السلام عليكم
انا ظهر عندى رجرجة فى الدركسيون واضحة جدا
ومش عند سرعة معينة لأ دى من اول لما اتحرك بالعربية لحد ما اقف فهل ده برضه يكون ترصيص ولا الترصيص عند سرعات معينة
والموضوع ده ظهر فجاة مش عارف ليه
ولو ترصيص هيكون فى الامام ولا فى الخلف
عرض للطباعة
السلام عليكم
انا ظهر عندى رجرجة فى الدركسيون واضحة جدا
ومش عند سرعة معينة لأ دى من اول لما اتحرك بالعربية لحد ما اقف فهل ده برضه يكون ترصيص ولا الترصيص عند سرعات معينة
والموضوع ده ظهر فجاة مش عارف ليه
ولو ترصيص هيكون فى الامام ولا فى الخلف
السلام عليكم ورحمه الله وبركاته
اعتقد والله اعلم ان المشكله ديه ممكن تكون فى احد البوجيهات او طقم السيرفيس
البوجيهات والابلاتين والكوندنسر
وان شاء الله تكون حاجه بسيطه جدا
ممكن يكون في جنط معووج جامد .
لو العربية فيها كبالن, افحص الكبالن و أكسات الكبالن ... ممكن يكون الكوبلن الداخلي فيه بوش أو أكس من أكسات الكبالن اتعوج.
شوف حالة الكاوتش , ممكن فى كاوتش عامل بالونة
او زى Sonny ما قال ممكن فى جنط معووج
برضو اكشف على علبة الدركسيون ممكن تكون عايزة حشو
المشكله دي كانت عندي و مجنناني
بص يا باشا
لو العربيه في فرق في السحب و صوت الماتور و كده يبقي في بوجيه فاصل و العربيه متلته و ده سهل
لكن لو عادي يبقي عليك و علي عفشجي و اعمل صيانه علبه الدركسيون زي ما قال الاخgalilio_mad و ده الارجح اكيد
اول حاجة تبص عليها الكاوتش والجنوط
اعمل تجربة بسيطة جدا، فك فردة من الأمام وركب مكانها الأستبن لو هو سليم ، لو المشكلة راحت يبقى الفردة منتهية او الجنط معووج، لو مراحتش كرر التجربة مع الفردة الامامية التانية ثم الفردتين الخلفيتين لحد ما توصل لسبب المشكلة
علشان تستثنى الموتور من القصة جرب زود بنزين والعربية واقفة واطمئن الى نعومة صوت الموتور، وجرب تمور العربية وهى مندفعة وتأكد ان الرجرجة موجودة برغم تحييد الموتور
انا جربت موضوع الاخ سبعاوى
والحمد لله اول فردة فكيتها كانت الشمال فى الامام وكانت المشكة فيها بس عشان اتاكد غيرت برده اليمين فى الامام
ورحت عشان ارصص الفردة ديه
تخيل الراجل قالى ايه
انت بتحس بدبدبة فى البطىء كمان قولتله ايوة قالى طبعا
الفردة ضاربة سلك ومحتاجة تتغير والترصيص مش هينفع فيها
ومتشكر جدا لكل من شارك فى الموضوع
وكنت عايز اعرف سعر الكاوتش عامل كام دلوقتى
هية عربية ميراج والكاوتش بتاعها 13 وهل عرض الخصم بتاع الموقع هيمشى على المقاس ده