ولله الحمدزاستلمت سوبر صالون 2008

**momoneer** · 21-05-2008 05:20 PM

ألف مبروك وربنا يكفيك شرها
ياريت تقولنا انطباعك المبدئى عنها وعن عفشتها ؟؟؟؟

**mazen86** · 21-05-2008 05:38 PM

الف مبرووووك

وربنا يديك خيرها ويكفيك شرها

**fahd_628** · 21-05-2008 07:37 PM

الف مبرووووووووووووك

ولازم التليين حتى بص فى الكتالوج و شوف بالظبط كام كم !!!

**hany79** · 21-05-2008 07:50 PM

الف الف مبروك يا باشا
انا زيك جبتها من عند ا/نهاد ,رجل محترم جدا
هو برضه قالي متزودش عن 90 و بلاش تكييف الا لو في طريق سفر في 1000 الاولى بس
انا روحت واخدها لغاية اسكندرة حرقتلي ييجي 600كم
بالاضافة لمشوار الشغل 40كم يوميا في خلال 10 ايام كنت معدي 1000 و بعد كده شغلت التكييف و ابتديت ازود السرعة شوية بس انا اصلا مبحبش السرعة لكن ساعات تلاقي حد كابس , عايز تقرص في حتة تفلت من عربية نقل او اتوبيس بس لكن غير كده تاتا تاتا
و بالنسبة للغطاء انزل شارع دمشق قولهم عايز غطاء تقيل سعره 140 جنيه يحميهالك من العيال في الشوارع
بس و ربنا يباركلك فيها و يبعد عنك شرها

**ows212** · 22-05-2008 02:58 AM

الف الف مبرووووووووووووووووك

**Abdelrahman** · 22-05-2008 05:08 AM

بجد يا جماعه شكرا جزيلا لكم جميعا ..يارب يبارك لي ولكم فيما رزقنا ...العربيه ب 102000 جنيه ...والتأمين ب 2040 جنيه ...طبعا لازم تدفع حاجه للعاملين في المعرض (صندوق العاملين) ....العربيه كانت عامله 49 كيلو لما استلمتها (بيقولوا الرقم ده طبيعي جدا !!!!) ... سألت الراجل الي بيسلمني هو العداد او مؤشر السرعه مفصول ؟قالي لأ ...وبعدين وأنا ماشي من المعرض للبيت لقيت مؤشر السرعه ما بيتحركش ...فرحت على البنزينه هبيت العربيه بنزين 92 لأن العربيه كانت فاضيه تماما ...العربيه خدت حوالي 45 لتر ب 84 جنيه
وبعدين رحت للكهربائي في البنزينه وفي ثانيه فتح الكبوت ووصل مؤشر السرعه ولله الحمد
العربيه في مجملها محترمه ...التأفيل محترم ....والمساحه الداخليه محترمه
ما تقدرش تقول انها تحفه من تحف العصر والزمان ...كده تبقى بتبالغ ...بس في المجمل بصفه عامه
العربيه محترمه وتعتبر من أفضل الامكانات في هذه الفئه السعريه (100000 جنيه)
طبعا الفرش الفاتح من جويه على قد ما هو مديها شياكه وجمال على قد ماهو بيتلكك علشان يتوسخ (هههههههه)علشان كده عاوز بأسرع وقت ممكن أفرش العربيه من جوه وكمان اجيب سجاد تحت الدواسات لان بصراحه حجمها صغير وأخيرا غطاء للسياره من بره
دعواتكم يا جماعه
وربنا يحفظنا واياكم من كل الشرور والحوادث والحسد :)

**tears** · 22-05-2008 05:25 AM

الف مبروك ربنا يحميك منها و يبعد عنك الحاسدين و متجريش بلعربيه خالص دلوقتى لحد متحفظها كويس ونحفظ ابعادها و الملافات والثبات كل حاجه وعندك يا سيدى عم ابراهيم فى شارع بيروت وعنك فى شارع دمشق حاجات جامده وحاسب من الاشتغلات كلهم معندهمش ضمير

**Moh.Abdelbaset** · 22-05-2008 11:49 AM

الف مبروك على العربيه

**man_alex1984** · 22-05-2008 08:41 PM

الف مبروك ياباشا :embarrassed2:وربنا يباركلك فيها ..بالنسبه للغطي انا افضل تشوف جراج كويس وان تعذر جراج فعليك بغطي كويس ويكون ناعم علي بويه العربيه ,, وبالنسبه للفرش اوعي تجيبلها فرش كبير عشان ميديقش لك الصالون واختار فرش سهل التنضيف ويمشي مع لون التابلوه وكل ده طبعا عايز سروجي كويس يركبه لان في واحد صاحبي بعيد عنا السروجي بوظله فيشه حزام الامان اللي تحت كرسي السواق,,وفعلا احسنت اختيار العربيه والف مبروك

**AAAPRD** · 30-05-2008 12:09 PM

السلام عليكم
دى اول مشاركة لى فى هذا المنتدى الهايل و انشاء اله اكون عضو نشط
انا رخصت الصنى ex automatic و الحمد لله بس عندى استفسارات و طبعا كالعادة هلاقى عندكم الردود التمام
اولا: انا اشتريت العربية من معرض صغير و هو شارى من موزع معتمد. المعرض ادانى كتاب الضمان زى ما هوه من غير ما يملى فيه و لا سطر زى تاريخ الاستلام و خلافه و كمان فبه ورقة مكتوب عليها انها يجب ان تملا بمعرفة البائع و ترسل لموزع و طبعا الكلام ده ما حصلش. هل ده طبيعى ؟
ثانيا: هو انا لازم اعمل الصيانة عند الموزع المعتمد الى المعرض شارى منه و لا اختار براحتى خصوصا صيانة الالف المجانية.
ثالثا: المعرض ادانى مفتاح اسود و مفتاح نبيتى و ريموت بس و قالى دى كل المفاتيح. انا كنت فاكر انى حاخد على الاقل نسختين من كل و احد. برده هو ده طبيعى؟

شكرا على اهتمامكم المتوقع يا رجالة

ابو سيف