ممنوع دخول الأطباء أقل من 40 سنة

**dr_radioooooo** · 16-11-2011 09:36 PM

المشاركة الأصلية كتبت بواسطة icehearted girl

ببيونات = ببيون +ببيون+ ببيون

**Medicalist** · 16-11-2011 09:47 PM

الدكتور رضا عوضين اخباره ايه ؟ دكتور محترم جدااا وفيه دكتوره اسمها امانى تقريبا بتاعه كارديو عبقريه

**yyy** · 16-11-2011 10:00 PM

الا لو قررت استقيل واخد نايب ززاير..بس انا كنت عملت كدا من زمان...بقي...

ممكن من غير استقاله حاجه اسمها افاده للتدريب بتتعمل علي الجامعه او اي مستشفي

**DR/WAFEK** · 17-11-2011 12:32 AM

المشاركة الأصلية كتبت بواسطة dr_radioooooo

خدها نصيحة من واحد متمرمط فى الاشعة بقاله سنتين
بلااااااااااااااااااااااا ااااش
خد اطفال احسنلك
مع انى بحب الاشعة جدا و شايف انها انسب تخصص فى الطب بالنسبالى

ممكن اعرف بس بلاش ليه بتفصيل شويه يعنى مرمطه فى ايه وايه المستقبل بتاعها سواء جوه وبره وطالما حضرت بتحبها كده ممكن اعرف ايه المميزات اللى محبباك فيها

**dr_radioooooo** · 17-11-2011 04:13 PM

من ناحية الماستر و الشهادات الاجنبية
الاشعة صعبة جدا فى دراستها لانك بتذاكر الطب كله
دلوقتى مفيش مرض الا و بيتشخص بالاشعة و كمان التدخل العلاجى اصبح موجود فى صورة الاشعة التداخلية
فمن الاخر انت بتذاكر الطب كله و بتبقى عارف فى كل التخصصات

من ناحية الماديات
السفر بتاعها احسن سفر و مطلوب فى الخليج جدا
انما فى مصر الدخل قليل الى حد ما لانك بتشتغل عند صاحب المركز الى همه الاول و الاخير المكسب و غالبا بيحاسبك باقل شىء ممكن
فعشان تحقق دخل معقول لازم تتنط طول النهار بين المراكز وده مش لايف ستيل هادى خالص
انما لو عندك قدرة مالية انك تفتح مركز خاص بيك يبقى دووس و هتبقى دخلها معقول
شغل البرايفت لدكاترة الصحة غالبا مبيخرجش عن السونار
و عشان تكتب ct او mri معظم الاماكن بتطلب ان يبقى معاك دكتوراه و مش سهل ابدا انك تاخدها هنا فى مصر بسبب البيروقراطية

المشكلة الكبيرة بقى انك لو ملقتش مكان تتعلم فى التخصص يبقى من الافضل متاخدوش
وطبعا من النادر انك تلاقى فى مصر مكان كويس فى الاشعة برة الجامعة

انا بقى بحب التخصص ده جدا لاسباب كتير
بس اهمها ان انا ناوى اسيب البلد و اتعلم التخصص ده بره
وامنية حياتى انى اقدر اتعلم interventional radiology وده لانى شايف ان ده هو المستقبل و هو اكتر حاجة مناسبة ليا

نصحتى ليك
متضيعش وقت
لو ناوى تسيب البلد خد اى تخصص و امشى فيه مع السكة اللى انت اخترتها
لو ناوى تعد هنا فى مصر يبقى خليك فى الاطفال اسهلك و اكسبلك
لو فى اى اسئلة تانية انا تحت امرك

**morsi** · 19-11-2011 01:53 PM

المشاركة الأصلية كتبت بواسطة icehearted girl

ياهلا ياهلا

ثانية واحدة..حضرتك عديت الاربعين سنة؟؟

طب وهو حضرتك طبيب اصلا؟؟؟

فضول يعني؟؟؟ ومالو ميضرش..

حضرات السادة الافاضل عاوزة أسألكم ف تخصيين التخدير والكلينكال باثولوجي ...

مميزات وعيوب كل نيابة منهم علي حدة..بغض النظر عن ميل او فيميل..ياريت

تساعدوني الله يكرمكم

عيوب تخصص التخدير:
1- نيابة التخدير مرهقة جدا جسدياً للولد والبنت لو عايزة تتعلمى تخدير صح بمعنى انك لازم تتعبى جدا وماتفوتيش اى حالة لأن طول مدة نيابتك بتتعلمى من كل حالة وماتصدقيش اللى يقولك ان تخدير كل الحالات زى بعضها بالعكس كل حالة ليها خطة التخدير الخاصة بيها (ده طبعاً لو عايزة تكونى متميزة فى تخصصك مش دكتورة تخدير تخدر والسلام).
2- ضغط عصبى فى البداية لغاية ماتتمكنى من شغلك وبعد كدا تلاقى نفسك بتخدرى وأعصابك باردة جدا .
3- طبعا لو زى مابتتكلمى عن اللايف ستايل لأ التخدير مش لايف ستايل خالص
4- حياتك الشخصية مش هاتكون مستقرة خاصة اثناء فترة النيابة (اقصد خطوبة وجواز والحاجات دى)

مميزات التخدير:
1- هاتشتغلى برايفت بدرى جدا لدرجة ممكن تبتدى البرايفت بعد شهرين من النيابة وبالتالى هاتكسبى فلوس كويسة جدا بدرى عن باقى زملائك فى التخصصات الاخرى خاصة لو متمكنة كويس من شغلك .
2- لو اتعلمتى عناية مركزة كويس واشتغلتى برايفت عناية وتخدير فى مستشفى خاص هايكون دخلك كويس جدا.
3- لو عايزة تسافرى للخارج هاتتخطفى من اول مكتب سفريات وطبعا مرتبات التخدير بالخليج اعلى مرتبات ولو معاكى عناية مركزة المرتب هايكون أعلى وأعلى.
وان شاء الله بالتوفيق