الموضوع: عاوز أعمل حاجة عظيمة

ربنا يوفقك يا أستاذ يوسف و يكفى نيتك الصالحة
و اليك البشرى....
و بحبك فى الله




روى الإمام أحمد والترمذي من حديث أبي كبشة الأنماري قال : قال رسول الله صلى الله عليه وسلم:
(( إنما الدنيا لأربعة نفر

- عبد رزقه الله مالا وعلما فهو يتقي في ماله ربه ويصل فيه رحمه ويعلم لله فيه حقا فهذا بِـأحسن المنازل عند الله

- ورجل آتاه الله علما ولم يؤته مالا فهو يقول لو ان لي مالا لعملت بعمل فلان فهو بنيته وهما في الاجر سواء


- ورجل آتاه الله مالا ولم يؤته علما فهو يخبط في ماله ولا يتقي فيه ربه ولا يصل فيرحمه ولا يعلم لله فيه حقا فهذا بأسوا المنازل عند الله

- ورجل لم يؤته الله مالا ولا علما فهو يقول لو ان لي مالا لعملت بعمل فلان فهو بنيته وهما في الوزر سواء))
حديث صحيح صححه الترمذي والحاكم وغيرهما


فقسم النبي أهل الدنيا أربعة اقسام :

- الأول : خيرهم من اوتي علما ومالا فهو محسن الى الناس وإلى نفسه بعلمه وماله ويليه في المرتبة من اوتي علما ولم يؤت مالا وان كان اجرهما سواء فذلك إنما كان بالنية والا فالمنفق المتصدق فوقه بدرجة الانفاق والصدقة

- الثاني : والعالم الذي لا مال له إنما ساواه في الاجر بالنية الجازمة المقترن بها مقدورهما وهو القول المجرد

- الثالث : من اوتي مالا ولم يؤت علما فهذا اسوأ الناس منزلة عند الله لان ماله طريق الى هلاكه فلو عدمه لكان خيرا له فإنه اعطى ما يتزود به الى الجنة فجعله زادا له الى النار

- الرابع : من لم يؤت مالا ولا علما ومن نيته انه لو كان له مال لعمل فيه بمعصية الله فهذا يلي الغني الجاهل في المرتبة ويساويه في الوزر بنيته الجازمة المقترن بها مقدورها وهو القول الذي لم يقدر على غيره .

ممكن نحول نايل موتور لشركه بشتغل فى كل ما يخص السيارات
و على المدى البعيد 5 سنين مثلا ممكن نكون اصحاب اول سياره مصريه
بس لو ده حصل لازم اكون انا المدير انا تخصص اداره مشروعات

نفس الفكرة يا استاذ يوسف بس بفكر فى مشروع خيرى او مساعدة خيرية

وعليكم السلام ورحمة الله يا م يوسف
ربنا يوفقك طبعا
نصيحتي الوحيدة: ابدأ بنفسك في المشروع الأنسب لظروفك واشتغل فيه لوحدك لغاية ما يقف على رجليه وبعديها ابتدي انتقي ناس "قوية وأمينة" معاك وبعديـــــــــــــــــها -إن شاء الله حتى بسنتين أو تلاتة- ابحث عن تمويل.

لكن صعب تبتدي مشروع بمجموعة وكل له رأي. ليها مشاكل كتير على المدى البعيد
وصعب تدور على تمويل وحضرتك نفسك مش عارف بالضبط انت عايز إيه. سؤال بسيط: حضرتك هتحط فلوسك في رأس مال مشروع أصحابه لسه بيدوروا على أفكار؟

وعلى فكرة أنا معاك قلبا وقالبا في الموضوع
تحياتي على تفكيرك الراقي

المشاركة الأصلية كتبت بواسطة د.أحمد السعيد

ربنا يوفقك يا أستاذ يوسف و يكفى نيتك الصالحة
و اليك البشرى....
و بحبك فى الله

ربنا يبارك في حضرتك يا د.أحمد وأحبك الله الذي أحببتني فيه وجزاك الله كل خير على هذه البشرى الجميلة ربنا يبشرك بكل خير

المشاركة الأصلية كتبت بواسطة eng/muhamad

ممكن نحول نايل موتور لشركه بشتغل فى كل ما يخص السيارات
و على المدى البعيد 5 سنين مثلا ممكن نكون اصحاب اول سياره مصريه
بس لو ده حصل لازم اكون انا المدير انا تخصص اداره مشروعات

