الاوبترا ماهيا الا نوبيرا

**ahmed_bq** · 21-05-2008 10:11 AM

حاجه استغربتلها جدا مش عارف هيا معلةمه قديمه ولا ايه ... بس انا مستغرب من فرق السعر لمجرد تغيير الماركة من دايو لشيفرولية

http://www.whatcar.co.uk/car-review-...561&Submit1=GO

اللينك دي بتبين ان العربية الدايو نوبيرا انتهى انتاجها في 2002

والاغرب ان الصورة صورة اوبترا ؟؟؟؟

وفعلا لو عملت بحث في جوجل عن نوبيرا هيطلعلك اوبترا

يعني شيفروليه حط الماركة على عربية انتهى تصنيعها وعشان بقت شيفروليه غلي تمنها بتاع 20000 جنيه يعني هيا نوبيرا بس شيفروليه نوبيرا بدل دايو نوبيرا

بقى دا كلام ؟؟

**karimalaa** · 21-05-2008 04:50 PM

لآ المعلومات ديه غلط العربية ديه ابتدا انتجها من عام 2003 حتى 2008 تحت اسم:
Buick Excelle
Buick Excelle HRV
Chevrolet Lacetti
Chevrolet Nubira
Chevrolet Optra
Chevrolet SRV
Holden Viva
Suzuki Forenza
Suzuki Reno
Daewoo Lacetti
والنوبيرا هي اللي ابتدت عام97-03
وشركة دايوو موتور كوريا اشترت خط انتاج السيارات الشيفروليه من جنرال موتورز و بقى انتاجها للسيارات الشيفروليه تحت اسم(GMDAT)أي
General Motors Daewoo Auto & Technology
و ديه صفحة في Wikipedia تؤكد صحة هذه المعلومات:http://en.wikipedia.org/wiki/Daewoo_Lacetti
والهيكل مصمم من شركة Pininfarina عشان كده كل الشركات ديه اخدتها و أنتجتها فمثلا الأوبترا اللي هي GMDAT كوريا أنتجتها و قفلتها و حطت فيها موتور E-Tech 2
و كذلك الدايوو لاسيتي والفورينزا.الخ.....

**hazem_khidr** · 21-05-2008 06:31 PM

ما تنساش ان النوبيرا كانت تقفيل مصري
و الاوبترا تقفيل كوري
و دا بيزود السعر مش اقل من 7 الا ف جنيه .
علاوه علي انها موديل جديد برضه فلازم تبقي اغلي

**karimalaa** · 21-05-2008 11:47 PM

بس النوبيرا لحد 2001 كانت بتيجي مصر تقفيل كوري بعد كده بقت تتقفل في مصر و وقفوا انتاج الاوتوماتيك في مصر سنة 2007 نظرا لكثرة اعطاله. فالعربية ديه مش نوبيرا لكن هي تشبهها في التقفيل عشان نفس الشركة اللي مقفلة النوبيرا هي اللي قفلت الشيفروليه أوبترا

**mina_ramsis** · 22-05-2008 08:38 AM

المشاركة الأصلية كتبت بواسطة karimalaa

بس النوبيرا لحد 2001 كانت بتيجي مصر تقفيل كوري بعد كده بقت تتقفل في مصر و وقفوا انتاج الاوتوماتيك في مصر سنة 2007 نظرا لكثرة اعطاله. فالعربية ديه مش نوبيرا لكن هي تشبهها في التقفيل عشان نفس الشركة اللي مقفلة النوبيرا هي اللي قفلت الشيفروليه أوبترا

لا النوبيرا طول عمرها تقفيل مصرى

**Sameh** · 22-05-2008 09:18 AM

أنا شوفت الأوبترا فى السودان وفى سوريا عليها علامة دايو والموديل إسمه (لاسيتى) ، وكمان أفيو عليها علامة دايو بس مش فاكر إسم الموديل كان إيه ، بس فى الخليج نازلين بعلامة شيفروليه ونفس الأسماء اللى فى السوق المصرى

دى قصة معروفة من ساعت لما جى إم إشترت دايو

و مع إحترامى ده يصب فى عدم شراء الأوبترا بالسعر ده ، لأن مش دى الفئة بتاعتها ، وللأسف الناس دايماً بتبعت تسأل أوبترا ولا صنى ؟؟ طب أوبترا ولا لانسر ؟؟

مش معقول تدفع فلوس أكتر عشان هيكتبولك على العربية شيفروليه وخلى الزبون يفرح ، والناس كالعادة تقول (ماهو أكيد عشان حاطين إسمهم يبقوا هم ضامنينها) ، يضمنوها براحتهم ، إنما هنا بنتكلم على (الفئة) ، الأوبترا واخدة أكتر من حقها فى مصر ، وللأسف تقييم المستهلك للعربية بيكون على حسب تسعير التوكيل للعربية !!!! وبالتالى الأوبترا والإلنترا أصبحوا يتقارنوا بصنى ولانسر على هذا الأساس المختل

**mina_ramsis** · 22-05-2008 03:13 PM

المشاركة الأصلية كتبت بواسطة Sameh

أنا شوفت الأوبترا فى السودان وفى سوريا عليها علامة دايو والموديل إسمه (لاسيتى) ، وكمان أفيو عليها علامة دايو بس مش فاكر إسم الموديل كان إيه ، بس فى الخليج نازلين بعلامة شيفروليه ونفس الأسماء اللى فى السوق المصرى

