الموضوع: تقرير عن تركيب سنسور بارك وواحدة رفع .تيدا 2011

المشاركة الأصلية كتبت بواسطة ahmed.tv

* تسلم ايدك على التقرير يا بوحميد .. وياريت الكل يفيدنا زيك كدا .. بالتقارير دى .. اللى من خلالها بتولد افكار واسئلة ومشاركات مثمرة ومفيدة

* تركيب اى اكسسوار فى التوكيل .. بيعطوا عليه ضمان .. سواء سنسور او وحدة رفع او انذار وهكذا
ضمان على القطعة اللى بتركبها وضمان على العربية نفسها عشان القطعة اللى بتركبها لو اثرت على حاجة لقدر الله

* بالنسبة الى موضوع 2 سنسور او 4 عدسات .. بعد تجارب الناس اللى ركبوا .. وضح ان مفيش فرق .. والاتنين بيجيبوا نفس الابعاد

* بخصوص السنتر اللى بيقفل لما بتمشى اتوماتيك .. ده موجود فى عربيات اروبية كتير مش التيدا بس .. ودى حاجة امان وكويسة .. وكنت بتمنى وجودها فى موديلات التيدا القديمة .. وبلاش لعب فى فصل الخاصية دى ..
وكمان لما بتيجى تقف بالعربية افتح من جنبك عادى مفيش مشكلة
وزى ما قولت دى امان ليك وانت ماشى .. ده انا بقفل السنتر بايدى من جوة وانا ماشى وعلى اسرتى .. عشان القلق اللى حاصل فى البلد .. فعادى يا جماعة .. مش مشكلة كبيرة جدا الموضوع ده

* موضوع السنسور اللى فيه الكاميرا هو جميل .. وبتشوف منه عادى مفيش مشكلة .. وبتشوف منه
فالافضل لاى حد عاوز يركب سنسور فيه كاميرا .. يجيب حاجة من الاتنين :-
= يا اما يجيب مرايا صالون فيها كاميرا وسنسور وبلوتوث واحيانا ممكن تشغلها دى فى دى .. ودى سعرها بالكاميرا بتكون بحوالى 800 جنيه وماركتها فى السوق كلها صينى

= او الحاجة التانية كاسيت كامل نيفيجيتور .. دى فى دى وبلوتوث وفيه كاركيت ومكان لفلاشة وامكانية تركيب كارت ميمورى عليه وعرض اللى فيه وكمان فيه كاميرا ركن ومزايا كتيرة سواء لنيسان صنى او للتيدا
وسعره غالى .. بس بيركب مكان الكاسيت فى التيدا وبيشتغل كمان على المالتى فانكشن وسعره بيبدا من 3000 وانت طالع

فالافضل الحل الاولى ارخص بتاع مرايا الصالون

* انتظروا عروض اكسسورات خاصة لصقور نيسان قريبا على الاسبوع القادم باذن الله

تحياتى للجميع