حلوةاقتباس:
4. الي وراك حيقعد يزمر - لو كان مؤدب -
أو تسمع شوية أسامي حيوانات لو كان سواق تاكس - مؤدب - ،
أو حيخبطك من ورا لو كان سواق ميكروباص - و دول مفيش حد منهم مؤدب -.
عرض للطباعة
حلوةاقتباس:
4. الي وراك حيقعد يزمر - لو كان مؤدب -
أو تسمع شوية أسامي حيوانات لو كان سواق تاكس - مؤدب - ،
أو حيخبطك من ورا لو كان سواق ميكروباص - و دول مفيش حد منهم مؤدب -.
مية مية
واهم حاجة الاولوية دائما للتكتك والموتسيكل الصيني
لانهم تقريبا بيلبسو نضارة تخليهم ما يشوفوش حد معاهم في الشارع
هههههههههههههههههههه
وفى برضوا تكاتك بتكون مفيمة الازاز اللى قدام
مش عارف بيشوفوا من ازاى
ربنا يسترها
قواعد قيادة السيارات في مصر
القاعدة الأولى:
لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!!
...
ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!
القاعدة الثانيه:
قاعدة البوز بيز: اللي يدخل ببوز عربيته الاول للتقاطع هو صاحب أولوية المرور! احرص على أن تكون صاحب أول بوز.
ملحوظة: لا تطبق الـبوز بيز مع أي لوري أو أتوبيس، حرصاً على بوزك لا مؤاخذة.
القاعدة الثالثة:
الإشارات تكشف نواياك للأعداء، أياك أن تستخدمها!
القاعدة الرابعة:
لا تترك مسافة للأمان بينك و بين السياة التي أمامك فهذا له عدة مخاطر:
1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية.
2. حتدي فرصة للعيال يعملوا غرز قدامك.
3. كل المشاة حيغمضوا عينيهم و يعدوا من الحته دي.
4. الي وراك حيقعد يزمر - لو كان مؤدب -
أو تسمع شوية أسامي حيوانات لو كان سواق تاكس - مؤدب - ،
أو حيخبطك من ورا لو كان سواق ميكروباص - و دول مفيش حد منهم مؤدب -.
الإشارات مش معمولة علشان تنظم المرور ، معمولة علشان شكل القاهرة يبقى متحضر بس!
اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).
القاعدة الخامسة:
اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!
القاعدة السادسة:
معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!
القاعدة السابعة:
الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.
القاعدة الثامنة:
من حقوقك الدستورية أن تركن أمام باب المحل الذي تريد أن تشتري منه، اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟
القاعدة التاسعة:
من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق.
القاعدة العاشرة:
إحترس من ثلاث أنواع من السائقيين بيسوقوا و كأنهم مش ممكن يموتوا:
1. Computer Gamesالعيال الروشين الي بيلعبوا فاكريين إن ممكن يكسبوا زيادة لو ساقوا أسرع
Life
2. موتوسيكلات توصيل الطلبات ( Home Delivery ).
3. سواقين الميكروباص.
ملحوظة: إوعى تحاول تثبت لحد منهم إن فكرته غلط. فاهمني!!!.
القاعدة الحادية عشر
الرصيف ليس للمشاه، بل لركن السيارات و فرشات الباعة الجائليين و المحلات... الخ، لذلك يحق للمشاة السير في وسط الشارع، لمزيد من الأمان،
:
وانا سايق بأحس انى بألعب فيديو جيم .. واكسب لو خلصت مشوارى وارجع البيت من غير ما اخبط فى اى حاجه
عمال تفادى فى ناس ماشيه فى وسط الشارع وموتسيكلات جايه من وراك وتوك توك يطلع قدامك فجأه وواحد بيأخد غرزه من جنبك و ميكروباص يزنق عليك وتريلات ماشيه بأقصى سرعه وعاوزه تعديك وبلاوى كتييييييييييييييييييييييي ييير
هههههههههه حلوة عجبتني !!
ههههههههههه قواعد هامة جدا للمقيمين في القاهرة وعلي السادة المقيمين خارجها مراعاة فروق التوقيت هههههههههههه اقصد فروق الزحمة
كلام سليم جدا أنا فيه كذا قاعدة من دول ماشى عليهم من زمان و بصراحة تمام التمام
فعلا بس في قواعد تاني مهمه وحضرتك مقولتهاش
اشارات المرور دي معموله علشان تعطل مصالح الناس فكك منها :)
يمين الطريق معمول للمبتدئين لو انت بتحب تسوف بطئ بردو خليك ماشي ع الشمال علشان محدش يقول عليك لسا بتتعلم والكلام ده
لما تيجي داخل علي مطب اوعي تدي انتظار او تهدي من قبليها اول متدخل عليه تكبس فرامل علشان لو اللي وراك مش صاحي ولبس فيك يبقي غلطان - طبقا للقانون المصري - وساعتها بقي ممكن تغير العربيه من التوكيل علي حسابه :)