السلام عليكم،
اولا: مجهود رائع
ثانيا: هل قمت بعمل هذه القياسات على عربيتك ولقيت الوضع اتحسن؟ وهل هناك سيارات اخرى من كيا زي البيكانتو او الريو فيها نفس العيب ولا هي السيراتو بس؟
السلام عليكم،
اولا: مجهود رائع
ثانيا: هل قمت بعمل هذه القياسات على عربيتك ولقيت الوضع اتحسن؟ وهل هناك سيارات اخرى من كيا زي البيكانتو او الريو فيها نفس العيب ولا هي السيراتو بس؟
كل الكلام اللى انا كتبته فى الموضوع و اللى حضرتك كتبته و انا ملونه بالاخضر
هو ده الحل اللى انا ذكرته و ليس هناك علاقه للدنجل او العفشه بثباتها من عدمه .
و المشكله دى كانت عندى بتحدف من فتره و رحت ظبط نيتروجين و زوايا عند بريدجستون و العربيه مبقتش بتحدف الحمد لله ,و انا بجرى 170 و اكتر على الدائرى ايام الثوره و باخد بيها غرز قطم و شديده على الدرئرى من الحاره الاولى للرابعه و عادى مفيش مشاكل و كنت بجرى جرى خوف .و غلطت غلطة سواقه (يعنى العيب منى )كبست فرامل للاخر على 170 و الدركسيون كله لافف للشمال فى وسط غرزه مميته و مقفوله .يعنى صباح القلب و التعويم و كده .و لكن اللى حصل مش كده
اللى حصل ان العربيه عملت دريفت زى نيد فور سبيد للشمال و حظى ان الدرئرى كان لافف مع العربيه فى اتجاه الدريفت ووالله كان بينى و بين السور الاسمنت اقل من نصف متر .و طبعا مكنتش فاهم فى اه اصلا .كل اللى عملته شلت رجلى من على الفرامل و البنزين و كلبشت فى الدركسيون بكل قوه .و الحمد لله لمت نفسها و ظبطت بعد اكتر من 40 متر تقريبا دريفت و السرعه نزلت ل 120 و الحمد لله .اتخضيت خضه السنين و مكنتش فاهم اه اللى بيحصل من حواليا بس كملت جرى تانى لانى كنت بجرى من الاول و انا خايف و مش مركز .
و بعدها بكام شهر من المشى فى طرق مكسره و غيرها خدت غرزه على 80 بس غبيه جدا اكتر من 100 درجه و من مكروباص و رصيف و نفق و صباح التعويم و مش عارف العيب ده كان منها و الا منى .و مره على 60 عومت و الشارع كله وقف ورايا بس دى لانى اخدت غرز تقريبا 160 درجه و من وسط عربيت و رصيف .
و الله اعلم ال 3 تعويمات اللى حصلولى بالعربيه العيب فيا انا عيب سواق و الله اعلم .لانى لا اظن ان فى عربيه تاخدهم اصلا ,و السبب ان دى اول عربيه لى اصلا .و خبرتى فى السواقه معقوله و لكن مش سوبر .
و من كتر ما العربيه كانت بتاخد غرز صعبه اوى كنت بزود عليها لحد ما ال 3 تعويمات دول حصلوا .
الخلاصه:العربيه دى ممكن تاخد بيها غرز و ثبات جامد اوى بس فى حدود معينه ,يعنى زاويه ميل الدركسيون تكون مناسبه للسرعه و دى يحس بيها السواق ,لانى عومت بيا بعد لما زودت لفة الدركسيون للاخر فى كل ال 3 حالات مع بنزين و فرامل و يمين فى شمال .
و العربيه لما كانت جديده جبت بيها 200 و 205 و غرز كمان و محصلش اى حاجه و كنت بثق فيها جدا جدا و ملفات اسكندريه خدت ملف منهم على 170 و كان فى واحد بيشد معايا من الكارته للكارته مشفش الا ضهر العربيه و اتقابلنا عند الكارته لان البنزين عندى اللمبه نورت و اضطريت اهدى جامد عشان امون , و طلع سعودى و قالى انه اول مره يشوف واحد مصرى بيسوق كده ,قبل كده .