دى قصة معروفة من ساعت لما جى إم إشترت دايو

و مع إحترامى ده يصب فى عدم شراء الأوبترا بالسعر ده ، لأن مش دى الفئة بتاعتها ، وللأسف الناس دايماً بتبعت تسأل أوبترا ولا صنى ؟؟ طب أوبترا ولا لانسر ؟؟

مش معقول تدفع فلوس أكتر عشان هيكتبولك على العربية شيفروليه وخلى الزبون يفرح ، والناس كالعادة تقول (ماهو أكيد عشان حاطين إسمهم يبقوا هم ضامنينها) ، يضمنوها براحتهم ، إنما هنا بنتكلم على (الفئة) ، الأوبترا واخدة أكتر من حقها فى مصر ، وللأسف تقييم المستهلك للعربية بيكون على حسب تسعير التوكيل للعربية !!!! وبالتالى الأوبترا والإلنترا أصبحوا يتقارنوا بصنى ولانسر على هذا الأساس المختل

يا سيدى الفاضل براحة بس احسبها واحده واحده كده هتلاقى سعرها كده رخيص
قدام النوبيرا دلوقتى ب 82500 و حجز يعنى هتصفى على 84 الف اقل حاجة و الفرق بينها و بين الاوبترا 10000 جنيه انت بقى واخد فى المقابل تقفيل برده ديه لواحدها بتفرق رقم محترم فى الجمارك + فرق سعر العمالة + شكل جديد لان شكل النوبيرا بقالة اكتر من 8 سنين ديه غير التعديلات اللى فى الموتور و العفشة و الفتيس اللى الناس بتشتكى منه فى النوبيرا
كل ده مايساويش عندك 10000 جنيه

**احمدعبدالعزيز** · 22-05-2008 03:26 PM

المشاركة الأصلية كتبت بواسطة hoko_mosha

يا سيدى الفاضل براحة بس احسبها واحده واحده كده هتلاقى سعرها كده رخيص
قدام النوبيرا دلوقتى ب 82500 و حجز يعنى هتصفى على 84 الف اقل حاجة و الفرق بينها و بين الاوبترا 10000 جنيه انت بقى واخد فى المقابل تقفيل برده ديه لواحدها بتفرق رقم محترم فى الجمارك + فرق سعر العمالة + شكل جديد لان شكل النوبيرا بقالة اكتر من 8 سنين ديه غير التعديلات اللى فى الموتور و العفشة و الفتيس اللى الناس بتشتكى منه فى النوبيرا
كل ده مايساويش عندك 10000 جنيه

وغير ان تم تغير الجير بوكس الاوتوماتيك و العفشة احسن من النوبيرا ومش كده وبس ضيف كمان ان جميع السيارات سعرها ذاد جدا مثال الالنترا 90الف مانيوال فى 20007 والان 98 الف اما النوبيرا من 2004 وسعررها ثابت وعشان كده بقول الاوبترا فى ظل الاسعار الموجوده مش غالية .

**Sameh** · 22-05-2008 09:35 PM

المشاركة الأصلية كتبت بواسطة hoko_mosha

يا سيدى الفاضل براحة بس احسبها واحده واحده كده هتلاقى سعرها كده رخيص
قدام النوبيرا دلوقتى ب 82500 و حجز يعنى هتصفى على 84 الف اقل حاجة و الفرق بينها و بين الاوبترا 10000 جنيه انت بقى واخد فى المقابل تقفيل برده ديه لواحدها بتفرق رقم محترم فى الجمارك + فرق سعر العمالة + شكل جديد لان شكل النوبيرا بقالة اكتر من 8 سنين ديه غير التعديلات اللى فى الموتور و العفشة و الفتيس اللى الناس بتشتكى منه فى النوبيرا
كل ده مايساويش عندك 10000 جنيه

فعلا الأوبترا أحلى من نوبيرا

بس لا النوبيرا ولا الأوبترا ينفعوا يتسعروا كدة ، والإتنين المفروض يتباعوا بسعر أقل ، للأسف إحنا تحت رحمة جشع التوكيلات وبنضطر نجيب بأسعارهم

أنا مازلت مش شايف أى منطق إن الأوبترا تتباع بسعر يقترب من سعر عربيات يابانى زى لانسر وصنى ، ولو قارنها إنها أغلى من نوبيرا حاجة بسيطة ، هقولك إن كمان النوبيرا كدة كتير عليها ، بالتجميع المحلى والشكل القديم

بالمناسبة بقا أنا لسة جايب نوبيرا زيرو ماعملتش 3000 كيلو ، تاخدها وعليها بوسة ؟ :)

-

الموضوع: الاوبترا ماهيا الا نوبيرا

LinkBack

أدوات الموضوع

عرض

-

-

-

المواضيع المتشابهه

الاوبترا حسب المواصفات الخليجي و الاوبترا حسب المواصفات المصريه

الي ملاك الاوبترا المانيوال الظاهر ان الاوبترا طلعت مقلب

ماهيا عيوب الافيو؟وما هيا المميزات؟

الاوبترا و سيراتو اخوات مع وجود فروق فى صالح الاوبترا

فرامل الاوبترا و سمعات الاوبترا

الكلمات الدلالية لهذا الموضوع

المفضلات

المفضلات

ضوابط المشاركة