استفسار بخصوص مواعيد الدفع لكروت الائتمان بدون فوائد !!!!!

السلام عليكم ,

انا عندى شوية لخبطه فى موضوع كروت الائتمان ياريت حد يفهمنى بس براحه :khd:

دلوقتى لو الفيزا كلها الحد بتعها 1200ج مثلا وفى اخر كشف حساب كان عليا مثلا الف جنيه والحد الادنى للسداد هو 200جنيه وكان تاريخ الاستحقاق هو 12 من كل شهر وتاريخ كشف الحساب بيبقى 23 من كل شهر

لو انا حطيت 1000ج يوم 11 فى الشهر وجيت اشتريت حاجات بالفيزا يوم 15 ب 500ج ساعتها فى كشف الحساب هايحس انى عملت ايداع ب 500ج بس والباقى هاينزل عليه فوائد فى نفس الشهر ولا الشهر اللى بعده ؟؟؟

يعنى هو انا لازم احط الفلوس قبل يوم الاستحقاق واسحبها بعد كشف الحساب بحيث الفلوس بقعد فترة حوالى 11يوم ؟؟؟؟ ولا ممكن اعمل ايد اع واسحب بعدها بيومين ولو عملت كده كل شهر يبقى مفيش فوائد خالص


حد فاهم منى حاجة :untitled:

لو اودعت مبلغ كشف الحساب بالكامل يبقى انت سددت حتى لو صرفتهم تاني تاني يوم
مصروفاتك من 23 سبتمبر الى 22 اكتوبر لو سددت بالكامل قبل 12 نوفمبر لا تستحق فوائد
مصروفاتك من 23 اكتوبر الى 22 نوفمبر لو سددت بالكامل قبل 12 ديسمبر لا تستحق فوائد
مصروفاتك من 23 نوفمبر الى 22 ديسمبر لو سددت بالكامل قبل 12 يناير لا تستحق فوائد

لذلك لو انت سددت الف جنيه النهاردة (مشترياتك الشهر اللي فات) و صرفت 500 جنيه بكرة عادي جدا ....... ليه ....... لان ال 500 دي تستحق حتى يوم 12 ديسمبر فهمتني؟

شكرا اوى استاذ احمد على الشرح معنى كده انى مطلوب احط المبلغ اللى عليا كله لمده يوم على الاقل عشان مايبقاش فى فوائد ....يعنى اضمن حاجة احطها يوم 11 واشترى تانى يوم 13

شاكرين على الافاده يا باشا .... دا انا كنت فاكر ان لازم يعدى على الفلوس 10 ايام :)