الفرق بين النقلات فى الصنى الاوتو إيه سببه و علاجه الجذرى ؟

**Land_Cruiser** · 16-11-2011 07:53 PM

شكرللاخوه على الرد و ممكن ننتظر تجربه تغيير نوع زيت الفتيس و نشوف ايه تاثيرها على المدى الطويل و ان كنت حاسس ان نوع الزيت مش السبب لانى كل مره بعد الصيانه العربيه بتكون زى الفل و مفيش احساس بالنقلات زى ما قلت قبل كده مع العلم انهم ما بيقربوش ناحيه الزيت لانى بسال المهندس عن كل حاجه .
هوالاقرب للمنطق انهم بيعملوا اعادهم لضبط المصنع او حاجه زى كده بس ده مش حل نهائى طبعا لانه شويه و يرجع تانى و بصراحه حاجه بتعصب اوى
يا ريت لو فى طريقه نوصلهم بها الكلام ده فى التوكيل علشان يحلوا الموضوع ده

**ahaleem** · 16-11-2011 08:30 PM

المشاركة الأصلية كتبت بواسطة wshawky

شكرللاخوه على الرد و ممكن ننتظر تجربه تغيير نوع زيت الفتيس و نشوف ايه تاثيرها على المدى الطويل و ان كنت حاسس ان نوع الزيت مش السبب لانى كل مره بعد الصيانه العربيه بتكون زى الفل و مفيش احساس بالنقلات زى ما قلت قبل كده مع العلم انهم ما بيقربوش ناحيه الزيت لانى بسال المهندس عن كل حاجه .
هوالاقرب للمنطق انهم بيعملوا اعادهم لضبط المصنع او حاجه زى كده بس ده مش حل نهائى طبعا لانه شويه و يرجع تانى و بصراحه حاجه بتعصب اوى
يا ريت لو فى طريقه نوصلهم بها الكلام ده فى التوكيل علشان يحلوا الموضوع ده

احنا فعلا لازم نشوف نسأل حدجوا التوكيل ياريت لو فى يعرف حد ممكن يساله .......وشكرا

**omar-saad** · 17-11-2011 12:58 AM

عمر مكان الزيت له علاقة بنتشة الفتيس الاوتوماتيك
لان فى عربيات كتير جدا بتستخدم موبيل ومفيهاش النتشة دى
انا كان عندى كورولا 2007 وكان فها برضه زيت موبيل
كانت الفتيس تكاد تكون نقلاته معدومة!
النتشة خفت عن الاول لما غيرت البطارية المهببة اللى حطينها فى العربية وجبت واحدة جافة محترمة
دى اكيد طبيعة الفتيس خصوصا الكلاتش المسؤل عن الغيار التانى
لان النتشة بتحصل لما العربية تغير من الاول للتانى او العكس
او لما تكون العربية مش متسخنة كويس
وكمان لو شيلت رجلك من على دواسة البنزين قبل العربية ماتاخد الغيار
حاول تتفادى المواضيع دى
وان شاء الله الموضوع يخف عن الاول

**Land_Cruiser** · 17-11-2011 01:46 AM

المشاركة الأصلية كتبت بواسطة omar-saad

عمر مكان الزيت له علاقة بنتشة الفتيس الاوتوماتيك
لان فى عربيات كتير جدا بتستخدم موبيل ومفيهاش النتشة دى
انا كان عندى كورولا 2007 وكان فها برضه زيت موبيل
كانت الفتيس تكاد تكون نقلاته معدومة!
النتشة خفت عن الاول لما غيرت البطارية المهببة اللى حطينها فى العربية وجبت واحدة جافة محترمة
دى اكيد طبيعة الفتيس خصوصا الكلاتش المسؤل عن الغيار التانى
لان النتشة بتحصل لما العربية تغير من الاول للتانى او العكس
او لما تكون العربية مش متسخنة كويس
وكمان لو شيلت رجلك من على دواسة البنزين قبل العربية ماتاخد الغيار
حاول تتفادى المواضيع دى
وان شاء الله الموضوع يخف عن الاول

هو أنا غيرت البطاريه برده بس مش فارقه و أنا ما بشلش رجلى من على البنزين و بعدين حتى لو العربيه متسخنه كويس برضه المشكله بأفضل موجوده . هى لو كانت دى طبيعه الفتيس كانت تبقى كده على طول لكن لما برجع بيها بعد الصيانه بتختفى المشكله وده الغريب

**Hossam_Zaky** · 17-11-2011 02:27 AM

و الله أعلم
أعتقد المشكلة في تصميم وحدة التحكم الألكتروني بتاعة الفتيس لأن تصميم الفتيس أصلا قديم من التسعينات و كنت أتكلمت زمان لما اشتريت العربية مع التوكيل ( يونايتد ايام عزه ) و قاللي المهندس من الأخر تصميم الفتيس كده الكمبيوتر بتاعه أستجابته بطيئة و ده بيؤدي كمان لوجود صوت طقة أحيانا مع الدوس علي البنزين و رفع الرجل بعدها مباشرة لأن الفتيس تقدر تقول كدة بيتلخبط

أعتقد ممكن يكون فيه تحسن مع تغيير البطارية بأخري أمبير أعلي تكون 66 أمبير أو كده بس لسة مجربتش لأن البطارية ماشية معايا فمرضيتش أغيرها دلوقت

و أعتقد الأستاذ الكبير سبعاوي كان له موضوع قديم هنا عن نتش الفتيس و أنتهي بعد تجارب كتيرة لو انا فاكر صح لتغيير البطارية بأخري لو حد يبحث عن الموضوع يكون مشكور

**Land_Cruiser** · 17-11-2011 11:04 AM

هما فى التوكيل بيغيروا البطاريه بواحده نفس الأمبير بتاعه السائله بس جافه و المهندس قالى ده المثالى للعربيه و كمان لو البطاريه إمبير اعلى ممكن تأثر على الدينامو