تم بحمد الله تغيير الجنوط والكاوتش للانوس
السلام عليكم ورحمة الله وبركاته
الحمد لله قمت بتغيير جنوط وكاوتش اللانوس وتعديلهم من مقاس 13 الى مقاس 14 تمهيداً لتعديل الفرامل ان شاء الله فحبيت انقل تجربتى للاستفادة
بعد بحث وعناء عن طقم جنوط مقاس 14 محترم ومتين ما بين الاندونيسى والصينى والتايوانى أشتريت طقم hrs صناعة تايوانى لانى وجدتها اجودهم ولأختلاف الأراء حول الصينى والاندونيسى (لأنى شخصياً لا أفضل الصناعة الصينى على الأقل فى الأمور التى تخص السلامة) أشتريته ب 1750 والأسعار فى السويس وليس فى القاهرة.
اما بالنسبة للكاوتش فاشتريت بريدجستون تورنزا gr90 مقاس 185/60/14 الفردة ب 550 جنيه وبرضه اسعار السويس وده بعد عناء كبير لعدم توافر الموديل ده.
اما لتشطيب الموضوع اشتريت اربع بلوف نيكل الواحد ب 8 جنيه وعملت اربع رينجات عند الخراط للجنوط الرينج الواحد ب 20 جنيه والفك والتركيب والترصيص والنيتروجين لكل فرده ب 20 جنيه
المشكلة كانت فى مسامير الجنوط النيكل للاسف كلها فى السوق صينى فاشتريت مسمار واحد ب 4 جنيه وقمت بعمل تجربة عليه عندى فى الشغل من حيث التحمل والصلابة والنتيجة كانت محزنة ومؤسفة المسمار اتقطم زى الخيارة مما يدل على ردائته فقمت بتركيب المسامير القديمة بعد شراء علبة رش فضى ب 18 جنيه وقمت بطلاء المسامير القديمة الأصلية فأصبحت كانها نيكل ولذلك أنصح بعدم شراء المسامير النيكل الصينى.
والحمد لله بعد التركيب فرق شاسع ما بين القديم والجديد.
وان شاء الله سأقوم برفع الصور للجنوط القديمة والجنوط الجديدة.