و الله اعلم اظن ان المقاسات و الزوايه بتختلف من فتره لفتره على حسب لبست مطب او لا او عملت حادثه او لا او بتمشى فى حتت مكسره او لا ,و لازم كل فتره يتعمل مراجعه عليه او لما تلاقى العربيه بتحدف منك مثلا.
و الله اعلم
و السلام ختام
هنزل دلوقتى و هروح اسال واحد بتاع زوايا و كده عن المقاسات و كده و ربنا يسهل و هحاول ارد عليكم بليل
كلام جميل جدا يا معلم لكن كل الي حضرتك قلته ده انا شايف انه سببه العفشه و هقول لك تجربتي
انا مرصص و ظابط زوايا عند ابو حطب دا اصلا بلاقي عنده ملاكي جنوب سينا و القاهره و الاسكندريه و كل حته مشهور جدا ما شاء الله
و مغير زيت فرامل بالكامل ل SL الي بيتباع في محلات قطع غيار مرسيدس و تيل اصلي و فرد ريد استون ان 7000
اظن المفروض اني كدا دافع دم قلبي و عامل شغل جميل
في ملف علي الدائري في النصوره بعشق اخشه و العربيه عيمه لان ابله بيكون في جري و غرز كتير و اجي عنده اقول هيلا هوبا و ادخله علي الديق العربيه تحدف من ورا شويه و بعدين تظبط(احساس ممتع للغايه)
لكن العومان بمعني كلمه عومان عانيت منه كثيرا مع السيراتو الحقيقه :120146b
انا البومه كانت طبعا اخف من السيراتو بكتيييييير جدا و مكنتش اعرف اخد بيها الملفات زي السيراتو لكن الغرز و كسر الدركسيون جامد في المواقف الصعبه بيبقا عادي و لو عامت تحس ان الجمب راح و بعدين رجع مسطره
اما السيراتو فلو راح انت المكلف بأرجاعه و انت و شطرتك بقا :120146b
لان البومه علي مقصات يعني ملتي و ده افضل بكتير و هو سبب ان العربيه صعب انها تعوم و حتي لو عامت بتلم نفسها في لحظات لو مش عارف انه كتير دور في اقسام المنتدي و انت هتلاقي مواضيع بتثبت انه الافضل و هو الي عليه السفك بردو و اغلب العربيات الامامي
اما الدنجل فعلا مشكله كبيره جدا و هو السبب في ان العربيه جسمها بيميل جدا في الملفات الصعبه لان المفروض في الملفات التحميل بيبقا علي عجله و الثانيه بتحاول ترجع لكن في الدنجل بيرفع الاثنين بجسم العربيه :(
دا كلام غير علمي طبعا دا واقع عملي انا حسه
و الغريب في الموضوع ان العفشه دي هي نفسها الي بتنزل في ال2.4 ازاي نفسي اعرف انا اتفرجت علي الموتور (الحقيقه اعد ينغشش في دماغي) و علي الكوروسلي بتاعه نفس العفشه يا جماعه!!
الحقيقه اكثر حجات اشهد للسيراتو فيها فرامل و امان و امكانيات ال3 دول ما شاء الله عليها مميزه فيهم جدا
جرب تسوق لانسر شارك مع ان الوزن مقارب و حاول عوم العربيه و سوق سوقتك الي بتسقها في السيراتو هتلاقي استجابه العربيه افضل بكتير ما شاء الله
السلام عليكم
هى فعلا متفق معاك لو حاولت تخمس بالعربيه او تعمل دريفت بيها هتلاقيها عسل اوى و تمام و هتكيفك جدا فى الدريفتات اوى اوى .
لكن لو هنتكلم على اللى حضرتك عملته فى العربيه بتاعتك و كده تيل و زيت و كوتش و غيره .
ممكن ياثر بنسبه و لكن مش هيميل الكفه طبعا ,لان فى مشكله فى العربيه و حلها زى ما انا قلت و زى ما الناس اللى صنعينها قالوا ,زوايا و اتزان و ضغط كوتش .بمقاسات معينه .