فكرة ممتازة ولو إنه مجال ما عنديش فيه خبرة

ودي أمنية لينا كلنا إننا يكون عندنا أجمل سيارة في العالم وبأيدي مصرية وما فيش شئ بعيد على ربنا

واللي بيخلي الموضوع ده مش مستحيل هو تغير استراتيجية صناعة السيارات وتطورها في إتجاه المزيد من الكهرباء والاعتماد على التصميم وليس المواد

طبعا أنا أتشرف إني أشتغل تحت إدارة واحد زي حضرتك وخصوصا إن فعلا المفروض أي مدير يكون حاصل على الأقل على دورات في إدارة المشروعات

المشاركة الأصلية كتبت بواسطة marimmarum

بجد كلامك جميل وايضا كلام د.احمد سعيد وم.محمد
وانا نفسي كتير بفكر اني اعمل حاجة تبقي لنا ونقابل بها الله يوم القيامة
بس اهم شي تكون استحضار نياتنا لله وحدة لا شريك لله

وانا معاكوا في اي مشروع او اي فكرة حسنة

جزاك الله خيرا

وفعلا أهم شئ ربنا يصلح نياتنا ويتقبل منا ويحسن خاتمتنا

المشاركة الأصلية كتبت بواسطة maka

نفس الفكرة يا استاذ يوسف بس بفكر فى مشروع خيرى او مساعدة خيرية

حسب خبرتي من تجارب سابقة أستطيع أن أقول لحضرتك

أغلب المجالات الخيرية لن يكتب لها النجاح إلا إذا أثمرت دخلا وكلما زاد الربح كلما دل ذلك على نجاح الفكرة الخيرية

ليه بقى

أولا: وجود ربح من المشروع الخيري يضمن توفير دخل لغالبية أعضاؤه وده بيحولهم من هواة لمحترفين ومن متبرعين بأوقات فراغهم إلى عاملين جميع الوقت لخدمة المشروع كما أن هؤلاء الأعضاء لهم أسر ويمثلون جزءا من المجتمع وتوفير حياة كريمة لهم يعني توفير حل لجزء من مشاكل المجتمع

ثانيا : ربح المشروع الخيري يدل على أن المجتمع يحتاج إلى الخدمات التي يقدمها وأن الناس يقبلون على دفع قيمة هذه الخدمات - ولو رمزية - وهذا يعني تقبلهم للمشروع ونجاح المشروع في المنافسة مع الآخرين وتقديم خدمات أفضل

ثالثا: كلما كان المجال الخيري يدر ربحا كلما كانت هناك فرصة لتوسعة خدماته وتطويرها ونسخها في أماكن أخرى
أما الإعتماد على التبرعات فقط فهذا يجعل المشروع الخيري متوقف عند مرحلة بسيطة وبطئ في الوصول لمرحلة تقديم الخدمات

مثال لذلك لو حضرتك عملت مستشفى خيري فعلشان تستكمل المستشفى محتاج سنوات طويله من جمع التبرعات
في حين إنك لو عملت مول جانب المستشفى ومطعم داخلها وصيدليه ومحلات أمامها وأجرت كل هذه الأماكن أو بعتها تمليك وقسمت خدمات المستشفى وجعلت جزء منها خدمات خمس نجوم للمقتدرين
بالحلول دي وحلول أخرى تقدر توفر تكلفة إنشاء المستشفى قبل أثناء البناء وفي خلال فترة وجيزة


رابعا: كلما نجحت في بيع الخدمات الخيرية بسعر معقول للمواطنين تتناسب مع دخلهم فهذا يجعل هذه الخدمات لها قيمة يحاول المواطن أن يحافظ عليها بدلا من أن يشعر أنها خدمة مجانية يمكن الحصول عليها في أي وقت وأكثر من مرة.


