السي دي بلاير بيعمل ريستارت لوحده لما الصوت بيعلى - Kenwood KDC-MP333

السلام عليكم ورحمه اللي وبركاته

انا من يومين لاحظت حاجه عجيبه شويه في السي دي بلاير Kenwood KDC-MP333
http://farm4.static.flickr.com/3581/...97e3eebb01.jpg


المشكله بمنتهى الاختصار ان الصوت لو زاد عن 25 بلاقي الكاسيت بيقفل خااالص وبعدها يشتغل لوحده , بس المشكله انه لمجرد ان الصوت بيطلع من السماعات على نفس مستوي الصوت السابق ذكره بيطفي تاني , وبضطر لما يعمل ريستارت تاني احاول الحق اوطي الصوت عن الـ 25 دي قبل ما الصوت يشتغل , ياترى دي كده مشكله ايه ؟؟؟؟؟؟؟

هل هي مشكله فيوز مثلا ؟؟ ولا حاجه جوا الكاسيت ؟؟؟؟؟؟

مع مراعاه اني جربت اعلي الصوت على الاخر في حاله انتهاء الاغنيه مثلا (او عند الاصوات المنخفضه جدا) والبلاير فضل شغال عادي لغايه اعلى درجه في مستوي الصوت

وكمان لاحظت ان كل لما الصوت يعلى بلاقي اضاءه البلاير بتقل بشكل ملحوظ مع صوت البييز مثلا !!!

مع العلم اني شغال على سماعات الفابريكه بتاعت العربيه (2 سماعه خلفيه , 2 سماعه اماميه) , حد يطمني بقا :)

مشكورين مقدما على المساعده

في حد عنده اي اقتراح يا شباب :)

يا شامي ديه مشكله سلك الارضي مش ملمس كويس ثبته كويس والدنيا هاتظبط معاك ان شاء الله

ياباشا المشكلة مشكلة كهرباء هاتلة فردة من البطارية مباشر و كمان خد للأرضى من مكان مكشوف كويس و الدنيا هتتظبط معاك و ياريت تجيب السلك بتاع الهرباء الى هتعملة 3 ملل علشان الكاسيت ياخد كهربتة مظبوطة و ما يقطعش معاك تانى و قولى على النتيجة

اقتباس:

---

المشاركة الأصلية كتبت بواسطة kimo-nubira

يا شامي ديه مشكله سلك الارضي مش ملمس كويس ثبته كويس والدنيا هاتظبط معاك ان شاء الله

---

ربنا يباركلك ياكبير ويارب الحكايه تيجي على اد سلك الارضي وبس :)
على فكره يا باشا والله ليك وحشه كبيره انت وقسم الدايوووووو كله , بس معلش انا اللي مقصر معاكم :)

اقتباس:

---

المشاركة الأصلية كتبت بواسطة mody_mt2007

ياباشا المشكلة مشكلة كهرباء هاتلة فردة من البطارية مباشر و كمان خد للأرضى من مكان مكشوف كويس و الدنيا هتتظبط معاك و ياريت تجيب السلك بتاع الهرباء الى هتعملة 3 ملل علشان الكاسيت ياخد كهربتة مظبوطة و ما يقطعش معاك تانى و قولى على النتيجة

---

تمام كلامك يا استاذي وبإذن الله هعمل كده , بس بصراحه انا اخاف اعمل الحوار ده بنفسي لاني مجربتهاش قبل كده , واخاف اجرب لا يحصل قفله تطير كنترول العربيه ولا حاجه :) بمعنى اصح مش بحب العب في الكهرباء , لكن بإذن الله انا هروح لحد كويس واخليه يبص معايا على الحوار ده

ربنا يباركلكم يا جماعه عشان انا كده اطمنت :) شكرا يا اجدع ناس

العفو يا باشا و روح لكهربائى نضيف احسن لو مش هتعرف تعمل الموضوع دة

+11111111111111

عملت اية يا شامى ؟؟ بلغنا النتيجة لان لو اكدت ع الوصلات و الارضى ممكن يكون عيب ف دايرة تكبير الصوت بيعمل لود ع الكاسيت فيعمل ريستارت . جرب و شوف السماعات اليمين بنفس علو السماعات الشمال

اخبار قسم الدايو اية ؟ سلملى كتير على ممدوح . و انت اخبارك اية اتجوزت خلاص و لا لسة ع البر هههه

اقتباس:

---

المشاركة الأصلية كتبت بواسطة mody_mt2007

العفو يا باشا و روح لكهربائى نضيف احسن لو مش هتعرف تعمل الموضوع دة

---

تسلم يا باشا :) ربنا يخليك

اقتباس:

---

المشاركة الأصلية كتبت بواسطة karimfahmy99

عملت اية يا شامى ؟؟ بلغنا النتيجة لان لو اكدت ع الوصلات و الارضى ممكن يكون عيب ف دايرة تكبير الصوت بيعمل لود ع الكاسيت فيعمل ريستارت . جرب و شوف السماعات اليمين بنفس علو السماعات الشمال

---

كريم باشا حبيب قلبي :) والله ليك وحشه كبيييييييييييييييره جداااااااااااا , انت اختفيت يا باشا من ساعه ما بعت اللانوس :)
بخصوص الكاسيت انا لسا معملتش اي حاجه بصراحه لان في شويه ظروف كده مضيعه وقتي ومش عارف اعمل اي حاجه , ده انا حتى بقالى شهرين المفروض اعمل جوان وش سلندر ومفيش وقت وماشي بالعربيه قاعده تنتش وبتستهبل :)
عالعموم تقريبا مفيش اختلاف في صوت السماعات خالص لاني حتى جربت توزيع الصوت من جوا الكاسيت وكله طبيعي والحمد لله , بس بردو مفيش مانع اني ابص بصه كمان بتركيز اعلى , لانك دايما بتلفت نظري لحاجات كويسه :) تسلملنا يا كبير

اقتباس:

---

المشاركة الأصلية كتبت بواسطة karimfahmy99

اخبار قسم الدايو اية ؟ سلملى كتير على ممدوح . و انت اخبارك اية اتجوزت خلاص و لا لسة ع البر هههه

---

قسم الدايو كله وحوش زي ما انت عارف وكله تمااااااام ياكبير , وبالنسبه لسلامك على ممدوح يوصل بإذن الله , مع اني عايز اللي يوصل سلامي انا كمان ليه :) ههههههههههه لاني من فتره كبيره اوي مش قادر اتابع بانتظام زي زمان

وبالنسبه للجواز :) فـ للاسف لسا مش عارف احدد ميعاد نظرا لشويه ظروف كده :) بس ربنا يسهل ودعواتك بقا :)

يا جماعه انا لاحظت حاجه

المشكله دي طلعت بتظهر والعربيه مبطله وبس , لكن لما العربيه بتكون شغاله الكاسيت بيشتغل على اعلى صوت عااااادي جدا بدون اي مشاكل

اعتقد كده المشكله في الارضي , ولا ايه رأيكم ؟؟؟؟؟؟

اقتباس:

---

المشاركة الأصلية كتبت بواسطة محمد الشامي

كريم باشا حبيب قلبي :) والله ليك وحشه كبيييييييييييييييره جداااااااااااا , انت اختفيت يا باشا من ساعه ما بعت اللانوس :)
بخصوص الكاسيت انا لسا معملتش اي حاجه بصراحه لان في شويه ظروف كده مضيعه وقتي ومش عارف اعمل اي حاجه , ده انا حتى بقالى شهرين المفروض اعمل جوان وش سلندر ومفيش وقت وماشي بالعربيه قاعده تنتش وبتستهبل :)
عالعموم تقريبا مفيش اختلاف في صوت السماعات خالص لاني حتى جربت توزيع الصوت من جوا الكاسيت وكله طبيعي والحمد لله , بس بردو مفيش مانع اني ابص بصه كمان بتركيز اعلى , لانك دايما بتلفت نظري لحاجات كويسه :) تسلملنا يا كبير

و الله انت كمان ليك وحشة و القسم كلة بس انا شغال دلوقت على قسم الماروتى ههههههه



قسم الدايو كله وحوش زي ما انت عارف وكله تمااااااام ياكبير , وبالنسبه لسلامك على ممدوح يوصل بإذن الله , مع اني عايز اللي يوصل سلامي انا كمان ليه :) ههههههههههه لاني من فتره كبيره اوي مش قادر اتابع بانتظام زي زمان

ربنا يقويك و يكون ف عونك

وبالنسبه للجواز :) فـ للاسف لسا مش عارف احدد ميعاد نظرا لشويه ظروف كده :) بس ربنا يسهل ودعواتك بقا :)

---

ربنا يصلح الحال و تخش دنيا بقا بس متنساش تعزم كفاية الخطوبة قلبتنى يا اخى عيب دحنا جيران

اقتباس:

---

المشاركة الأصلية كتبت بواسطة محمد الشامي

يا جماعه انا لاحظت حاجه

المشكله دي طلعت بتظهر والعربيه مبطله وبس , لكن لما العربيه بتكون شغاله الكاسيت بيشتغل على اعلى صوت عااااادي جدا بدون اي مشاكل

