ايه رأيكم فى الكاوتش دا kumho ecsta spt ku31
فى حد جربه قبل كدا عشان عاوز اجيبه للسيراتو
215/45 R17
http://www.discounttire.com/product/...kumhf2.ang.jpg
عرض للطباعة
ايه رأيكم فى الكاوتش دا kumho ecsta spt ku31
فى حد جربه قبل كدا عشان عاوز اجيبه للسيراتو
215/45 R17
http://www.discounttire.com/product/...kumhf2.ang.jpg
والله يا ياسر انا كنت مركبه فى عربيتى القديمه كان تحفه
تماسك خرافى ( جاف ومبلل )
صوت هادى
تحكم ممتاز
مبيلمش زلط
وعلى فكره ليه شفه بتحمى الجنط جوه وبره
وفيه من اصدار كمان رن او فلات
وان شاء الله هركبه فى العربيه الجديده
وعلى فكره فى المقارانات مع الأنواع التانيه على موقع tire rack
واخد 93 % وترتيبه التاسع بعد الميشلان بايلوت والبرجستون بوتنزا
وطبعاٌ فرق السعر بينه وبين الأنواع دى يقارب الضعف
بص هنا
Consumer Survey Results By Category
فيا ريت لو مكنش فيه تعب ليك
تسألى وانت بتشترى مقاس 185\60\14 بكام
ومقاس 205\50\15 بكام
مستنى ردك
معلومات تمام يا معلم وانا روحت ركبتهم انهارده الحمد لله
وسألت لك على المقاسات اللى انت عايزها
مفيش منه 14 بس فيه الـ
195/50 r15 عامل 475 الفردة
205/50 r15 عامل 500 الفردة
انا جبت المقاس بتاعى 215/45 zr17 بـ 620 الفردة
هو سرعته كمان w يعنى سرعات لحد 270 تقريبا
الف مبروك الكاوتش
كاوتش ممتاز جدا ما شاء الله
بس انا الت لاقيت فيه منه مقاس 13
ازاى مفيش 14 ؟
ولا هو كان خلصان
ممكن نعرف جبته منين. وايه اخبار الجنوط عليه ويا تري حسيت بفرق اد ايه في الفرامل بعد ما ركبتهم
جبتهم من الشركة الافريقية للكاوتش فى المهندسين
مش فاهم يعنى ايه اخبار الجنوط عليه ؟؟
بالنسبة للفرامل هو الكاوتش لسه راكب عايزله 300 كيلو على الاقل عشان ابدأ اشوف اداءه
لكن بصفة عامة الكاوتش التانى اللى كان راكب Kumho KH17 كان كان كويس جدا فى الفرامل فا اعتقد دا هيكون احسن اكيد
الف مليون مبروك يا ياسر وان شاء الله تدوبهم فى سكة السلامهاقتباس:
معلومات تمام يا معلم وانا روحت ركبتهم انهارده الحمد لله
وسألت لك على المقاسات اللى انت عايزها
مفيش منه 14 بس فيه الـ
195/50 r15 عامل 475 الفردة
205/50 r15 عامل 500 الفردة
انا جبت المقاس بتاعى 215/45 zr17 بـ 620 الفردة
هو سرعته كمان w يعنى سرعات لحد 270 تقريبا
بس ايه يا اخى الأسعار الغاليه اوى دى
ده انا من سنتين جايب الفرده 195\50\15 ب 300 جنيه بس
يعنى كده زات بنسبة 50% والله حرام
على العموم هو كاوتش يستاهل كل جنيه بيتدفع فيه بس خلى بالك من النقر الغويطه
وربنا يحميلك العربيه ويسلم طريقك
صحيح يا ياسر متنساش تبقى تعملنا تقرير بالصور عن الكاوتش ده وتقولنا رأيك الشخصى فيه
ولو عجبك ابقى ادعيلى
دا تقرير مبدئى كدا عشان الكاوتش لسه جديد باردوا معملش غير 150 كيلو لحد دلوقتى
بس التماسك فى بتاعه فى الارض فى تزايد مستمر وعدى الكاوتش القديم خلاص
والصوته واطى جدا تقريبا مش مسموع والفرامل بقت احسن بكتير كمان
ان شاء الله لما يمشى شوية كمان ابقى اصوره بقى واقولكم على التقرير الكامل
على البركه يا ياسراقتباس:
دا تقرير مبدئى كدا عشان الكاوتش لسه جديد باردوا معملش غير 150 كيلو لحد دلوقتى
بس التماسك فى بتاعه فى الارض فى تزايد مستمر وعدى الكاوتش القديم خلاص
والصوته واطى جدا تقريبا مش مسموع والفرامل بقت احسن بكتير كمان
ان شاء الله لما يمشى شوية كمان ابقى اصوره بقى واقولكم على التقرير الكامل
لسه فيه ميزه فى الكاوتش ده انت مجربتهاش وهى
ان لو ضغط الهواء داخل الفرده نزل لحد 10 psi
الكاوتش مش هينام على الأرض وهيبقى برده شايل العربيه
بس هتحس مع السرعه بشوية عومان
كدا الكاوتش عمل حوالى 600 كيلو بس فى حاجة مش عجبانى خالص ومكانتش موجودة فى الكاوتش القديم .. دلوقتى مع الفرامل الجامدة ظهر العربية بيعوم بس مش جامد يعنى بس طبعا بيقلقنى جدا وبحس ان الكاوتش ورا التماسك بتاعه اقل من اقدام مثلا وكمان بقى فى صوت مع الفرامل لو قوية شوية اللى هو زى الزحفة كدا وباردوا دا مكنش موجود .. مش عارف بقى ممكن عشان الكاوتش لسه جديد ولا ايه الكلام!!!
