الموضوع: Qnet

المشاركة الأصلية كتبت بواسطة fahdebnyonis

1- حضرتك بتقول المنتج بيوصل، بيوصل لمين، لمستهلك، ولا للمسوقين اللي اشتروا ودفعوا مبلغ كبير بالنسبة لشاب مصري عليه احمال كتيره ويحلم بالثراء
لم يصل المنتج لمستهلك، وخليني اقولك انت لن تستهدف المستهلك العادي، عارف ليه لانه مش هيكسبك حاجه
عارف ليه كمان علشان لو بيدو علي الاستفادة من المنتج فقط مش هيشتريه
عارف ليه كمان انت مش صادق مع نفسك في النقطة دي علشان انت بتقعد تكلمه عن البيزنس والمكاسب اكتر بكتير ما بتكلمه عن المنتج نفسه

مش فاهم كلام حضرتك .. يعنى حضرتك هتدخل بزنس .. تشترى فيه منتج مش هيوصلك !!
حضرتك الكلام ده لو فى كيو نت انا اقدر اقولك انها شركة نصابه مليون فى الميه
وعلى فكره انا الحمد لله صادق مع نفسى كويس اوى ومع اى حد بيدخل البزنس
فى ناس بتشترى ومش بتشتغل اصلا


2- معلش انا بتكلم عن فئة شباب من الطبقة المتوسطه او اقل- دي الفئة اللي بتدور علي الثراء بطريقة سهله، يدفع ليه 700 دولار في شابندت او قاعدة كرستال ولا يطلع رحلة لاسبانيا او حتي يشتري ساعه سويسرية
بالله عليك هل فلوسها متوفرة ولا بيستلفها من ابوه مثلا ويادين نفسه علي عشم بالثراء


فى كورسات مفيده اون لاين
فى ساعات برنارد اتش ماير المانى مش سويسرى
فى منتجات طاقه
فى رحلات
والله لو انا واحد من الناس مش لاقى حاجه تناسبنى فى الحاجات دى كلها ايه اللى يدخلنى .. دخلت على اساس انى اعمل فلوس برضو دى حاجه ترجعلى .. استلفتهم من والدى من امى من صديق .. كتير بيعملو قروض عشان يشترو عربيات .. وناس بتشترى عربيات قسط .. وموبايلات قسط كمان
لو استلفت عشان اعمل حاجه شايف انى هنجح فيها زى ناس كتير ما نجحت ايه المشكله !!!

ولو على ال 3700 ج اللى بتدخل بيهم وتججيب رحله ولا بتاع ممكن تستفيد بيها كاسبوع تقضيه انت ومراتك مثلا اول ما تتجوز او اى حاجه .. فممكن نفسه الشب اللى ملوش دخل او دخله متوسط يشرب بيهم مخدرات فى خلال كذا شهر .. وممكن برضو يعمل قرض يجيب بيهم موبايل .. او يعمل جمعيه ويشترى كمبيوتر
والله بتبقى ناس معهاش فلوس وتستلف وتداين وتجيب حاجات عاديه دى لو ناس معهاش
ولو ناس ربنا مييسرهالها .. ممكن تبقى معاك عربيه ولا قدر الله تنزل تلاقيها مخبوطه وتصرف اكتر من كده عليها


3- فيه منتجات للشركة هي محتكراها مش عارف ليه وده مريب في حذ ذاته، وده فيما يخص منتجات الطاقة
لكن الساعات مثلا ثمنها عالي قوي بالنسبة لسعرها
والرحلات ده نظام التايم شير وده معروف ومفيش جديد

حضرتك انت بتتكلم عن ساعات برنارد إتش ماير .. المانى .. هاند ميد .. ومتقدرش تجيب ساعات برنارد اتش ماير فى اى مكان فى العالم غير من خلال كيو نت .. جرب ادخل على السايت بتاع برنارد اتش ماير .. واعمل انك تشترى من عليه هيحولك تلقائى على سايت كيو نت

منتجات الطاقه نفس الكلام

ومعلش لازم الشركه تحتكر طبعا الكلام ده .. انت لو قدامك تشترى السلعه من اى حته غير كيونت .. يبقى الممثلين المستقلين ( اللى هو زيي انا كده - وغيرى من من يمثلون الشركه ) حقهم مش محفوظ .. لانك عشان تشترى اى منتج من منتجات الشركه لازم عن طريق ممثل للشركه
ولو ده مش موجود يبقى الموضوع كله نصب