اعتقد كده المشكله في الارضي , ولا ايه رأيكم ؟؟؟؟؟؟

---

ممكن ارضى و ممكن كهربة ضعيفة

اقتباس:

---

المشاركة الأصلية كتبت بواسطة karimfahmy99

ربنا يصلح الحال و تخش دنيا بقا بس متنساش تعزم كفاية الخطوبة قلبتنى يا اخى عيب دحنا جيران

ممكن ارضى و ممكن كهربة ضعيفة

---

انا مقدرش اقلبك يا استاذنا :)

وبالنسبه لحكايه ارضي او كهرباء ضعيفه كده يبقا من الافضل اروح لحد يبص على الدنيا كده , لانها كده الحمد لله حاجه بسيطه

تسلم يا كبير

دى اكيد اكيد كهرباء ضعيفة

الكهرباء ضعيفة زى ما قولت لحضرتك هى البطارية كام امبير و الدينامو بيشحن كويس ولا اية ياريت تقيس شحن الدينامو بردو

بعد اذن صاحب موضوع لانى عندي نفس الكاسيت وقرفنى صراحه
اتحلى مشكله دخول وخروح الاسطوانه دلوقتى مفيش اسطوانه عدله مجربه عليها
الاغاني بيقطع والاسطوانت نظيفه ومش فيها الهواء ولا خدش خالص
الاغنية يقطع من غير ما بكون ماشي فى مطبات عادي الاغنيه تقطع وفين وفين لما يتعدل واغنيه كويسه تتشغل
بتحصل ع فترات موضوع دة بس كتير يعنى واوقات كمان يروح الاغنيه تقف ويقلب ع فولد اللى بعديه ونفس نظام بتيكرر دة بقا عيب ايه اسطوانه ولا عدسه ولا ايه نظام علشان خلالالالالالاص زهقت من بجد؟ وشكر واسف ع الاطاله

اقتباس:

---

المشاركة الأصلية كتبت بواسطة LORD.ADeL

بعد اذن صاحب موضوع لانى عندي نفس الكاسيت وقرفنى صراحه
اتحلى مشكله دخول وخروح الاسطوانه دلوقتى مفيش اسطوانه عدله مجربه عليها
الاغاني بيقطع والاسطوانت نظيفه ومش فيها الهواء ولا خدش خالص
الاغنية يقطع من غير ما بكون ماشي فى مطبات عادي الاغنيه تقطع وفين وفين لما يتعدل واغنيه كويسه تتشغل
بتحصل ع فترات موضوع دة بس كتير يعنى واوقات كمان يروح الاغنيه تقف ويقلب ع فولد اللى بعديه ونفس نظام بتيكرر دة بقا عيب ايه اسطوانه ولا عدسه ولا ايه نظام علشان خلالالالالالاص زهقت من بجد؟ وشكر واسف ع الاطاله

---

جربت اسطوانة تنظيف العدسة ؟؟ هتلاقيها ف راديو شاك او اى مول كمبيوتر - و الاسطوانات واضح انك انت اللى بتنسخها فنصيحة مهمة جدا و انت بتنسخ الاسطوانة انك تستعمل سرعة بطيئة هتفرق شوية وقت بس بيكون النسخ احسن - استعمل 8x او 16 x مش اسرع من كدة و دى نصيحة للكل اللى بيحب يعمل اسطوانات كولكشن

اقتباس:

---

المشاركة الأصلية كتبت بواسطة karimfahmy99

جربت اسطوانة تنظيف العدسة ؟؟ هتلاقيها ف راديو شاك او اى مول كمبيوتر - و الاسطوانات واضح انك انت اللى بتنسخها فنصيحة مهمة جدا و انت بتنسخ الاسطوانة انك تستعمل سرعة بطيئة هتفرق شوية وقت بس بيكون النسخ احسن - استعمل 8x او 16 x مش اسرع من كدة و دى نصيحة للكل اللى بيحب يعمل اسطوانات كولكشن

---

لا للاسف مش جربت ولا مرة موضوع اسطونه تنظيف طب اي نوع حلو وسعرها وطريقه استخدمها يعنى ؟ بخصوص الاسطوانات فعلا انا اللى نسخها وبعملها ع سرعه عاليه ع 40او48 واصغر شر جربته كان 24 بس مرة تقريبا عملتها ع سرعه اقل كانت بتقطع جامد معايا معرفش ليه فرجعت عملتها ع سريع؟

غير العدسة احسن