-
ترصيص اسبوعى
اولًا الف مبروك علينا القسم الجديد ويا رب دائمًا موفقين
عندى مشكلة فى ترصيص العجل لازم ارصص كل اسبوع او 10 ايام تقريبًا مش عارف ايه السبب
مع العلم انى لسه جايب اربعة كاوتش فايرستون جديد من بريدجستون "ممتاز" بالمناسبة
اول ما غيرت الكاوتش طبعًا احساس جميل و كل حاجة تمام بس بعد اسبوع تقربيًا ابتدت الرعشة بعد ال 100 فارجعت على بريدجستون و رصصت تانى وبرضه بعد اسبوع نفس المشكلة
انا مش عايز اغير الجنوط و خلاص
مين يعرف ايه المشكلة؟؟
-
السلام عليكم
كلام حضرتك ده ممكن يحصل مثلا لو عندك جنوط والترصيص بيتم باللصق، واللصق بيقع (يعني نوع ترصيص ردئ) !
وممكن يحصل لو رصصت وأخدت مطب قاسي فممكن تحتاج ترصيص بس مش معقولة إنك بتاخد مطب قاسي كل 10 أيام!
هو حضرتك بتروح لواحد بعينه بتاع ترصيص؟ جربت تغير الورشة؟؟
وأخيرا العفشة بتاعت حضرتك أخبارها إيه؟؟
إنما المفروض إن معاك كاوتش جديد والعفشة تمام مش هتحتاج لترصيص غير مرة واحدة عند شراء الكاوتش فقط!
وربنا يوفقك
-
جرب واحد تاني و رصص عنده اللي هو ترصيص بالكومبيوتر عشان فوجئت بناس بتحط بالبركة
لو برده نفس الموضوع يبقي ممكن فيه مشكلة في العجل او الجنط و الله اعلم
و بالتوفيق ان شاء الله
-
العفشة مافيهاش اى مشاكل لانى صلحتها قبل ما غير الكاوتش و كمان دى الجنوط الفابريكة بتاعت العربية و مقاسها 13 و الكاوتش 175/70/13 فايرستون التركيب و الترصيص كان فى بريدجستون بالكمبيوتر و كل عجلة كانت بتدى صفر بعد الترصيص و التجربة بعدها بتبقى تمام مع العلم انى ما بخدش مطبات جامدة خالص
الفكرة انى عندى المشكلة دى من ساعت ما جبت العربية و غيرت انواع كاوتش كتيير و رصصت فى اماكن كتير و برضه مفيش حل
-
ف الغالب دا بيحصل زى الاخ الفاضل ما قال لو كان لزق بيقع و الاحتمال الاكبر لو كان رصاص بكلبس انهم بيطيروا و يقعوا مع السرعة - انت رصص تانى و قبل ما تركب الفرد علم بقلم ماركر على اماكن الرصاص من برة و جوة و لما تظهر الغربلة تانى راجع على العلامات بتاعتك و شوف الرصاص موجود ولا طار و لا اتحرك من مكانة - بس عشان نحدد المشكلة فين
Content Relevant URLs by
vBSEO 3.6.0 PL2