المخالفات ؟!!! الردار بتاع الصحراوي و المحور و انا ماشي 200

رجالة انا كنت في القاهرة في العيد :) رجعت من الداتري تقريبا او المحور الي في النزلة الي تنزلك على داندي مول و اول الصحراوي ..

الطريق ده كان فاضي و عليه ناس بتجري و كان في شبه ردارات في النص كدة بس كله كان ماشي فوق 100 و بيعدي و مبيصوروش فلاش !

و انا راجع صحراوي برضه الناس و المكروباصات طايرة فوق المية ولا كأن في ردرارات :)

انا المحور ولا الدائري ده كنت ماسكة 160 و الصحراوي 190 - 210 كدة !

و متأكد مفيش ولا حاجة صورت فلاش .... ولا لجنة قابلتني ولا حد كلمني على بوباة اسكندريا الي في الكمين !

بتكلم عادي مع واحد صاحبي بيقلي تيت ! انتا كدة تدفعلك بتاع 10 الف مخالفات سرعة عشان انتا اتصورت بتاع 20 ردارا و كلهم من غير فلاش و باشعة قلتله انتا حتظزيت مهوا الناس كانت ماشية عادي و اكيد مش اشعة تحت الحمراء و على 200 صحراوي حيلقط من غير فلاش يعني ...

صح كدة ولا بيستعبط ؟

ثانيا انا شفت ناس كتير شايلة النمر الي ورا و طايرين و ايكش تولع ! مش فاهم ازاي مش كدة لو اتصور اصلا مفيش دفع فوري و لو في كمين حيقف يحطها ولا حيعمل ايه مش فاهم ازاي الناس ديه بتمشي ؟!

و بعدين هوا ممكن تقف في الممنوع و النمرة تتاخد و تلاقي موضوع المخالفة ب 800 و 500 الي هيا ب 25 جنيه كانت ؟

أنا هارد عليك عشان أطمنك، بس أكييد السرعة اللى انت بتمشى بيها دى ما طمنش :(
أنا ساكن فى الشيخ زايد و طبعا بنزل وسط البلد عن طريق المحور كتير و بسافر اسكندرية بردو كتيير،
أولا: الرادارات اللى على المحور بتصور من قدام، يعنى اللى عامل فيها فالح و شايل النمر من ورا ده تييييت لا مؤاخذة و هتعرف بعدين هو لية تيييت عل الأخر
ثانياً: الرادرات دى مالهاش لجان، دى بتسجل المخالفات و حضرتك بتدفعها لما تروح المرور
ثالثاً: الرادرات اللى على المحور كلها مش شغالة للأسف، يلا حظك :)
رابعاً: الرادرات على الصحراوى اللى جنب نقط المرور أغلبها شغالة، بردوا حظك :( و فعلاً بفلاش وتشوفة واضح زى الشمس باليلل لو حد قدامك ماشى فوق ال 100، و دى بالمناسبة بتصور من الخلف، وسعات بيبقى فية كمائن رادرات غير ثابتة ودى بردوا بتصور من ورا و الفالح اللى شايل النمر ده، هيتبلغ عنة عن طريق الأمين و هيلبس مخالفات بالعبيط تانية كتيير غير مخالفة السرعة و مش بعييد يتحبس
أنا معاك انحد 100 ك/س دة فعلا رخم بالزات على الصحراوى لكن تعالة نحسبها كدة على المحور، المحور طولة 12 كم، يعنى لو نفرض ان المحور من أولة لأخرة فاضى ودة عممرها مبتحصل غير فى أوقات نادرة، و حضرتك ماشى بسرعة
90 ك/س هايخد من حضرتك 8 دقائق بالظبط
طب لو حضرتك ماشى بسرعة 160 ك/س هايخد 4 دقائق و نص يعنى الفرق تقريباً 3 دقائق، هل حضرتك شايف ان الفرق ده يستاهل انك تخاطر بحياتك، مع العلم ان الاحتمالات كتير، فبالاضافة ان فى ناس كتيير فى مصر لسة بتتعلم السواقة غنيك عن سواقين الميكروباص و النقل، إلا إن هناك فى احتملات تانية كتير، ياعنى لا قدر الله كاوتش يفرقع، طنبورة تنكسر، فرامل تنقطع، أظن لا قدر الله، لو حاجة من دى حصلت على السرعات اللى انت بتقول عليها دى، العواقب هتبقى وخيمة
وربنا يستر علينا و عليك و يكفينا و يكفيك و يكفى الجميع شر الطريق

بارك الله فيك علي النصايح الغالية لاخونا صاحب الموضوع ربنا يهدينا جميعا

اقتباس:

---

المشاركة الأصلية كتبت بواسطة ragaee

أنا هارد عليك عشان أطمنك، بس أكييد السرعة اللى انت بتمشى بيها دى ما طمنش :(
أنا ساكن فى الشيخ زايد و طبعا بنزل وسط البلد عن طريق المحور كتير و بسافر اسكندرية بردو كتيير،
أولا: الرادارات اللى على المحور بتصور من قدام، يعنى اللى عامل فيها فالح و شايل النمر من ورا ده تييييت لا مؤاخذة و هتعرف بعدين هو لية تيييت عل الأخر
ثانياً: الرادرات دى مالهاش لجان، دى بتسجل المخالفات و حضرتك بتدفعها لما تروح المرور
ثالثاً: الرادرات اللى على المحور كلها مش شغالة للأسف، يلا حظك :)
رابعاً: الرادرات على الصحراوى اللى جنب نقط المرور أغلبها شغالة، بردوا حظك :( و فعلاً بفلاش وتشوفة واضح زى الشمس باليلل لو حد قدامك ماشى فوق ال 100، و دى بالمناسبة بتصور من الخلف، وسعات بيبقى فية كمائن رادرات غير ثابتة ودى بردوا بتصور من ورا و الفالح اللى شايل النمر ده، هيتبلغ عنة عن طريق الأمين و هيلبس مخالفات بالعبيط تانية كتيير غير مخالفة السرعة و مش بعييد يتحبس
أنا معاك انحد 100 ك/س دة فعلا رخم بالزات على الصحراوى لكن تعالة نحسبها كدة على المحور، المحور طولة 12 كم، يعنى لو نفرض ان المحور من أولة لأخرة فاضى ودة عممرها مبتحصل غير فى أوقات نادرة، و حضرتك ماشى بسرعة
90 ك/س هايخد من حضرتك 8 دقائق بالظبط
طب لو حضرتك ماشى بسرعة 160 ك/س هايخد 4 دقائق و نص يعنى الفرق تقريباً 3 دقائق، هل حضرتك شايف ان الفرق ده يستاهل انك تخاطر بحياتك، مع العلم ان الاحتمالات كتير، فبالاضافة ان فى ناس كتيير فى مصر لسة بتتعلم السواقة غنيك عن سواقين الميكروباص و النقل، إلا إن هناك فى احتملات تانية كتير، ياعنى لا قدر الله كاوتش يفرقع، طنبورة تنكسر، فرامل تنقطع، أظن لا قدر الله، لو حاجة من دى حصلت على السرعات اللى انت بتقول عليها دى، العواقب هتبقى وخيمة
وربنا يستر علينا و عليك و يكفينا و يكفيك و يكفى الجميع شر الطريق

---

فعلا معاك حق في كل كلمة و انا والله مش كان قصدي امشي على السرعة ديه بس كنت مضطر و اصلا اول مرة :) و الصحراوي سجادة حرير بمعنى الكلمة و فعلا ماشي 200 كأنك ماشي 50 ! و لو مشيت 90 تحس انك واقف اصلا ً !

فعلا موضوع الوقت مش حيفقرق في المحور :) انا الاهم كان الصحراوي لاني اخدته كله على السرعة عشان كنت لازم اوصل اسكندريا بدري

الف شكر يا باشا و فعلا ربنا يكرمك و يطمنك زي ما طمنتي ... فعلا انسان ذوق و قمة في الاحترام ..

ياباشا لا شكر على واجب، انت اللى انسان ذوق و محترم بالاضافة الى انك اسكندرانى، يعنى الشباب الجدعان :)
وأنا معاك ان الصحراوى فعلا حاجة روعة، و ان شاء الله السرعة القانونية علية هتبقى 120 ك/س بعد الانتهاء من الأعمال فيه

ragaee

هل فيه رادار عند مديرية الامن اللى قبل الصحراوى

انا الفلاش ضرب فى وشى مرتين على سرعه 160 صحراوى اسكندريه

اقتباس:

---

المشاركة الأصلية كتبت بواسطة a.saad

ragaee

هل فيه رادار عند مديرية الامن اللى قبل الصحراوى

---

لا يا باشا مفيش و لا رادار من أول ميدان الرماية لحد البوابات، بس فعلا بدون مبالغة دى أوحش حتة فى الصحراوى و ضيقة و كلها ملفات و مطبات و مفيهاش عمود نور و أكتر حوادث بتحصل فيها، و دى كلها على بعض متجيش 10 كيلو ووالله ما هتفرق من 90 ل 200 غير شوية دقايق
يارب احفظنا و احفظ كل المصريين

اقتباس:

---

المشاركة الأصلية كتبت بواسطة amado318

انا الفلاش ضرب فى وشى مرتين على سرعه 160 صحراوى اسكندريه

---

الرادار على الصحراوى بيصور من الخلف، ممكن يكون اللى قدامك كان بردوا مخالف، و لو انت زى ما بتقول كنت ماشى على 160 يبقى متقلقش، أكيد انت كمان اتصورت :) ، و انت وحظك ممكن حد يفرغ المخلفات من الرادار ده أو ممكن لأ

انا هجدد يوم 24 هشوف المخالفات جات ايه واقول