الحاج عمر سليمان ...!!!

**zyadahmed** · 14-11-2011 11:50 PM

اللهم انت اعلم منا به فجازه بما هو اهلا له من جزاء

يمهل ولا يهمل لعلها توبة ....

ولكن للتوبة شروطها فهل حققت كل شروط التوبة يا رئيس مخابرات مبارك 20 سنة

وياترى محتاج ايه تانى جنب الحجة دى للتوبة وهل رددت الامانات والحقوق الى اهلها اللى هما 80 مليون مصرى يحاجوك امام ربك فى يوم هو اعظم من يوم عرفة ؟؟؟؟؟؟؟؟؟ !!!!!

**Abo_Lina** · 15-11-2011 12:00 AM

هو كده ده إسمه حج ?
احنا في الحج بنلبس كلنا زي موحد و نترك متاع الدنيا و رفاهيتها و مناصبها و مفروض بنكون كلنا سواسية ..
الراجل مفضينله الطريق بعيدا عن بقية الناس و ناقص يمشي في الموكب الكامل بتاعه

**تامر.محمد** · 15-11-2011 12:34 AM

همممم , كنت قريت مؤخرا موضوع فيه بلاوي الراجل ده , هاحاول ادور عليه

**aif** · 15-11-2011 01:31 AM

الله اعلم بالقلوب والنيات
وهو وحده اللي بيقبل الاعمال والحج والدعاء ..... مش ائتلاف الثورة !!!!!
ربنا يغفر لنا جميعا

**heshamzaky** · 15-11-2011 01:45 AM

المشاركة الأصلية كتبت بواسطة aif

ليه الكلام ده يا جماعة
ربنا يتقبل منه ومن جميع الحجاج
وبعدين من حق اي حد انه ما يتصورش رغما عنه
لو انت لقيت حد بيصورك وصورتك ماليه النت غصب عنك مش ح تضايق ؟؟؟؟؟
واللي بيصور ده المفروض يركز في المناسك ويدع الخلق للخالق .... ولا هو مراسل شبكة نوارة في البقاع المقدسة ؟؟؟؟

+++++++++++111111111111
كلامك صحيح و الى أعرفة انة ما ينفعش تتصور فى الحرم للمباهاة
فما بالك بواحد داخل يصور و يرفع الفيديو على اليوتيوب سبحان الله
و هو مش فية ناس مسنة بتدفع تمن الكرسى الى بعجل و بتعمل بية الطواف برضو و لا لآ

**heshamzaky** · 15-11-2011 01:48 AM

............. منقول ..........
مصادر:سليمان لم يعين مستشارا للحكومة السعودية

نفت مصادر مقربة من اللواء عمر سليمان النائب السابق للرئيس المصري السابق اليوم الثلاثاء أن يكون سليمان وافق على العمل مستشاراً للحكومة السعودية أو لأية حكومة أو رئيس أو ملك أو حاكم بدولة عربية شقيقة.

ونقل الموقع الإلكتروني لصحيفة "الأهرام" المصرية، عن تلك المصادر التي لم تكشف عن هويتها، قولها "إن اللواء عمر سليمان تربطه علاقات طيبة بالأشقاء في السعودية، ولهذا كان ضمن الحضور في حفل الاستقبال السنوي الذي يُقام برعاية ولي العهد الأمير نايف بن عبد العزيز آل سعود وذلك تقديراً له كأحد أبرز الشخصيات والقيادات العربية.

وكان ظهور سليمان في الحفل السنوي أثار العديد من التساؤلات والتكهنات ودفع بعض مواقع الإنترنت وصفحات الفيسبوك إلى ترديد شائعات مفادها موافقته على العمل مستشارا لولى العهد السعودي.

وأضاف الموقع"إن سليمان سافر إلى السعودية لأداء شعائر الحج كأي مواطن مصري".

وقالت المصادر إن سليمان "يشعر بالضيق الشديد مما يحدث بمصر وحالة الفوضى التي تعيشها، ولكنه يثق في أن المجلس العسكري قادر على العبور بسفينة الوطن إلى بر الأمان وإنقاذها من أعدائها بالداخل والخارج وأنه (المجلس) جاد في تسليم السلطة بالبلاد إلى رئيس مدني منتخب".

