حد جرب الجنوط 18 فى كيا سيراتو

السلام عليكم ورحمه الله وبركاته

kia cerato 2010 Gulf Specs

العربيه واطيه جدا جدا وخاصه لو حد راكب فى الكنبه اللى ورا

وبتحك فى اى مطب من الناس عمليناها حتى لو اخدته بالجنب ومعظم طريقى من البيت للشغل بمر فى طرق اسفلت لكنها بين قرى فالاهالى بيبقوا عاملين مطبات وفى مطب غبى عملاينه بتوع الشرطه امام القسم

فرحت ورشه رفع العربيه من الامام 10 سم ومن الخلف 3 سم

الجنوط اللى فى العربيه 17 بتاعت العربيه وبتوع الورشه بيقولوا ينفع يركب لها 18 هترفع العربيه عن الارض اكتر فهل حد جربها

لانه مفيش حل يا طريقه لرفع العربيه 5 سم كمان ع الاقل او انى ابيعها وادور على عربيه عاليه عن الارض

السلام عليكم
حضرتك اخطات بتزويد ارتفاع العربيه .كده هتقلل من ثباتها جدا .
لو عاوز تعلى العربيه و تزود الثبات متغيرش الجنط
غير العفشه .و هات عفشه d2 و تكون فيها تحكم فى ارتفاع العفشه .يعنى بتعليها مانيوال عادى جدا قبل ما تروح الارياف و مش هتهبط من الاوزان او غيره و هتكون حلتلك مشكلتك و مش هتحك فى اى مطب باذن الله .
و لو هتسافر صريق مفيهوش مطبات او غيره ممن تقلل ارتفاعها فى السفريه او المشوار ده و لما تيجى داخل منطقة مطبات ابقى عليها تانى .
فى من العفشه دى مانيوال و فى منها كهربا
بمعنى انك لو عاوز توفر هتعلى العفشه من زرار فى الكبوت يعنى لازم تقف و تفتح الكبوت و تعلى او توطى زى ما نت عاوز .
انما الكهربا بريموت بتعلى او توطى و ان فى العربيه من جوا عادى و انت واقف او حتى ماشى
و الله اعلم
و السلام ختام

يعنى ايه عفشة d2

d2 نوع عفشه سبور زى الكونى و المنرو و كده بس ده احسن نوع دلوقتى على الاطلاق و الله اعلم .

بكام العفشه دي؟

اقتباس:

---

المشاركة الأصلية كتبت بواسطة medo111

بكام العفشه دي؟

---

ممكن توصل ل 1000 دولار غير الشحن و الجمارك
بس من الاخر حاجه رهيبه جدا .
SupeRich Motors | Car Accessories | SUV Accessories | Truck Accessories

SupeRich Motors | Car Accessories | SUV Accessories | Truck Accessories

طبعا انا راى انك متصرفش لا فى تعديل ولا غيره انت ترتب نفسك انك تبيع وتدور على عربيه عاليه وتخلص
عندك العربيات اللى من الصعب انها تحك
اعتقد الفلونس مرتفعة
لو ميزانيتك تستحمل دور على الاسبورتاج اول فئه
مشمستحمله عندك على ماعتقد التيدا وبصراحة اريح وامتن وانعم وتوكيل افضل من السيراتو بصراحة
وتقدر تدور على حاجة استعمال خفيف وكيلو قليل وفبريكه بره وجوه وطبعا تكشف فى التوكيل
لو الزمن كان يرجع لوره شويه كنت دورت على كرولا الشكل القديم من 2004 ل 2007 والعربيه دى بصراحه جيب فى صورة سيدان ونعومه ووسع وسحب وتكييف وارتفاع مالوش حل مع جنط 16 وانسى الدنيا
بصراحة موضوع المطبات ده بقى مقرف جدت
انا قاريبى ساكنين فى كفر الشيخ بصراحه بشوف مطبات معمولة من الاهالى دى مش مطبات دى سدود والله بتقطم العربيه (الله يهديهم)
وربنا معاك

شكراً ليكم يا جماعه ع الردود انا عليت العربيه بهويات او حاجه زي كدا كان فيها واحده تحت المساعدين ركبت واحده تانيه وجبت فردتين ميشلان للعجلاتين امامى والمشلان فى المقاس ده سمكه اعلى شويه فده عطانى الارتفاع ده

moha4tec مصاريف بمصاريف حضرتك العفشه لحد ما توصل وتركب تدخلها ب10 الاف جنيه 10 ب10 اجيب شروكي افضل واهه برده تمشى معاي فى الجبل لان مجرب كاميرى 2010 وهوندا اكورد 2011 خليجي برده لكن بتوع اصدقاء نازلين اجازات وواحد صاحبى عنده كورولا 2011 هاى لاين بيعانى من نفس المشكله بصراحه اللى بتسد فى الموضوع ده ال405 لكن دى بيركبها الحج فى نفس المشوار

