لأ ياجماعة مفيش تغيير لوح فى كل تجديد ... دة موضوع قديم كنت عملة ونقلت الخطوات بس ...تجديد اللوح اول مرة بس
عرض للطباعة
لأ ياجماعة مفيش تغيير لوح فى كل تجديد ... دة موضوع قديم كنت عملة ونقلت الخطوات بس ...تجديد اللوح اول مرة بس
للأسف مضطر اروحه تانى لانى اكتشفت ان تجديد التصريح قرب يخلص لتانى مرة ... مع انى مجدد لسنتين لاكن نقول ايه بقى .
مع ان اخر مرة جددت ربنا كان مسهلها على الأخر ... بس لازم يسيبوا بصمة منيلة الا وهى انهم ادونى تصريح لثلاث شهور مش فاكر ليه .
وللأسف خلصم ورحت تانى وبعد وقفة وقرف عملت مشكلة انا و2 كمان وطلعنا على رئيس وحدة المرور وكان راجل محترم وادانا 3 شهور تانيين من عنده .
وللأسف برضوا خلصوا ومضطر اروح الأيام اللى جاية علشان أخد الرخصة الكمبيوتر واغير النمر للسنة والنص المتبقيين .
آما بالنسبة للأخوة اللى وصفوا مرور السلام ... يا جماعة اتقوا الله .
ده مفيش كلام فى قواميس الألفاظ اللى يعاقب عليها القانون ... تقدر تعبر عن مدى سوء مرور السلام .
معادنا بكرة .. معركة جديدة مع المرور .. يارب اخلص بقى
النهاردة روحت المرور تاني ياجماعة بدري اوي يعني اول مابدأو يرشو مية قدام المرور كانت الساعة تقريبا 7 ونص الصبح
خلصت بقيت الاجراءات بسهولة غريبة واتمنيت ان المرور يبقى كدة علطول
مفيش نص ساعة لقيت زحمة رهيبة طبعا وسلمت الرخصة القديمة وكنت مستني الجديدة واستلمتها الساعة 11 ونص
طبعا لفت نظري حاجات كتير بداية من الموظف الغبي اللي اخره معاه ابتدائية مش عارف يقرا الاسامي واخر مازهق قعد شوية ينده بارقام العربيات (غبي اوي)
الناس اللي زي حالاتي مستنين كانو في منتهى خفة الدم بصراحة لدرجة ان واحد كان بيبرطم ويقول هيا الثورة عملت ايه وفين الثورة دي اللي اتعملت وقعد يشتم في الثورة .. راح واحد بكل شجاعة رد عليه وقالو انتو كل حاجة تجيبوها على الثورة؟؟ الثورة شالت راس الفساد الكبيرة ومحتاجين شوية وقت علشان الجزور تنضف
كمان لفت نظري الصورة دي متعلقة على الحيطة
http://up12.up-images.com/up/viewimages/62ae58ca2a.jpg
طبعا مقولكوش على كمية الضحك اللي ضحكتها اول ماشوفتها والناس افتكرتني مجنون
تحياتي والله يكون في عون اللي هيروح يجدد الايام دي
موضوع في وقته بصراحه خصوصا ان عندي تجديد وفحص الشهر اللي جاي ربنا يولع فيهم بجاز
عارفه انا الواد العسكري ده
اسمراني وقصير شوية وجسمه عريض
ده الناس بتعمل معاه ايه ؟
واحد بيتبرع وياخد منه الرخص اول لما يوصل للتنده وهو ينده على الاسماء
بالنسبة بقى لليفطة دي كأنها غير موجودة
اي حد يلاحظ كمية النصب والمشاكل اللي موجودة بسبب ناس مجهولة بتعرض خدماتها وتنصب على المواطنين
ورغم ذلك الناس مش بتقتنع وعلني ياباشا قدام المرور وجوه المرور
الاغرب من كده انه الشرطة هناك سايباهم ولا كأنهم شايفنهم
عايز تخلص مرحلة في مرور السلام انا قلت الكلام ده قبل كده يبقى اول واحد تدخل مرور السلام
هقولك على معلومة هتزعلك
انت عارف انت ليه قعدت لحد الساعة 11.30 مع انك جاي الساعة 7.30
ببساطة لان المراجعين ميعاد حضورهم الساعة 9 وعلى مايبدأو شغل طبعا بعد لما يفطرو ويشربوا الشاي تبقى الساعة 10 على الاقل
مهو برضه والله معزور مهو كل يوم بيقعد يراجع ملفات بدون رحمة ولا مكان آدمي لحد الساعة 6 مساء
حسبي الله ونعم الوكيل في ده نظام عقيم على الموظف والمواطن
مانا توقعت حاجة زي دي ياباشا
يلا نعمل جروب على الفيس بوك بالمشاكل دي
ونطبع شوية ورق نحدد فيها اهداف الجروب وكمان اسباب الجروب وميعاد الاعتصام قدام الدراسة وانا مستعد اطبع الورق واوزعه هناك في المرور بنفسي علشان نجمع اكبر قدر من الاصوات والاشخاص
الله المستعـــــــــــــــــــ ــــــــــــان
كفاره يا معلم
اللى اعرفه ان اللى يخش هناك و يطلع سليم يبقى من الاحرار يا على