4- انا بسألك بالله عليك هل انت تستهدف مستهلك ولا مسوق؟
عارف المشكلة ايه هتلاقي ان اللي بيشتري المنتج هما المسوقين فقط بجانب الناس اللي فشلت تكون مسوقه
انتوا بتقولوا حققتوا اعلي اسكور في مصر، بس دي خيبه تحولتوا لمستهلكين وانتوا مش عارفين

مكسب الشركة في ال 700 دولار اللي انت دفعتهم انت يا مسوق مش من كثرة بيع المنتج نفسه للناس


والله كل واحد بيفهم الموضوع من الجانبين .. مستهلك ومسوق .. عايز يكون مسوق وده الغالبيه .. بيبدا يعرف كل حاجه عن الشركه وعن التسويق الشبكى وبيبدأ يأهل نفسه عن طريق التيم ورك اللى شغال معاه .. والايفنتات بتاعت الشركه انه يكون مسوق
حابب يبقى مستهلك فقط دى ترجعله ..

مكسب الممثل المستقل للشركه ( المسوق ) بيكون عن طريق كذا حاجه مش حاجه واحده
عمولات بيع مباشر
وكل عدد اشخاص محدد بيدخلك نسبه معينه .. سواء انا اللى جايب الناس دى او اللى تحتى جاب . كل عدد معين مبيعات بيدخل فلوس
الموضوع صعب اشرحه على المنتدى
انا بحاول اقرب الموضوع مش اكتر

ومعلومه .. مفيش حد بيفهم الموضوع صح غير لما بيدخل .. بعيدا عن الكلام اللى بيردده البعض
سواء كان بيتردد عن جهل .. او خوف من الدخول او الخساره .. او ان حد معهوش فلوس يدخل الموضوع

5- مش هقدر اتكلم عن العدالة في التوزيع

لكن تقدر تقولي انت دخلت امتي وكسبت قد ايه

اقدر جدا .. لما حضرتك تقولى شغال ايه .. ومن امتى .. ومرتب حضرتك كام
وتقولى عدالة التوزيع بين حضرتك وبين رؤسائك فى العمل او الناس اللى اقدم منك
وكمان الناس اللى شغاله بجهد وفير وبتترقى بسرعه

6- بالنسبة للعملة الصعبة ، انا اشتري بنطلون، بنفس قيمته ويمكن ارخص ومنتج بستفيد بيه فعلا

لكن منتجات الشركة غير ذات اولوية بالنسبة لاي شاب محطون
غالية جدا
يبقي عملة صعبة طالعه من البلد علي الفاضي
ملهاش لازمة

بس موضوع العمله اللى بتخرج بره البلد .. كل حاجه فى بلدك مستورده .. والمصرى قليل جدا
فبلاش تقولى خرجنا فلوس البلد بره دى
استفاده من المنتج .. كل واحد ليه مستلزماته الخاصه .. ممكن حاجه تفيدنى انا وبالنسبالك تكون تافهه .. والعكس صحيح .. فدى ملهاش معايير


اخر حاجه بس

ياريت تقولي ايه القيمة اللي انت شايف انك افدت بيها البلد، غير انك حولت الشباب الي مسوقين في الظاهر لكن مستهلكين في الحقيقية

القيمه انى بقى عندى شغل اضافى ليا
افادت ناس حواليا وفرتلهم فرصة عمل اضافيه
ناس مكنتش بتشتغل واشتغلت وربنا فتح عليهم
ناس بتدرس وجانب دراستهم معاهم بزنس بيجيبلهم فلوس
ناس استفادت صح وبتدعيلى انى دخلتهم معايا فبزنس زى ده

فيدت بلدى :
بانى ساعدت ناس تحسن دخلها ..
غيرت حياة ناس حواليا
شركه ممثل ليها بتنظم رجلات سياحيه لبلدى وبتدخلها فلوس من خلال السياحه
شركة لما بتدخل منتجات ليها مصر بيتدفع عليها جمارك وضرايب زى اى سلع بتدخل مصر




انا بشتغل مهندس بصمم محطات وخطوط نقل، ايه رايك لما اسيب شغلي واقعد اجيب في مسوقين يشتروا سلعة مش محتاجنيها
هل ده افضل

او دكتور
او محاسب
او محامي


لمصلحة مين ؟؟؟؟


لما تسيب شغلك عشان تشتغل مسوق دى مشكلتك مش مشكلتى انا !!
ممكن تشوف انك مش ناجح فى شغلك وانجح فى شغلك كمسوق
وممكن تشتغل الاتنين مع بعض
واللى بيحدد المصلحه صاحب الشئ نفسه مش انا
بس انا اعرف دكاترة ومعيدين فجامعات وشغالين شغلهم عادى وفنفس الوقت فكيونت