لان المطب رفيع وارتفاعه حوالى 10 الى 15 سم كحد ادنى بيعملوا مطبات بطريقه غبيه حتى مطبات مجلس المدينه بنفس الشكل من الغباء انى شفت واحد بيصب مطب خرسانه وعامله لوحين خشب فوق بعض والمطب مربع مفيش فيه اى دورانات لحد ما الواحد فقد الامل

وانا بصراحه عاجبنى الكيا سيراتو اما عن الثبات كدا كدا العربيه مش ثابته ع الطريق وخاصه فى الملفات على سرعات عاليه لكن مصاريف بمصاريف يبقى اغير افضل واجيب حاجه عاليه على ابوها زى ما قال الاستاذ memo823000 ع الاقل لما اجى ابيع مخسرش كتير

شكرا ليكم

حضرتك ممكن توضحلنا ازاى الورشه قامت بتعلية العربيه

انا مركب جنط 18 تحس ان عربية مختلف تماما

يا جماعة مين قال ان السيراتو الكوبية مش ثابتة

اقتباس:

---

المشاركة الأصلية كتبت بواسطة mazen_kamar

انا مركب جنط 18 تحس ان عربية مختلف تماما

---

مختلف ازاى يعنى للاحسن و الا الاوحش
و يا ريت تقولنا عامله معاك اه فى الثبات قبل و بعد ,و هل نشفت عن الاول و الا لا .و تقريركامل لو سمحت و مقاس الكاوتش و نوعه
و نكون مشكورين جدا ليك

اقتباس:

---

المشاركة الأصلية كتبت بواسطة mazen_kamar

يا جماعة مين قال ان السيراتو الكوبية مش ثابتة

---

يا ريت تقرير كامل عنها بالصور لو تقدر و مشكور جدا جدا

اقتباس:

---

المشاركة الأصلية كتبت بواسطة moha4tec

حضرتك ممكن توضحلنا ازاى الورشه قامت بتعلية العربيه

---

هاحاول اشرحلك بس انا مش خبير

بيبقى فى بين المساعد والعربيه قطعه كدا جلد ارتفاعها حوالى 2.5 الى 3 سم

العربيه كان فيها واحده فى كل مساعد انا زودت واحده كمان والمكانيكي قالى يقدر يزيد كمان واحده بس انا خفت العب فى العربيه فقلت لا كدا كفايه

مقاس الجنط عندي 225/45/17

الكاوتش اللى كان فى العربيه بتاع بلادها ما بين الارض والجنط حوالى 3 سم اللى هو سمك الكاوتش نفسه غيرت العجلتين اللى قدام لمشلان سمك المشلان اكبر بحوالى 5 سم عن الكورى اللى كان فى العربيه

طبعا غيرت العجلتين اللى قدام الخلاصه ان العربيه ارتفعت من الامام حوالى 7 الى 10 سم

ومن ورا تقريبا 3 سم

وبطلت تحدف

اقتباس:

---

انا مركب جنط 18 تحس ان عربية مختلف تماما

---

ممكن تقولنا الاختلاف ده للافضل او للاسوء وفين الورشه اللى ظبط العربيه مع الجنوط الجديده فى حالة الافضل

لان جديا كنت بفكر ابيع واجيب شروكي 2002 او 2003

اقتباس:

---

المشاركة الأصلية كتبت بواسطة dem0

هاحاول اشرحلك بس انا مش خبير

بيبقى فى بين المساعد والعربيه قطعه كدا جلد ارتفاعها حوالى 2.5 الى 3 سم

العربيه كان فيها واحده فى كل مساعد انا زودت واحده كمان والمكانيكي قالى يقدر يزيد كمان واحده بس انا خفت العب فى العربيه فقلت لا كدا كفايه

انت كده حطات علايه كوتش و ده مش كويس عشان المساعد مش هياخد راحته .و هيقلل الثبات لان ارتفاع العربيه زاد كتير .

مقاس الجنط عندي 225/45/17

الكاوتش اللى كان فى العربيه بتاع بلادها ما بين الارض والجنط حوالى 3 سم اللى هو سمك الكاوتش نفسه غيرت العجلتين اللى قدام لمشلان سمك المشلان اكبر بحوالى 5 سم عن الكورى اللى كان فى العربيه

طبعا غيرت العجلتين اللى قدام الخلاصه ان العربيه ارتفعت من الامام حوالى 7 الى 10 سم

يا ريت سعر الكاوتش كمان ربنا يجازيك خير ان شاء الله

ومن ورا تقريبا 3 سم

وبطلت تحدف

بطلت تحدف فى مفصلات الكبرى مع الملفات و الا فى الطوالى و الا مع عيون القطط و الا مع مطبات الهوا و الا مع كل ما سبق .

ممكن تقولنا الاختلاف ده للافضل او للاسوء وفين الورشه اللى ظبط العربيه مع الجنوط الجديده فى حالة الافضل

لان جديا كنت بفكر ابيع واجيب شروكي 2002 او 2003

---