المشاركة الأصلية كتبت بواسطة h a r d
مين يا باشا الى اكدلك ان الماتور 1600 مكتوب فى الورق بتاعه ؟
والسيفيا مش كل مواتيرها 1500 فى مواتير 1800 وبتنزل هنا برضوا
بس محدش بيجيبه لانك هتغير دفاير وكلام كبير
الفكره بقى ماتور 1800 بيكون ليه فتيس مختلف ولا هوا نفس الفتيس بتاع 1500
ولو الفتيس مختلف ممكن يركب على الماتور 1500 ولا لا ولو ركب هتبقى ايه النتيجه
ولو فرضا ان مش هينفع ايه الفتيس بتاع اى عربيه الى يركب يطول روح الغيار
طبعا ده كلوا لو عزم الماتور مش هيتاثر يعنى هبقى ماشى على الاول وجايب 40 مثلا والار بى ام على 2.5 او 3
حد فاهمنى ولا الكلام ده مينفعش
برضوا نقطه تانيه شدادات الباب عندنا مفيش مراحل للباب عكس مثلا الالمانى الباب تقيل وبيشد معاك
الموضوع ده لقيته فى الهاينداى اكسيل وفى كذا عربيه كورى الفكره برضوا لو تركيب شدادات كويسه بدل الشدادات الى عندنا هتبقى بتاعت انهى عربيه
ديه كلها اسئله فى دماغى مش اكتر يمكن حد يعجبه الفكره