تم دفع اقساط العربية وتم رفع حظر البيع ولكن..

**micromoud** · 16-11-2011 02:49 PM

عربيتى كان عليها أقساط وتم سدادها بحمد الله وتم رفع الحظر وتم تجديد الرخص ودلوقتى السؤال خاص بالبنك انا بعد ما دفعت الاقساط طلبت مخالصة والشيكات ولقيت معاهم التوكيل المعمول للبنك وكان مكتوب عالتوكيل "لايلغى الا بحضور الطرفين" ولما طلبت انى الغى التوكيل قالولى فى البنك انه انا معايا اصل التوكيل وحضر البيع اتلغى اذن التوكيل ملهوش لازمه وانى مقلقش من الموضوع ده انا عاوز أعرف من حضراتكم التوكيل دا فى منه خطر ولا لا

**romieh** · 16-11-2011 03:27 PM

لازم التوكيل يتلغى فورا

لان البنك ممكن فى أى وقت يروح الشهر العقارى يعمل صورة طبق الاصل من التوكيل ويستخدمه عادى جدا

**micromoud** · 16-11-2011 03:46 PM

شكرا لرد حضرتك بس انا عاوز اعرف هما ليه بيطمنونى؟؟ ويقولولى ان التوكيل مش له لازمه وان البنك ميقدرش يعمل حاجه ولما اجى المح انه ممكن البنك يبيع العربيه لنفسه الاقي موظفة خدمة العملاء بتبتسم وكأن الكلام اللى بقوله غير منطقى أصلا؟؟

**Ahmed Selim** · 16-11-2011 05:48 PM

هو غير منطقى لسبب واحد أن مفيش بنك هيعمل كده

مش مستاهلة بالنسبة للبنك......و حتى لو مستاهلة أنت معاك مخالصة ممكن ترفع بيها قضية على البنك.

بس علشان تستريح روح الفرع و أطلب مقابلة مدير الفرع و كلمه أن المفروض زى ما أنت ألتزمت بدفع الأقساط فى مواعيدها و تسليم الورق اللى البنك أحتاجه ساعة لما أخدت القرض المفروض هما كمان يلتزمو معاك بإلغاء التوكيل.

**A.Saad** · 17-11-2011 10:15 PM

البنك هيكسل لان المفروض محامى هييجى معاك الشهر العقارى

صعد الموضوع
مدير الفرع
مدير المنطقة
التفتيش

**Donzi** · 04-12-2011 02:48 AM

المشاركة الأصلية كتبت بواسطة wama00

نصيحة منى لازم تلغى التوكيل ,هو صحيح مش هيعمل كدة ويبيع العربية ولا حاجة لكن انك دفعت اقساطك ليه ما تاخدش حقك بقى
اتكلم معاهم بحدة وهما هيبعتوا معاك محامى ويلغى التوكيل

+111111111111111

هوا فعلا البنك مش هايعمل حاجة ضدك بس دا حقك و لا يصح الا الصحيح

**icehearted girl** · 04-12-2011 07:35 PM

انا مش هفيدك وجودي زي عدمة

اناداخلة اقولك مبروك..انتم السابقون

**WalidAdel** · 04-12-2011 07:51 PM

المشاركة الأصلية كتبت بواسطة ahmed a.maksoud

هو غير منطقى لسبب واحد أن مفيش بنك هيعمل كده

مش مستاهلة بالنسبة للبنك......و حتى لو مستاهلة أنت معاك مخالصة ممكن ترفع بيها قضية على البنك.

بس علشان تستريح روح الفرع و أطلب مقابلة مدير الفرع و كلمه أن المفروض زى ما أنت ألتزمت بدفع الأقساط فى مواعيدها و تسليم الورق اللى البنك أحتاجه ساعة لما أخدت القرض المفروض هما كمان يلتزمو معاك بإلغاء التوكيل.

+1111111

فعلا البنك مش بيهتم يدي ورق للعميل الا لو كانت شيكات لانه كده كده مش هايعمل بيها حاجه و حتي لو عمل حضرتك معاك ورقه انك مخلص و دافع الاقساط و الحذر متشال لو قدمتهم هايبقوا قصاد التوكيل اللي معاهم و اللي بالتالي تقدر ترجع عليهم بالتعويض لو استخدموها و الله اعلم طلامي ده اجتهادي من خلال تعملي مع البنوك و كده ليس اكثر