هرد على حضرتك بكلمه مفيده
الزوايا و الاتزان اللى حضرتك عملتهم مقاسات قديمه و غلط .
لانى لسه راجع من عند واحد جامد جدا بتاع زوايا و اتزان و قالى لازم تتعمل فى التوكيل و هو راجل عنده ضمير
ليه بقى : اتفرجت على المقاسات اللى عنده على الكمبيوتر للسيراتو 2009 و لقاتها مختلفه فى اغلب المقاسات .فى حجات اختلاف بسيط و حجات فرق شاسع .
يا ريت حضرتك تكون فهمت قصدى .
يعنى حل المشكله واضح:
تظبط زوايا و اتزان بالمقاسات اللى مصنع كوريا قال عليها و مش اى حاجه و خلاص لانها مش هتحل المشكله .و اظن النقاش اتقفل كده فى النقطه دى بسبب اختلاف الزوايا و المقاسات اللى موجوده فى السوق عند اى حد بيظبط العربيه عن اللى التوكيل نزلها كحل للمشكله دى .
يا رب اكون قدرت اوصلك وجهة نظرى .
و بالنسبه للانسر فى ناس بتشكر فيها و ناس بتشتم فيها و عمرى ما سوقتها بس ركبتها و لاحظت انها انعم من السيراتو شويه بسيطه مش كتير .
بالنسبه للثبات و كده مقدرش اقارن لان مفيش فرصه اقارن بينهم .و عموما الانسر سياره جميله و عمليه .و كل العربيات اللى فى فئتهم عربيات اقتصاديه و عائليه و ليست سيارات سباق .لو عاوز اداء و ثبات فى لانسر ايفوليوشن ب 600 الف جنيه طبعا فى فرق فى السعر و الثبات و كل شىء
و لو عاوز سيراتو جمده .فى سيراتو كوبيه رايسر .و دى سيارة سباق فقط لا غير و لا تصلح للاستخدام العائلى لانها مفيها الا كرسى السواق فقط و الباقى غير موجود و بها اجزاء كثيره كاربون فيبر و موتور 290 حصان او اكثر و تيربو و غيرها و لها عدد 2 مصنع مخصصين لانتاجها و هى ليست سياره معدله و لكنها مصممه و مخصصه للسباق فقط .و تغلبت على كثير من السيارات الرياضيه ك بى ام و بورش و غيرها مما كانوا فى السباق معها .و اظن سعرها غالى جدا مثل الايفو مثلا او اقل .
الحاجه الوحيده العمليه اللى ممكن تتعدل فى اى عربيه فى مصر هى المساعدين و العفشه .تتعدل لعفشه رياضيه متحكمه فى ارتفاع العربيه .يعنى مثلا لو مسافر العزبه او البلد او الارياف و كده و طريق مكسر و كله مطبات و عالى وواطى و اكيد هتمشى بالراحه ,هترفع ارتفاع العربيه للاخر و متهبطش حتى مع الوزن الزايد و كده متحكش فى المطبات و تكون ناعمه معاك اوى عن الاول ,و لو ماشى طريق سفر صحراوى او العين السخنه او شرم او اسكندريه الصحراوى مثلا ,تهبط العربيه و تبقى 5 سم ارتفاعها عن الارض و صباح الثبات و كده و كده هتكون انشف بكتيير عن الاول .
و الله اعلم
و السلام ختام
موضوع قيم ومفيد جداَ .. بارك الله فيك
أنا عندى المشكلة دى فى الكارينز دايما بتحدف شمال ومستنى توكيل القطامية يفتحوا خدمة ضبط الزوايا ...
حتى انى قلت لهم أعملها بره .. قال لى (مش أى حد بره ها يعرف يضبط خلوص الزوايا) ... أنا ما فهمتش قصده ايه ... بس ها ستنى وخلاص
وشكراً لك على هذه المساهمة القيمة فى المنتدى
طب الوككيل مش بيقوم بموضوع ظبط الزوايايا ده
سيارتي فيها نفس المشاكل وحجرب ونشوف على كل حال شكرا جزيلا للاهتمام