ماذا تفعل إذا باغتك لص وأجبرك علي أن تصرف له نقودا من حسابك المصرفي؟

**mesaharaty** · 17-11-2011 02:12 PM

المشاركة الأصلية كتبت بواسطة hosar

بس السؤال .... هوا البوليس بيعبر حد دلوقتى يا راجل انت لو اتصلت و بتقولة لقيت حرامى يقولم كتفة و هاتهولى و ماتنساش تجيب الحرز بتاعة

ميه ميه 100 %

**KarimAbulEla** · 18-11-2011 12:33 AM

الحوار ده فكرنى بمشهد احمد مكى و هو بيقول لسواق التاكس اللى كان مستنى ياخد اجرته امام ماكنة ال atm ، الفلوس كتير بس اتحشرت

طبعا الموضوع طلع فشنك مع انى كنت اتمنى انه يطلع حقيقى بس تناسيت للحظة اننا لسة فى جمهورية مصر العربية ، انا اعتقد ان البنك نفسه لو بيتسرق ، القسم حيبعت عربية شرطة بعد ساعة فيها ظابط و 2 امناء يلفوا حوالين البنك و بعدين يرجعوا قواعدهم سالمين ،

التصرف الامن دائما لا تقوم باستخدام ماكينة ال atm فى اى مكان خالى من المارة او مكان مظلم

**Gelgel2004** · 20-11-2011 01:00 PM

السلام عليكم
احتمال الشرطه تستجيب فى دول غير مصر
و انصح بالاتى
:- استخدم الماكينات الخاصه بالصرف الفورى فى الاماكن العامه .
اختار الاوقات الغير متاخره.
لو مزنوق اوى ادخل اى شون ذا رن علشان بيبقى حواليك ناس و لو حتى الماكينه لا تخص البنك بتاعك - المهم السلامه
و ربنا ينجى الاعضاء كلها ..

**Amr Axel** · 20-11-2011 01:38 PM

كلام غير صحيح تماما و مفيش اي حاجة من ديه هنا اللي كتب الكلام ده شكله بيكلم ع بلد تانية مش هنا
انت لو غلطت في الكود الكارت بيتسحب و شكرا ع كده
وعامة دلوقتي اغلب البنوك حاطين شرطة عند الماكينات ده الواحد اول ما يروح عشان بيسحب يلاقيهم وقفوا ههههههههه
ثانيا فيه عند كل ماكينة سحب كاميرا لو حصل و انك اتثبت او تم اجبارك و مش هتقدر تقاوم اول ما تروح للماكينة تبص ع مكان الكاميرا بدون ما ياخد باله و حاول تخلي وشه باين للكاميرا و الاداة اللي بيثبتك بيها عشان يعرفوا يجيبوه و حاول في الفروع اللي دايما بتتعامل معاها تعرف مكان الكاميرا فين

و الأفضل نحاول قدر الامكان نتجنب الفروع اللي معليهاش حراسة و الأوقات المتأخرة او بدري اوي