الموضوع: مازدا 3 موديل 2011 - صيانة ال 10000 كيلو - أرجو الأفادة

المشاركة الأصلية كتبت بواسطة zoroisill

السلام عليكم ورحمة الله

سيارتى مازدا 3 موديل 2011
العربية حاليا عدادها 10100 كيلو

السيارة بالضمان من غبور

السؤال

ينفع أعمل صيانة ال 10000 خارج التوكيل لتفادى
المسافة والوقت والفلوس كمان لانى سمعت انها ب 700 جنية فى التوكيل

شكرأ

نعم ؟؟؟؟؟؟؟؟؟؟؟
700 جنيه ليه ان شاء الله ؟؟؟؟؟؟؟؟؟
هيعملوا ايه دول ؟
اسالهم عايزين يعملوا ايه
ودايما قارن بجداول الصيانة اللى جاية مع العربية فى المانوال بتاعها


على حسب انت هتعمل ايه ؟

مفروض ال 10 دى زيت وفلتر زيت
تربيط عفشة
ظبط زوايا
تنضيف فلتر الهواء

وكل ده طبعا يتعمل برة عادى

بس اشترى فلتر اصلى وغير زيت وفلتر زيت ف اى بنزينة محترمة
ونضف فلتر الهواء بالهواء فى البنزينة برضه


عفشة وزوايا
عندك يا اسماعيل فى المنيل
ي اى فرع بربدجستون كبير
زى شارع مراد جيزة
يا عمرات العبوى مدينة نصر
يا عباس العقاد تقريبا



ومبروك على العربية ويباركلك فيها ربنا ان شاء الله

المشاركة الأصلية كتبت بواسطة zoroisill

طب والضمان يا عزيزى ؟

باشا والله اسالهم فى التوكيل
بس صيانة ال 10 مفيهاش اى اختراع يضر بالضمان

اسال برضه عشان ما يتلككوش مع اتهم اكيد هيقولولك لازم تيجى عندنا

عشان كدة اسالهم بوضوح هل تركيب فلتر زيت وتغيير زيت ليه اى اثر على فعالية ضمان التوكيل ؟

هو عامة تغيير الزيت والفلتر ده حوار اى واحد يعمله مش حوار خالص ولا فيه اى لعب فى اى حاجة