وكان سليمان توجَّه الثلاثاء الماضي إلى السعودية على متن طائرة خاصة، وقال مصدر بمطار القاهرة وقتئذ إن سليمان استقبل عدداً من السعوديين جاءوا على متن الطائرة لاصطحابه لأداء فريضة الحج.

**yousef1978** · 15-11-2011 01:30 PM

هي المشكلة مش في إنه قاعد على كرسي متحرك

أكيد سنه ما يسمحش بأكتر من كده

لكن هل يا ترى هو فاهم كده ولا لأ

لما واحد مش قادر يقف على رجليه عاوز يحكم خمسة وثمانين مليون مصري ليه - خلاص عبقريته طفحت ولم تلد النساء مثله

وبعدين هو لو شخص كويس مش هيخاف من شماتة الناس وإنهم يشوفوا صوره بعد ما بلغ من العمر عتيا

ما فيه ملاييييييين بيحجوا وفيهم المشهور والغني ونلاقيهم قاعدين على كراسي ومش مكسوفين من وضعهم الصحي ولا خايفين حد يشمت فيهم

ده غير بقى إنه بيحج وخايف لحسن حد يعتدي عليه وعلشان كده معاه شرطي مش محرمين عاديين بيحرسوه

طب كان عليه من ده كله بإيه

ما كان يراعي ربنا ويعزز شعبه والناس كانت هتفديه بعنيها مش يتخصص في تعذيب المصريين بره وجوه

أرجع وأقول ربنا ينتقم منه ومن أمثاله واللي عمله مش قليل بس يا ريت نبطل طيبة مش في وضعها ونفتكر العواجيز اللي بيموتوا في طوابير العيش وعلى سلالم المستشفيات ولا الحجاج والمعتمرين اللي ماتوا في العبارات وما لقيوش مركب مش طيارة خاصة تنقذهم

.

**BUNSH** · 15-11-2011 01:53 PM

هي المشكلة مش في إنه قاعد على كرسي متحرك

أكيد سنه ما يسمحش بأكتر من كده

لكن هل يا ترى هو فاهم كده ولا لأ

لما واحد مش قادر يقف على رجليه عاوز يحكم خمسة وثمانين مليون مصري ليه - خلاص عبقريته طفحت ولم تلد النساء مثله

وبعدين هو لو شخص كويس مش هيخاف من شماتة الناس وإنهم يشوفوا صوره بعد ما بلغ من العمر عتيا

ما فيه ملاييييييين بيحجوا وفيهم المشهور والغني ونلاقيهم قاعدين على كراسي ومش مكسوفين من وضعهم الصحي ولا خايفين حد يشمت فيهم

ده غير بقى إنه بيحج وخايف لحسن حد يعتدي عليه وعلشان كده معاه شرطي مش محرمين عاديين بيحرسوه

طب كان عليه من ده كله بإيه

ما كان يراعي ربنا ويعزز شعبه والناس كانت هتفديه بعنيها مش يتخصص في تعذيب المصريين بره وجوه

أرجع وأقول ربنا ينتقم منه ومن أمثاله واللي عمله مش قليل بس يا ريت نبطل طيبة مش في وضعها ونفتكر العواجيز اللي بيموتوا في طوابير العيش وعلى سلالم المستشفيات ولا الحجاج والمعتمرين اللي ماتوا في العبارات وما لقيوش مركب مش طيارة خاصة تنقذهم

+11111

-

الموضوع: الحاج عمر سليمان ...!!!

LinkBack

أدوات الموضوع

عرض

-

-

-

-

-

المواضيع المتشابهه

إختفاء الحاج أحمد ...!!!

الحاج احمد مشعل كل سنه وانت طيب

تليفون وعنوان الحاج سوسو

الحاج طلع طيب

تحيا مصر يا عم الحاج

الكلمات الدلالية لهذا الموضوع

المفضلات

المفضلات

ضوابط المشاركة