اولا حضرتك السيفيا بتتقارن مع النوبيرا وكفة السيفيا هى اللى هترجح بردوا
لاكن هجاوب حضرتك على سؤالك
من حيث الاعتماديه زى اى عربيه طول ما ايدك فى العربيه وبتعمل كل الصيانات فى مواعدها تقدر تعتمد على العربيه من حيث الاعطال لاكن نيجى بقى لوسع الصالون و الشنطه السيفيا اوسع بفرق كبير كمان لو انت عائله او بتحب تسافر كتير بالنسبه للماتور فرق كبير السيفيا اثنين كامه واللانوس واحد كامه طبعا فرق كبير بين الماتورين رغم الاثنين 1500 بس سوق لانوس و سوق سيفيا وشوف انهو ماتور اللى هيمتعك ويعتمد عليه فى كل المواقف وبالنسبه للثبات السيفيا اثبت بكتير خاصتا على السرعات العاليه
ومن حيث قطع الغيار فى حاجات نفس سعر اللانوس و فى حاجات اغلى حاجه بسيطه وحاجات الاثنين موجودين من الابره للصاروخ زى ما بيقولوا ومن اول الصينى لغايه الاصلى كلوا موجود على حسب امكنياتك
بس فى حاجه لازم اقولك عليها لامانة المقارنه فى عيبين فى السيفيا مش موجودين فى اللانوس
اول عيب التابلوه بيطق من عند الهوايات اللى تحت الزجاج الامامى وده ليه طبعا حل اولهم و انت بتشترى ما تشتريش عربيه فيها العيب ده ولو عربيه عجباك و فيها العيب ده علاجوا بسيط ب 130 جنيه وتبقى زى الفل والعيب ده بيجى لما العربيه تكون مركونه فى الشمس علطول
ثانى عيب طرمبه الباور لما تهمل فى متابعه مستوى الزيت فى الخزنه و ينقص وتمشى بيها كتير بتعمل ونه وتقل فى الباور وطبعا بردوا علشان تتجنب ده شوف عربيه ما فيهاش العيب ده وحافظ على الطرمبه هتبقى زى الفل معاك وعلى فكره انا عربيتى شاريها فيها العيب ده وقاعده معايه بقالها سنتين وما غيرتش الطرمبه وماشى بيها كده علشان ابينلك الاعتماديه بتعتها بردوا انها ممكن تمشى بالعيب ما تقلكش لقه ولو عجبتك عربيه فيها العيب ده بردوا تكلفة الطرمبه استيراد 350 جنيه وجديده 750 جنيه
ارجوا اكون قد افادتك وما تنساش صلات الاستخاره قبل الشراء