انا مركبه وماشى بيه لحد دلوقتى 7000 كيلو خلال شهر
وزى الفل الحمد لله فى الفرامل والثبات ...
كنت جايبه ب 400 جنيه بس من غير تركيب او اى حاجه
195/55 r15
والف مبروك يا ياسر ... ربنا يكفيك شر النقر :)
ضغط الكاوتش يا معلم
لان مقياس ضغط الكاوتش بيبوظ بسرعه
روح عند حد كويس زى بريدجستون كده .هما قالولى كده .و اظبط على 32 نيتروجين .
او اظبط عند الراجل القديم اللى كنت بتظبط عنده
اخلاف حاله المقياس من مكان للتانى بتفرق فى مثياس الهوا نفسه و حالته .
و طبعا فى ضغط الكاوتش و يا ريتك كنت جبت ال /17/225/45/
او 235/40/17
بتفرق قعلا
مبروك على الكاوتش و شيك على الضغط
و عموما النقشه الاسبور بتخلى الهاندلينج اعلى و الثبات على الملفات احسن و لكن اسوا فى الفرامل شويه عن العاديه و كمان بتبقى ناشفه و صوتها اعلى من الكمفورت كمان
تمام انا قولت للفني يجيب الكاوتش ده 235/40/17
جود يير لسه تقريبا النقشه زي القديمه كتير شبهها هيركب إن شاء الله يوم التلات اللي جاي سعر الكاوتش تقريبا 710
بس انا مش عارف بالظبط لانه في المقايسه الاصلاح
بس دول قدام فقط وكمان شويه هجيب للورا
للعلم المهندس ايمن في التوكيل معاه كيا هاي لاين ومركب نفس الكاوتش بس علي كل الفرد
الف مبروك الكاوتش
والله الكومهو ده من اسو العجل الى شفته انا اشتريت 4 جداد مقاس 14 185 على 65
مفيش 6 شهور والعجله طلعها حبايه فى الجنب وضربت فى الطريق
وبعدها بكم شهر نفس الوضع حصل فى عجله تانيه
ومش كمل معايا سنه ده غير ان العربيه مش بتمشى كثير اصلا وكان تنصيع 2010 والاسبوع 38 يعنى انتاج حديث انصح الناس بجود ير ركبته فى العربيه فرق شاسع
كل ماركة وفيها انواع كتير .. مينفعش تحكم على ماركة كاملة من خلال تجربتك لصنف واحد
على العموم كاوتش العربية الاصلى كان كومهو باردوا وركب سنتين فى العربية ماشى عليهم 50 الف كيلو وكانوا مقاس 17 لكن الحمد لله مفيش حاجة .. حتى الاستبن ملمسش الارض والفرد متشالة من العربية لسه ممكن يتمشى عليهم بس انا متعود اغير كل 50 الف
عامة الكاوتش ecsta spt مصنف من احسن الكاوتشات فى الفئة بتاعته وفعلا انا حاسس بالموضوع دا
ياسر باشا يارب الكوتش الجديد يكون معاك احسن من اللى قبله
صحيح هو كورى ولا فتنامى وهل فيه فرق؟؟
طبعا انت شوفت موضوعى والحيره اللى انا فيها مابين البردجستون بمقاس 195/50/15 والكموهو اللى انت جايبه بمقاس 205/50/15
انا عايز اعرف فرق طريات الكوتش والرزع مابين البردجستون والكموهو اكستا كام % بالظبط عشان انت عارف طرق اكتوبر
الكاوتش دة 10 على 10
MMamdouh
مبروك يا ياسر
بس ده بلده ايه
و ميين الموزع المعتمد بتاعه هننا في مصر
في منه ده مقاس 15/65/185 و بكام ؟؟؟؟
خش على سايت كومهو و شوف المقاسات المتاحة من الموديل دة
MMamdouh
مش هتفرق كتير... الاتنين موديلين زى بعض مفيش حاجة فيهم رياضية
انا ميال بشكل شخصى للكومهو عن الهانكوك بس الفردتين زى بعض تقريبا
MMamdouh