واخرتهـا ايـة مـع بتـوع البـوز بيـز !!

**memohamada** · 15-11-2011 04:37 AM

السلام عليكم

امبارح كان مطر شديد شوية وكنت مضطر امشى فية لان كان عندى مشوار ضرورى ، المهم الطريق كان اتجاهين كل اتجاة حارتين و ماسك الشمال لان اليمين غرقانة ماية و فيها اماكن مكسرة فكل العربيات ماشية بهدوء فى الشمال ورا بعض
وفجأة الاقى واحد بلاادا بيضا جاى مالحارة اليمين وقام شادد ورامى بوز العربية قدامى فطبعا فرملت وعلقت ايدى عالكلاكس عشان انبة الغبى دة للغلط الى عملة ، ودخل البية قدامى و مشينا
شوية والاقية راح نازل فى الحارة اليمين الى غرقانة ماية

، قلت لنفسى عادى مجنون ومعلوش حرج ، وتابعتة فى المراية لحد مارجع شمال تانى ورا العربية الى ورايا ...
لحد هنا وعادى جدا
جيت انا عايز ادخل شارع عاليمين فاديت اشارة و لسة هبدأ اخد يمين الاقى الحيوان دة ادى النور العالى و علق رجلة عالبنزين وخرج من الحارة الشمال و جاى طاير فاليمين من جنبى ، الحمد لله المسافة مابينا كفت كويس بس انا الى اتنرفزت و قمت جارى وراة مسافة 50 متر تقريبا فى الماية لحد ما اتمالكت اعصابى و هديت تانى و عدى الموقف على خير

اجى النهاردة الصبح طالع بالعربية الاقى الفرامل بتصفر و مش مجمعة كويس ابدا لان التيل جالة ماية من موقف امبارح ، وفشارع ضيق شوية وانا ماشى على يمينى واحد راكب حمار و عالشمال واحد تانى راكب عجلة وشايل وراة شوال بالعرض احاول اهدى ... الفرمل ولا الهوا ... النتيجة طبعا انى خبطت فى طرف الشوال الى كان عالعجلة ودة عملى شرخ فى الفانوس الشمال و الصاج الى جنبة دخل منة حتة لجوة ووقع منها الدهان ...

ودى نتيجة النرفزة وانا سايق طبعا

**ahmedsrs** · 15-11-2011 12:37 PM

حمدالله على السلامة وحاول تهدى نفسك وانت سايق الشارع اتملى اشكال ضالة وغبية وياريت تكشف على تيل الفرامل لو مكمل 40 الف او انتهى غيره وهات الاصلى

**SASA3** · 15-11-2011 12:43 PM

قدر الله و ما شاء فعل

البوز بيز ده بيستعملها التاكسيات و العربيات الى ربنا مديها قوة شويتين كده علشان عارف ان التانى هو اىل هيضر و هو هيمشى عادى و ميحصلوش حاجه

(بينى و بينك كنت ساعات بستخدمها بالعربيه القديمة ) بس متقولش لحد :d

**3ateef** · 15-11-2011 01:48 PM

حسبى الله ونعم الوكيل فى اى غبى بيصدر بوز عربيته عشان يعدى او ياخد يو-تيرن ويقطع الطريق على حد
النهاردة كنت هلبس فى حيوانة راكبة فورد فيستا بتاخد اليو-تيرن ولا كأن فى بنى آدمين ماشية فى الطريق وهى بتقطع عليهم..

**memohamada** · 15-11-2011 03:03 PM

شكرا يا جماعة على ردودكم ، وربنا يسلمنا كلنا من الاشكال الى واخدة السواقة بالدراع
بالنسبة للشرخ الى فى الفانوس عندى لو لزقتة بأمير هل فية مشكلة ؟
والجزء الى وقع منة الدهان اعمل معاة اية ؟ هى دايرة قطرها حوالى 5 سم

**Ahmod** · 15-11-2011 05:43 PM

المشاركة الأصلية كتبت بواسطة memohamada

شكرا يا جماعة على ردودكم ، وربنا يسلمنا كلنا من الاشكال الى واخدة السواقة بالدراع
بالنسبة للشرخ الى فى الفانوس عندى لو لزقتة بأمير هل فية مشكلة ؟
والجزء الى وقع منة الدهان اعمل معاة اية ؟ هى دايرة قطرها حوالى 5 سم

الشرخ اللى في الفانوس ده ممكن تعالجه بانك تفيم الفنوس درجة خفيفة

ممكن كمان تفيم الجزء اللى مكسور بس على شكل رمش للفنوس او حاجة زي كدة وطبعا زي ماهتعمل في الفنوس المكسور هتعمل في الفنوس اللى في النحية التانية

هيدي منظر كويس للعربية وهيعالج الشرخ اللى عندك

انا عندي الفنوس اللى ورا برضوا مكسور وعملت الموضوع ده ومش باين الكسر خالص وفي نفس الوقت هتحافظ على ان اللمبة مايدخلهاش تراب او مية او اي حاجة

**icehearted girl** · 15-11-2011 06:57 PM

المشاركة الأصلية كتبت بواسطة 3ateef

حسبى الله ونعم الوكيل فى اى غبى بيصدر بوز عربيته عشان يعدى او ياخد يو-تيرن ويقطع الطريق على حد
النهاردة كنت هلبس فى حيوانة راكبة فورد فيستا بتاخد اليو-تيرن ولا كأن فى بنى آدمين ماشية فى الطريق وهى بتقطع عليهم..

عيب ياعاطف عييييييييييب مش دي اخلاقنا عيب

معظم متبعي قاعدة البوز بيز دول سواقين ميكروباصات الترامكو...

وأحمد النكلاوي