رجاااااء حد يرد عليا صوت تكة فى الدركسيون فى الالنترا 2008
سيارتى النترا 2008 مانيول فى صوت تكة فى الدركسيون على السرعة الاولى والثانية بحس بيها و بحس بيها اكتر فى المطباات بس الباور مفهوش اى مشكلة فى الدركسيون خالص و انا ماشى طوالى رحت مركز خدمة معتمد لهيونداى ربطلى العفشة كلها وقلى مفيش مشكلة فى العفشة بس قلى الصوت دى صليبة الدركسيون لازم تتغير او القطمة بصليبة الدركسيون بعدها بساعة واحدة رحت مركز صيانة تانى معتمد قلى لازم علبة الدركسيون كاملة تتغير و العفشة سليمة فرججججججججاء افيدونى يا اهل الخبرة فى حل مشكلة صوت التكة الموجود بالدركسيون و اسعاااار الصليبة كام و علبة الدركسيون كام فى التوكيل
الكلام دة من الاخر وشكرا لك
اقتباس:
المشاركة الأصلية كتبت بواسطة bakkarahmed
انا هاريحك وهاجيبلك الخلاصه ان شاء الله..
انا لما اشتريت عربيتي كنت ملاحظ صوت طقه في الدركسيون فقط لما باكسر سنه شمال (بالذات) وا لما اطلع مطب براحه وانا كاسر الدركسيوت سنه ولما كنت بامشي عدل علي اي طريق مكسر كانت العربيه زي الفل ..
الصوت ده تلاحظه شويه كمان لما تكون بتطلع مفاجئ والكاوتش سنه مكسور.
طبعا انا ماكنتش اعرف حكايه القطمه دي وسعرها اخرافي الا من المنتدي ولو كنت عرفت قبل ما اشتري العربيه ماكنتش اشتريتها من اساسه...المهم
انا فضلت قلقان وخايف انها تكون قطمه ونفسي كانت واقفه من العربيه..لغايه ما وديتها لواحد بتاع عفشه انا باثق فيه ولما سمع طوت الطقه دي قالي ماتشغلش بالك بيها دي مش قطمه والقطمه مش بتبوظ الا في موديل 2007 بس وكانوا في التوكيل بيغيروها علي طول ببلاش حتي لو عربيتك خارج الضمان وكمان مافيش الاسعار الخرافيه اللي بتقولها دي اسعار توكيل ده الموتور الاستيراد اللي بيتباع بخمسه بيتباع في التوكيل ب خمسين والقطمه استيراد ب 1500 جنيه فقط ..المهم
قالي ده عيب (مش عيب بمعني اصح) ده حاجه شائعه في الالنترا لان صليبه الدركسيون فيبر والشحم اللي جواها بينشف وبتحتاج متابعه بشويه شحم بخمسه جنيه كل سنه..:))) قولتله لما نشوف ...
وابتدي الشغل النهارده الساعه 3 العصر وفكها وورهاني فعلا فيبر من جوه لونه ازرق وماكانش فيها شحم وبعد ما حطلها شويه شحم تقيل وركبها الساعه 3 ونص :)) ..كانت المفاجأه::::
الصوت اختفي تماما وكلت بيها مطبات كتير وطلعت بيها طلعات غشيمه وانا كاسر الدركسيون والحمد لله قلبي استريح (عقبال ما ربنا يطمنك انت كمان)..
الخلاصه انا باتوقع ان المشكله اللي عند حضرتك صليبه وبلاش تجيبها جديده لان هايحصل فيها نفس المشكله. الموضوع ده كلفني عشرين جنيه فقط :::: اعمله ولو ظبط يبقي انت عرفت اللي فيها::
معلش انا طولت شويه لاني كنت عايز انزل الموضوع ده بالصور بس النصيب فيه لحضرتك
