معلش عارف ان الموضوغ مش في مكانه الصحيح
بس حطيته هنا عشان الناس موجودة هنا اكتر
انا مسافر كمان كام يوم من اسماعيلية للقاهرة بس بمواصلات بسوبر جيت عادي اللي اخره رمسيس
و عايز اروح لواحد صاحبي الجامعة الأمريكية في التجمع الخامس
عايز اعرف بقى اول ما انزل رمسيس اركب ايه عشان اوصل للتجمع عشان تقريبا معرفش حاجة في القاهرة إلا قليل اوي
و هقضيها ميكروباصات مش عايز ادفع 50 جنيه في تاكسي انا
و لو حد عارف مكان اقرب انزل فيه بدل رمسيس يقولي برضه
معلش هتعبكوا معايا
همممم , لو كنت رايح بعربية كنت افدتك اسهل
عموما اظن هاتركب حاجة الحي العاشر (الحي العاشر و ليس موقف العاشر) من رمسيس
و هناك فيه حاجات بتروح التجمع الخامس بس مش عارف بتروح الجامعة الامريكية ولا لأ, لكن لو مافيش يبقى هاتروح التجمع الخامس و تاخد من هناك تاكسي ولا حاجة مش هايبقى غالي ان شاء الله
اظن حد عموما يكون بيروح الجامعة الامريكية كتير يفيدك احسن , بس انا حبيت احط قدامك اختيار
ممكن تركب ميكروباص من رمسيس للسيده عائشه وتركب من هناك ميكروباص تانى هينزلك شارع التسعين فى التجمع وتاخد تاكسى حته صغيره للجامعه
انهي فيهم متحيرونيش :d
اى واحده من الاتنين ولو حضرتك مش بتحب الزحمه يبقى اول مواصله هى الى هتنفعك وتنجز معاك فى الوقت:36_8_1[1]:
مفيش حلول تانية ؟
لو مكروباص السيدة عائشة هايطلع الدائري من المعادي مثلا او هايمشي من محور الشهيد اظن يبقى هو الافضل
بص ياباشا حقولك طريقه بس طويله شويه بس دي اللي انا عرفهاا حتركب من رمسيس للحي السابع مدينه نصر و من هناك حتركب للحي العاشر و من هناك لحاجة من الحاجة من الحجتين لتلاقي موصله لل "جامعه" و دي حتنزلك عند جامعه المستقبل علي بعد 5 دقايق مشي من الجامعه الامريكيه
او تلاقيه موصله " للغاز " دي حتنزلك في اول شارع التسعين اللي اخرو الجامعه الامريكيه و من هناك تركب موصله ( ميكروباص او سوزوكي مخصوص) للجامعه
طيب بعد ازنكوا سؤال تاني ... هو المسافة بين مصر الجديدة و ألماظة كبيرة ؟؟؟ يعني لو انا في مصر الجديدة و عايز اروح الماظة اركب تاكسي و لا هياخد كتير ؟؟؟ و لا فيه مواصلات ؟
حضرتك فين بالظبط فى مصر الجديدهاقتباس:
المشاركة الأصلية كتبت بواسطة koko616
انا دلوقتي مش في مصر الجديدة ... انا بسأل قبل ما اروح عشان فيه اوتوبيس من الجامعة الامريكية هناك هركبه و انا مروح فسألت قالي مش بينزل الماظة بس ممكن ينزلنلي مصر الجديدة جنب الماظة ... فبسأل الكلام ده صح فعلا و لا صح اركب ايه عشان اروح الماظة
امممممممممممم انا فهمت غلط بفتكر انك عارف هينزلك فين بس كده مفيش الا تاكسى ينجز معاكاقتباس:
المشاركة الأصلية كتبت بواسطة koko616
طب ادفعله كام ؟
ياكبير مصر الجديده كبيييره مش صغيره يعنى لو تعرف انت هتنزل فين اى حد هيقدر يفيدك لاكن هى كبيره لو مش عرفت اركب التاكسى الابيض وعيش معاااااهاقتباس:
المشاركة الأصلية كتبت بواسطة koko616
فيه اتوبيس نقل عام خلف محطه رمسيس (موقف نقل عام هناك ) سواء رقم ١٠١٨ ورقم ١٠٦٢ بيطلع من رمسيس او تحرير الى شارع التسعين والحامعه الامريكيه والعكس