أول حاجة نسمي بالله ...

بصوا بقى يا جماعة .. أنا أول ماجت التيدا وانا زعلان قوي إن مفيهاش ولا سنسور بارك ولا وحدة رفع عشان أنا متعود عليهم في عربيتي الأساسية < نيسان صني 2010 > .. لدرجة إن أول ألف كيلو في التيدا كنت بنسى الازاز مفتوح كتييييييير .. وطريقة ركنتي إني اريح بسيط على أي عربية وراية قوي قدامي عشان اعرف المقاسات ههههههههههههه < محدش يشتم ههههههههههه > ... فقلت إيه اركبهم ......

ما قبل التركيب ...

أول حاجة أنا كنت قلقان من موضوع السنسور ده عشان في ناس قالت إنه وحش .. وانا أول واحد مغير شاشة السنسور عندي في الصني .. فـعرفت المشكلة إن الشاشة بتبوظ من الشمس اللي جاية عليها عمودي طول اليوم .. فعلجها إن الشاشة تتحط بعيد عن الشمس .. مشكلة بسيطة يعني .. طبعا واحدة الرفع محدش اشتكى منهم خالص ............
فكلمت أنا صاحبي < صاحبي قبل أي حاجة > اللي في مودرن موتورز الدقي قلتله عايز اركبهم ده اسمه أستاذ معتز راجل محترم جدا وخدوم لابعد الحدود .. قال لي تعالى في أي وقت .. رحت رايحله امبارح .. والعربية دخلت على طول مش غير سابق ميعاد رغم وجود عربيات كتير < واسطة بقى أي خدمة ههههههههه > ..

التركيب ...

أول بقى مادخلت العربية .. قال لي استنى كده في حدود ساعة قلتله ماشي .. رحت رايح أفطر وقاعدت عالقهوة شوية .. لحد مخلص ..

ما بعد التركيب ...

دخلت بقى لحد جوه عند الصيانة .. جربت كل حاجة وطلعت تمام الحمد لله .. فرحت قوي بقى ساعتها عشان كان نفسي فيهم من ألف كيلو ههههههه ..

الحساب ...

معتز قالي بقى في حاجة مش عجبك راح قلتله تسلم ايدك وكده يعني ... راح واخدني عالخزنة وحسبت على

4 وحدات رفع تايواني لكل الأبواب
+
سنسور بارك 4 حساس
=
550 جنيه فقط لا
غير

اكتر حاجة بقى مديقاني جدا جدا جدا من العربية بقاااا .. إن التيدا وإنت ماشي وخصوصا 2011 .. بتقفل لوك البيبان وإنت ماشي على 23 كيلو في الساعة اظن .. طبعا بقى كل متقفل الازاز يترفع وإنت جواها < تفضل بقى مستني كل ازاز يقفل وبعد كده تفتح الازاز تانيييي حاجة رخمة بصراحة > ..
والحل ...
إنك قبل ماتطلع بالعربية وتفتح الازاز الجميل .. تدوس على زرار لوك البيبان ... وبعد 2 ثانية كده .. تروح فاتح .. حل حلو صح هههههه ...

احب اكون ساعدتكم ......
وشكرا ........