الموضوع: سـؤال بـخـصـوص تـنـظـيـف الانـجـيـكـشـن ( ضـروري )

مش لازم, ويفضل ماتعملهاش الا لما تحس ان العربية مش مضبوطة..!

وكماااااااان يتحط على 20-30 لتر بس (ماتفولش), ومش بتفرق قبل أو بعد البنزين.. لأنه كده كده بيـmix مع الجازولين تماااااام..

أفضل نوعين عن تجارب:
- الـSTP سواء الـinjector-Cleaner بـ27-30 جنيه, أو الـComplete Fuel-System Cleaner بـ67-70 جنيه!
- الـLiqui-Moly injector-cleaner برضه جاااااااااامد جدا.

المشاركة الأصلية كتبت بواسطة prisoner

انا برضوا حصل وسالت كتيير على الموضوع ده وطلعت بنتيجة مهمة الطريقة الاولى ممكن تعملها فى حد فى الهرم بس مش عارف تفاصيله هاسئل اللى قالى وابعتلك الارقام لو عايز تروحله بيعملها بالالتراسونيك وشغل عالى انما لو الدنيا عندك مش بايظة مش مستاهلة الموضوع ده انت بتعمل صيانة مش عطلان لا قدر الله ولا حاجة والاخ الكريم مومو كان فك المسطرة والرشاشات ونظفهم بنفسه وكنا مع بعض الطريقة سهلة بس عايزة حرص وتكون واقف جنب حد فاهم ازاى بيشتغل وفعلا كان عنده عيب تقطيع بس لما نظف الرشاشات الموضوع اتظبط تمام.

الطريقة الثانية دى انا جربتها بتجيب منظف انجكشن وعلى فكرة بتاع ليكوى مولى ممتاز جدا جدا وفرق معايا الحمد لله بس يقال انه بيتحط كل 2000 كيلو ولسة مش متاكد من الموضوع ده وكنت مرة سمعت عن طريقة مبتكرة ومجربة فى موضوع التنظيف ده انك تستنى لما التانك يفضى وميكونش فيه اكتر من 15-20 ليتر علشان المنظف يكون مركز قوى ولما تحطه تفضل ماشى بالعربية مسافات طويلة والاهم انك تحرق على الغيارات علشان المنظف يدخل بقوة فى الرشاشات ولما تحس ان الدنيا اتظبطت او مشيت مسافة حلوة تفول على طول لانى سمعت انه غلط تسيب المادة دى بشكل مركز غلط على المواسير بتاعت البنزين انا قريت الموضوع ده اكتر من مرة لانى كنت هاجربه ولكن واحد صاحبى فى فيرنا هايعمله اليومين دول وهاقولك على النتايج بس انا بصراحة مقتنع تماما بيها اسف على الاطالة تقبل مرورى تحياتى

شكرا جداا ع ردك
انا شايف كله بيرجح ليكوي مولي و سمعت ان ستب كويس برده
و الحمد الله مفيش حاجة بس زي ما بيقولوا الوقاية خيرا من العلاج و خاصة اني دخلت في الــ100 الف مش عايز استني لحد ما تبتدي تظهر المشاكل
و في انتظار نتيجة تجربة صاحبك متنسنيش بقي :)