أخيرا أتذكر أني سمعت حديثا عن رسول الله صلى الله عليه وسلم لا أعلم مدى صحته يقول فيه ( إن الله يحب الصدقة من الفقير ويحبها من الغني أكثر )
وقد فسر الخطيب هذا الأمر بأن المؤمن الغني يستطيع أن يفيد أكثر من المؤمن الفقير - وذكر مواقف سيدنا عثمان عندما جهز نصف جيش العسرة أو عندما اشترى نصف بئر اليهودي المستغل وترك نصيبه الذي اشتراه مجانا للمسلمين فأوقف استغلال اليهودي لمياه الشرب
وهذا يتوافق مع حديث رسول الله صلى الله عليه وسلم ( المؤمن القوي خير وأحب إلى الله من المؤمن الضعيف وفي كل خير ) صدق رسول الله صلى الله عليه وسلم

وجزاك الله خيرا على إفادتك الرائعة

المشاركة الأصلية كتبت بواسطة honda4ever

وعليكم السلام ورحمة الله يا م يوسف
ربنا يوفقك طبعا
نصيحتي الوحيدة: ابدأ بنفسك في المشروع الأنسب لظروفك واشتغل فيه لوحدك لغاية ما يقف على رجليه وبعديها ابتدي انتقي ناس "قوية وأمينة" معاك وبعديـــــــــــــــــها -إن شاء الله حتى بسنتين أو تلاتة- ابحث عن تمويل.

لكن صعب تبتدي مشروع بمجموعة وكل له رأي. ليها مشاكل كتير على المدى البعيد
وصعب تدور على تمويل وحضرتك نفسك مش عارف بالضبط انت عايز إيه. سؤال بسيط: حضرتك هتحط فلوسك في رأس مال مشروع أصحابه لسه بيدوروا على أفكار؟

وعلى فكرة أنا معاك قلبا وقالبا في الموضوع
تحياتي على تفكيرك الراقي

أنا فعلا حاولت أبدأ في مشاريع لكن ما استمرتش فيها وخصوصا إن النتائج لم ترضني

منها مشروع المساعدة في مصارييف الزواج
والمساعدة في الحصول على فرصة عمل أو تجهيز مشروع صغير
ومنها مشاريع ربحية مثل استثمار عقاري لكن العشوائية في البلد بتقتل كل شئ وما تخليش فيه طريق واضح تقدر توصل بيه لهدفك لأن كل يوم فيه قرارات بتتغير غير النهاردة يمشوا القانون بحذافيره تاني يوم يسمحوا بالتعدي وهكذا

أنا لو لقيت ناس عندهم أفكار كويسه هأكون إن شاء الله من أوائل من يشارك معهم

ربنا يبارك فيك على نصائحك الغالية وشكرا على مشاركتك لنا في التفكير

المشاركة الأصلية كتبت بواسطة hussein

طب يا سيدى انت معاك مليار جنيه قولنا بقى خطتك بالتفصيل واحنا نناقشها معاك
لان ميزانيه مصر فوق ال 600 مليار ومافيش حاجه بتتغير

ربنا يسمع منك وأبقى معايا مليار ويمكن أعزمك ساعتها على كشري في محل أفندينا أو حتى محل حسحس ههههههههه

ال 600 مليار دول يمكن متوزعين على 100 مجال مختلف

أنا عن نفسي أفهم كويس في مجال الاستثمار العقاري

وعندي مشروع للحكومة بخصوص السماح باستيراد السيارات المستعملة من الخارج واستغلال ذلك في أوجه معينة منها اشتراط تخريد سيارة قديمة مقابل السماح باستيراد سيارة جديدة ومع دفع فرق الجمارك ومنها اعطاء هذه الرخصة لمن يمتلك شقة في إحدى المدن الجديدة وهكذا
لكن دي فكرة قوانين حكومية ليس لنا يد فيها


لو لاحظت عبارتي كانت ( ولو كان معايا مليار جنيه كنت غيرت به وجه الخريطة في مصر )
وأنا أقصد هنا مجال العقارات ليس إلا


تقريبا غالبية الشعب المصري حاليا يعيشون في عشوائية تختلف نسبتها من مكان لآخر

مجتمعاتنا أصبحت تتشابه مع المخيمات الفلسطينية في لبنان وخان يونس

وفي رأيي أنه من الصعب أن ننتظر وجود مواطنين آدميين في بيئة غير آدمية

الفكرة إن القيمة العقارية في مصر أقل بكثير من المستوى العالمي وده نتيجة عدم وجود تنسيق عمراني حقيقي

مصر فيها ما لا يقل عن 20 مليون وحدة سكنية مختلفة القيمة من عشة الصفيح إلى الفلل الفارهة مرورا بالوحدات السياحية والترفيهية
ولما كمال الجنزوري طلع قانون الإيجار المؤقت سمح لحوالي 2 مليون شقة في القاهرة بفتحها للإيجار بعد ما كان اصحابها قافلينها خوفا من الايجار الدائم
وبعد كام سنة رجعت أزمة السكن تاني - وده يدل على أن سوق العقار في مصر مطاط ومازال أمامه عشرات السنوات للوصول للتشبع المؤقت

