

وناس بتقول لو عاوزة تستمتعي بالحج اعملي عمرة الاول استمتعي بيها واتعلمي المناسك وبعدين تحجي تبقي عارفة هتعملي ايه

ولو عمرة اعمل عمرة في شهور عادية استمتع بعدم الزحام
افضل ولاعمرة رمضان واخد ثواب اكتر وثواب حجة مع الرسول

حاسة اني مش قادرة اصبر
وعاوزة اروح عمرة اول ما تتاح العمرة يعني على اجازة نص السنة
مستنية آراءكم

**romieh** · 14-11-2011 07:45 PM

العمرة ثوابها كبير وعظيم وخاصة لو فى رمضان

لكن الحج ده حاجة تانية خالص - كفاية انى اقول انه خامس أركان الاسلام وفريضة على كل مسلم قادر

نصيحتى ليكى لو حضرتك تقدرى انك تحوشى للحج يبقى اوعى تفكرى فى العمرة دلوقتى وانويها للحج على طول

لكن لو الاستطاعة غير موجودة لأى سبب ، يبقى الافضل انك تروحى تعملى عمرة

انا اسمع ان العمرة بتجدد الواحد وترجعه نضيف وكويس (والواحد بيبقى محتاج الحاجة دى فى ظل العالم اللى احنا عايشينة دلوقتى)

ومادام دى هتكون اول زيارة ليكى يبقى يفضل انها تكون فى غير رمضان علشان الدنيا تكون فاضية وتقدر تستمتعى بالعمرة والزيارة

على فكرة انا كنت واقع فى نفس حيرتك دى من حوالى 5 شهور

بس انا نويت ان شاء الله انى اطلع فى اقرب عمرة جاية (أعتقد انها هتكون مولد النبى) وذلك لعدم قدرتى المادية على تكاليف الحج

عموما ربنا يتقبل منك سواء كان عمرة او حج

اللهم أأذن لنا بالحج اللهم آمين

**زينة الله** · 14-11-2011 07:53 PM

ربنا يكرمك بحجة وعمرة مقبولين يا رب

انا كمان نفسى أحج والفكرة بتلح عليا من سنتين بشدة وربنا ينولهالى يارب

و فكرت أحج الاول على اساس انها الفريضة وابقى كدا اتممت ركن من اركان الاسلام الخمسة .. حج البيت لمن استطاع اليه سبيلا

ونفس الكلام برضو فيه ناس قالوا لى اعمل عمرة الأول عشان اتعرف على المكان الأول واستمتع بالحج بعد كدا

فى رأيى .. ابدأى حوشى من دلوقت .. واللى ربنا ييسرهولك الأول( حسب الظروف ) عمرة أو حج .. ابدأى بيه

يعنى اسعى وخليها على الله و رزقك يسعى اليكى إن شاء الله بعمرة أو حجة

**hussein** · 14-11-2011 07:58 PM

اطلعى العمره فى اسرع وقت و ربنا هيرزقك بفلوس الحج ان شاء الله لان الحج و العمره ينفيان الفقر (دا كلام النبى ص)
واطلعى فى وقت مش زحمه هتستمتعى و تخشعى اكتر من الزحمه و سلوكيات الزحمه وماادركى
يبقى ادعيلنا معاكى :)

**Lion_Heart** · 14-11-2011 08:20 PM

المشاركة الأصلية كتبت بواسطة hussein

اطلعى العمره فى اسرع وقت و ربنا هيرزقك بفلوس الحج ان شاء الله لان الحج و العمره ينفيان الفقر (دا كلام النبى ص)
واطلعى فى وقت مش زحمه هتستمتعى و تخشعى اكتر من الزحمه و سلوكيات الزحمه وماادركى
يبقى ادعيلنا معاكى :)

انا معاك فى الراى ده
لكن فى وقت بيكون الحرم غير مزدحم للقيام بالمناسك و التمتع و التفرغ هناك هل فى عمرة المولد النبوى ام رجب ام ام ؟؟؟؟؟؟؟؟؟؟؟؟؟؟؟؟؟

**abo_anas** · 14-11-2011 08:23 PM

ربنا ييسر لك الحج والعمره
الحج اولا اولى لانه فريضه وخامس اركان الاسلام لمن استطاع اليه سبيلا، وحج التمتع يعنى حضرتك سوف تؤدى العمره اولا ثم تدخلى فى مناسك الحج ابتداء من 8 ذو الحجه، انوى من الان وربنا ييسر لك الحج وزياره بيته الحرام وزياره الحبيب محمد صلى الله عليه وسلم

**abo_anas** · 14-11-2011 08:26 PM

الحج ركن من اركان الاسلام اذا الحج أولى

**شريف** · 14-11-2011 08:33 PM

انتي لو سافرتي حج متمتع هتبقي عملتي عمرة و حج مع بعض
حاولي تحجي الاول اذا كان في سبيل ليها
ثم تابعي بينهم بعد ذلك

**Khaled Seif** · 15-11-2011 02:04 PM

بسم الله والحمد لله والصلاة والسلام على رسول الله وبعد

الأخت الفاضلة السلام عليكم ورحمة الله وبركاته

رأيي الشخصي من خلال التجربة

حاولي حضرتك تؤدي مناسك العمرة أولا , وإن شاء الله حاولي إنها تكون عمرة المولد

النبوي ( بداية من شهر ربيع الأول ) , حتى تستطيعي الإستمتاع بأداء المناسك من إحرام

وطواف وسعي وتقبيل أو استلام للحجر الأسود وصلاة في الحطيم ( حجر اسماعيل ) ,

وخلف مقام سيدنا إبراهيم , وتضرع بالملتزم ( بين باب الكعبة والحجر الأسود ) ,

والجلوس بعد العشاء وقبل الشروق للتسبيح والنظر للكعبة فإنه عبادة ثم صلاة الضحى

ومن صلاة بأول مسجد في الإسلام ( قباء ) , وزيارة شهداء أحد والدعاء لهم وشهداء

البقيع , وفوق ذلك زيارة المصطفى صلى الله عليه وسلم وصاحبيه رضي الله عنهم

وأي سؤال في المناسك والأركان و الواجبات والسنن والأداب والشروط الخاصة بكل ركن

أو المحظورات أو الكفارات تحت أمر حضرتك

وحاولي حضرتك تطلعي على هذا الموضوع

http://www.nilemotors.net/Nile/224644-a.html

وصل الله على خير من حج واعتمر سيدنا محمد بن عبد الله

-

الموضوع: عمرة ولا حج؟

LinkBack

أدوات الموضوع

عرض

عمرة ولا حج؟ - انشر الموضوع فى :

-

-

-

المواضيع المتشابهه

عايزة عمرة او نص عمرة ربنا يستر :(

يعنى ايه عمرة ونص عمرة؟؟

الاضافات السائله لرفع كفائة المحرك او عمل عمرة اونصف عمرة

نص عمرة ولا استنى و أعمل عمرة كاملة

عمرة كاملة - نصف عمرة - أم تغيير ما هو تالف فقط؟

الكلمات الدلالية لهذا الموضوع

المفضلات

المفضلات

ضوابط المشاركة