بالصور ...طريقة تغيير ثرموستات الكوع للجين-2 والبيرسونا

**Abdelrahman.H** · 16-11-2011 10:16 AM

الثرموستات دي للي ما يعرفش شكلها بتبقى عامله زي الصور دي

---------------

مكانه بيبقى داخل كوعة المياه الرئيسية اللي خارجه من الريداتير وداخله الموتور على فوهة مشترك الشجره

-- مكانه في الجين-2
على يمين فرن الشكمان وتحت الماسوره البلاستيك بتاعة فلتر الهواء حنلاقي كوعة مياه كاوتش سوداء اللون و غليظه ....
( لما نفك الأفيز اللي ماسكها و نسحب الكوعه بره حنلاقي الثرموستات قدامنا داخل فوهة المشترك الحديد )

طريقة فكه :

حنلاقي الثرموستات متثبت بورده سوسته (snap ring) زي دي

علشان نفك الثرموستات لازم نفك الورده السوسته الأول بإستخدام بنسه ببوز رفيع زي دي

الورده عندي كانت محشورة جامد و مصديه بس رشيت عليها WD40 لتذويب الصدأ و الحمد لله إتفكت

بعد ما نفك الورده نسحب الثرموستات للخارج و بعدين نركب الثرموستات الجديد و نثبته بالوردة تاني و نعيد تركيب الكوعه الكاوتش السوداء مره تانيه ونربطها كويس بالأفيز ......

لازم بعد كده نسحب هواء من دايرة التبريد و ده عن طريق :

1- نفك المسمار اللي في الكوعة من فوق بإستخدام مفتاح 8مللي
2- ندور العربية و نبدأ بتزويد المياه في الريداتير .
3- حنلاحظ خروج نافورة مياه من الفوهة الي فكينا المسمار منها .... النافورة حتبفي متقطعة و ده عشان المياه مختلطة بالهواء.
4- نفضل نزود مياه لحد ما نلاقي مافيش هواء بيخرج خلاص و المياه بتخرج متصلة مش متقطعة .
5- نركب المسمار تاني و نربطه كويس .
6- نزود المياه لحد فوهة الريداتير و نقفل الغطاء كويس .
7- نراجع على منسوب مياه القربة .

لو في حاجه مش واضحه ممكن تشوفوا الموقع ده شارح طريقة فكها بس العربيه مختلفة

[flash1=http://www.bidanswer.com/Questions/QuestionInfo_6858.html]WIDTH=800 HEIGHT=600[/flash1]

تحياتي