أنا أتذكر من كام سنة كانوا بيقولوا قيمة الثروة العقارية في مصر تقارب 200 مليار جنيه
رغم إن حسب عملي أعتقد إن تكلفة هذه الثروة حاليا - تكلفة وليس قيمة - تتعدى ال 1000 مليار جنيه

إيه اللي يخلى الشقة في التجمع الخامس يختلف سعرها عن شقة في مدينة مايو يختلف عن شقة في شبرا أو إمبابة

فيه عدة عوامل أهم حاجة فيها هو عامل النسق المعماري ثم الموقع الجغرافي للتجمع المعماري ومنها طبعا طبيعة التركيبة السكانية وخلافه

لو بصينا لجميع مدن مصر من أسوان لاسكنرية والدلتا هنلاقي إن عامل التنسق المعماري ( تخطيط المدن والشوارع والمرافق وأماكن الخدمات وتصميم الوحدات السكنية والتشطيب الخارجي والداخلي ) هو الفارق الجوهري
ممكن تلاقي في نفس الحي أو المدينة تجع غالي وتجمع تاني رخيص


اللي أنا شايفه إن داخل كل مدينة وحي ممكن نلاقي تجمع معماري سعره متدني جدا عن قيمته الحقيقية في حالة هدمه وإعادة بناؤه


اللي أنا بأفكر فيه بقى إن الواحد لو معاه مبلغ كبير ممكن يحاول إعادة بناء مناطق معينة سواء بالتنسيق مع ملاكها أو بشراءها منهم وإعادة بيع وحدات لهم حسب رغباتهم أو بإنشاء تجمعات سكنية راقية ومتميزة واشتراط على المشتري أن يبيع للشركة بيته وبسعر أعلى من قيمته

مليار جنيه تكفي حسب علمي لإنشاء أكثر من 500 عمارة سكنيه في كل عمارة 40 شقة مساحتها 120 - 15- متر بالإضافة إلى حوالي 20 محل تجاري

لو تم بيع الوحدات السكنية متشطبة من الخارج فقط بسعر التكلفة ( حوالي من 40 إلى 80 ألف جنيه لكل وحدة شامل سعر الأرض ) فممكن أن تبيع المحلات التجارية بما يعادل سعر المشروع بالكامل يعني ممكن تكسب 100 %
فما بالك بقى لو عملناه مشروع شبه خيري واكتفينا بأرباح 25 % مثلا هنلاقي إن الشقة مشطبة كويس تتباع بالسعر ده أو تبيعهاله من غير تشطيب بسعر 25 ألف جنيه مساحتها 120 - 150 متر يعني شقة آدمية فيها مكان للزوجين ومكان للأولاد ومكان للبنات ومكان للضيوف - بإختصار مكان للآدمية

ده غير توفير الخدمات المحترمة وده مهم جدا - يعني مسجد محترم واسع يكفي للمصلين - شوارع بها أماكن لركن السيارات وأماكن للتمشية ومساحات للأشجار وأخرى لسير الموتوسيكلات والدراجات وأماكن لمرور السيارات وأخرى ممنوع فيها مرورها وملاعب صغيرة وملاعب وأخرى مغطاه وحمامات سباحة وعيادات ومستشفيات ومجمعات وأسواق للخضار وأخرى للجملة ومجمعات للورش وووووووو وكل ما هو طبيعي متوفر في خارج مصر في أقل دول العالم تحضرا

المهم إن يكون معانا مبلغ يكفي لإنشاء حي كامل بدل الحي القديم أو لنقل مواطني الحي القديم

أنا دخلت في بناء عمارة سكنية مع ناس والحمد لله صممت شقق محترمة بقدر الإمكان واختارنا شارع عريض نسبيا ( 10 متر هههههههه ) وعملت بدروم لركن السيارات ووووو وفي النهاية لقيت ناس جنبي بتبني أبراج 14 دور في شوارع 6 متر و8 متر

يعني كلها كام سنة والمنطقة الجديدة دي تتحول لعشوائية وزحام وتتكرر المأساة ولا حياة لمن تنادي




آسف لأني أطلت عليكم

لكن ما حدش يحرمنا من أفكاره النيرة









.