الموضوع: السيراتو بتاعة والدي إتسرقت

المشاركة الأصلية كتبت بواسطة yasserelsayad

الكلام اللى كاتبه كله انا قصده تماما وفاسق مش عايدة عليك ومش معناها فاسق بالمعنى الحرفى واقرى تفسير الاية عشان تفهمها
وبعدين انا مكنتش بكلمك انت لوحدك .. دا كلام عام لكل الناس
ومحدش قال ان العربيات مش بتتسرق بس مينفعش نقول اتهامات وخلاص
والتوكيل كان قال قبل كدا ان مفيش حد من عنده اتقبض عليه بس انا مش فاكر كنت قريت الموضوع دا فين .. وبعدين انت عارف الصحافة عندنا زى الفل يعنى ما بيصدقوا يلاقوا اى نصيبة عشان يتكلموا عليها حتى لو من غير ما يتأكدوا.

المفروض لو الموضوع دا فعلا حصل الناس دى يتقال بتشغل ايه فى التوكيل وايه مركزها ومسموح لهم يستخدموا ايه او ليهم access قد ايه للمعلومات .. وتقال اسمهم ويتحط صورهم كمان زى اى خبر اكيد بنشوفه.

اللى بزعل منه ان واحد يبقى مثلا بيشكر فى التوكيل او العربية واول ما يحصل حاجة تلاقى كل الضيق والزعل يبان وكلام غريب على العربية يتقال عمرنا مسمعناه منه قبل كدا او على التوكيل عامة.

ومتنكرش ان فى ناس اتهمت التوكيل والشركة الام كمان بتسريب الماستر كى.

وكل العربيات عندنا بتتسرق مفيش فرق ومفيش اى وسيلة تأمين كافية لو الحرامية دول ناس professional يعنى .. احنا بس بنعمل اللى علينا والباقى على ربنا.

كلامك كله على عينى و على راسى بس من غير دليل .انا جبتلك خبر من اليوم السابع يثبت كلامى .
و انت مجبتش خبر النفى و انا مسمعتش عنه بصراحه ,بس ممكن ادور عليه .و انا مشتمتش فى التوكيل و لا العربيه . بالعكس انت عارف كويس احنا هنا بنحب العربيه اد اه و بندافع عنها ,و كل كلامى بالدليل و مبفتريش على حد نهائى ,
و كلمتك اللى بتقولها انك تقصد كل كلمه قولتها ,و انى اقرا تفسير الايه , بردو بتهاجم و انت مش واخد بالك .
احب اقولك اقرا سبب نزول الايه .
عشان تفهم معنى فاسق كويس جدا .
و للاسف مش هكمل المناقشه تانى ,عشان شايف فى حده فى كلامك ,و انفعال شديد و عدم قراءه كامله و صحيحه لكلامى و التشكيك فيه كمان .

و للاسف انت موصلتش للى عوزين نقوله ,و مسكت فى حاجه وهميه انى بشتم فى التوكيل او العربيه و ده محصلش و راجع كلامى .
اللى عوزين نقوله ,معرفه المشكله نصف الحل ,
بمعنى لما نعرف العربيات بتتسرق اذاى و اللى هى كل الكورى و اليابانى و غيرهم . ممكن نبتكر طريقة تامين جديده .
يعنى نلاقى حل او مجموعه توصيات نتجنب بيها سرقة عربياتنا او تعريضها للسرقه .
يعنى مثلا كان فى عضو كاتب شوية نصايح زمان قبل الثوره لحديثى تعليم السواقه .منها:
اركن فى مكان مكشوف و تحت عمود نور و متركنش فى حته مظلمه او مفيش عليها رجل .و كمان متركنش جنب مطب او حفره .و لما تركن تركن و كل العجل عدل و باصص لقدام ,و عدم الركن على الاماكن المائله كالرصيف و غيرها.
و المواقف دى كلها عدة عليا و فهمتها مع انى معملتهاش .
يعنى مثلا كذا مره الاقى واحد راكن عربيته جنب حفره او مطب بلاقى العربيه محكوكه جامد من الجنب ده ......
الركن فى مكان مكشوف . مره وحده بس فى حياتى ركنت العربيه من شهر تقريبا فى حته هاديه جدا و شبة مظلمه و دخلت اشترى طبق حلويات , و خرجت لاقيت واحد بيحوم حوالين العربيه ......... و عملت اكنى بشيك على الانزار قعد يبص حواليه ملقاش حد الا انا و قعد يبصلى و لما قربت عمل نفسه عبيط و اكنه كان بيبص على جنط عربيته و بيفركه بايده . و مش مشى مره وحده و اختفى , و هنا فهمت الغلطه اللى عملتها انى ركنت فى مكان غلط بيسهل عملية السرقه .و من ساعتها و انا مركز على اد ما اقدر انى اركن فى مكان فيه سايس او حارس او جراج بغفير .
و عربيه قرايبى سيراتو بردو من كتر ركنتها فى حتت مايله جامد لفترات طويله جدا جدا السوسته الخلفيه الشمال باظت و عوزه تتغير . و دى اهمية انك تركن فى حته مستويه .
و مثلا لسه الشهدى مفهمنى معلومه جديده , كنت فاهمها غلط , كنت اشتريت كلبش للدركسيون و فى حد قالى انهم بيقصو الطاره و كده خلاص ملوش لزمه الكلبش .و حسسنى انى رميت فلوسى فى الارض +حسره جمده و عدم طمانينه .الشهدى رد عليا ووضحلى ان الموضوع ده اتناقشو فيه من زمان و ان الطاره من جوا فيها حديد و مبتتقطعش . يا ريت النقاش يكون بالطريقه دى و يا رب يرد لكل واحد ضالته

و يرجع للناس حقوقها ,و يصلح احوالنا كلها .

يا ريت كلنا نتناقش مع بعض عشان نفيد بعض .و بلاش نتخانق مع بعض على الفاضى و من غير فايده .
و مش لازم نجيب ايات قرانيه و نعمل شويه كلام و نقول اقرا التفسير و كده , و قبل ما تعمل حساب لنفسك اعمل حساب لغيرك , و نحترم بعض ,عشان نقدر نفيد و نستفيد .

و بلاش الاصرار على الهجوم من وجهة نظر وحده , و ارجوا تقبل النقد و الراى و الراى الاخر .