تعديل قانون المرور بمصادرة الموتسيكلات و"التوك توك" غير المرخصة

الخبر ده انا قرأته من شويه على اليوم السابع:

"وافق مجلس الوزراء فى اجتماعه اليوم الأربعاء، برئاسة الدكتور عصام شرف، على تعديل قانون المرور، ويقضى التعديل بالسماح بمصادرة الدراجات النارية ومركبات "التوك توك" لكل من قاد أحدها دون الحصول على رخصة تسيير أو رخصة قيادة.
وناشد مجلس الوزراء فى بيان له اليوم، حائزى هذه الدراجات النارية ومركبات "التوك توك" غير المرخص بها التقدم خلال 30 يومًا من تاريخ سريان هذا القانون لإدارات المرور المختصة لتوفيق أوضاعهم القانونية للحصول على التراخيص اللازمة لتسيير أو قيادة تلك المركبات وفقا للإجراءات والقواعد القانونية المتبعة فى هذا الشأن.

وأشار البيان إلى أنه بالنسبة للدراجات البخارية أو مركبات "التوك توك" المضبوطة والتى لم يتم توفيق أوضاعها القانونية خلال المدة المذكورة تصبح ملكًا للدولة بغير حاجة إلى حكم يصدر بذلك."

هل من الممكن شوارعنا تبقى من غير توك توك وموتوسيكلات مش مترخصه؟!
هل القرار ده قابل للتطبيق؟!
هل دى بدايه لانضباط الشارع ؟؟

ياااااااااااه ... أخيرا.
دي أول خطوة عالطريق الصحيح .. بس ياريت يقدروا عليهم وينفذوا الكلام ده بجد.

اقتباس:

---

المشاركة الأصلية كتبت بواسطة ahmedhawas

ياااااااااااه ... أخيرا.
دي أول خطوة عالطريق الصحيح .. بس ياريت يقدروا عليهم وينفذوا الكلام ده بجد.

---

فعلا المهم التطبيق عشان ميبقاش كلام على ورق

يامسهـــــــــــل

يااااه بعد طول انتظار واتمني يكون كلام حقيقي والقانون يتعمل بيه او التعديل ده ونبطل نشوف اطفار ورا ديروكسيون الموتوسيكلات سواء كانت عاديه او توكتوك

مش هما قالو التكاتك هتخرج برة القاهرة والجيزة ولا انا كنت بحلم؟

افلحوا ان صدقوا

ونسيوا التروسيكل ولا ايه ؟

مش المهم اصدار قرار .... المهم تنفيذه وبصرامه

اقتباس:

---

المشاركة الأصلية كتبت بواسطة Elawany13

افلحوا ان صدقوا

ونسيوا التروسيكل ولا ايه ؟

مش المهم اصدار قرار .... المهم تنفيذه وبصرامه

---

+1 :Ta_clap[1]:
سبحانك اللهم وبحمدك ، أشهد أن لا إله إلا أنت أستغفرك وأتوب إليك

تكتك برخصه او بدون فهو له ثقافه قذره خاصه فى القياده فعندما ارى تكتك وكأنى ارى عفريت

يارب
بس انا مش متفائل :)

ولا هيحصل اى حاجة, انا ساكن فى المقطم يوم لما المحافظ طلع المقطم واصدر القرار ان التكاتك متمشيش فى القاهرة, يومها بليل بعد ما المحافظ مشى التكاتك رجعت زى ما كانت بالضبط وكانت بتمشى من قدام قسم المقطم عادى جدا وساعات عكس الطريق كمان قدام القسم, طبعا مش محتاجين نقول ان المصيبة اللى احنا فيها دى بسبب الى دخلو التكاتك دى البلد اصلا وقبضو جمركها وهيا مبتترخصش, بس طالما قال انه يشيل التكاتك كلها من القاهرة والجيزة اعرف ان القرار مستحيل يتطبق والناس دى عايشه فى الوهم, فى كام توك توك عندك فى القاهرة بس عشان يعرفو يسحبو كل الكميات دى, وكام صاحب توك توك هيتخانق وهيعترض, ده لو جابو اصحاب التكاتك دى فى القاهرة بس, هتلاقى عددهم اكتر من عدد الضباط اللى فى مصر, عشان القرار يبقى فعلا قابل للتطبيق يرخصوه الاول زى ما عامليين فى القليوبيه, واللى يسوق توك توك من العيال الصغيرة اللى معهاش رخص ده اللى يسحبو التوك توك بتاعه, ما لا يدرك كله لا يترك كله, انما هتعملى فيها بتاع قرارات, اسهل حاجه ان الواحد يطلع قرار وشوف بقى مين الى هينفذه, لما يكون عايز الشرطة بحالتها دى تلملك تكاتك بأكتر من عدد رجال الدارة العامة للمرور فى مصر كلها ابقى قابلنى بقى

اقتباس:

---

المشاركة الأصلية كتبت بواسطة tjp

تكتك برخصه او بدون فهو له ثقافه قذره خاصه فى القياده فعندما ارى تكتك وكأنى ارى عفريت

---

+1111111111111

نفس الكلام بتعصب لما اشوفهم سواء التكاتك او الموتسيكلات الصيني

تلاقيهم فجاءة كدة قدامك وبيحشرو نفسهم في اي حتة حاجة ترفع الضغط :019f3b~14:

انتظرو ثوره التكتك

اقتباس:

---

المشاركة الأصلية كتبت بواسطة authority973

طبعا مش محتاجين نقول ان المصيبة اللى احنا فيها دى بسبب الى دخلو التكاتك دى البلد اصلا

---

ليه هوا مش معروف !!
"غبور " يا باشا
بيستورد التوكتوك على قطعتين ويجمعهم في مصنع بتاعه في 6 أكتوبر
وده بخلاف الموتوسيكلات الصيني أو الهندي .. ده حتى لسه واخد توكيل موتوسيكل من إياهم إسمه بوكسر 150
دلوقتي في ناس بدل ما تشتري لعيالها عجل .. بقوا بيشترولهم موتوسيكلات صيني.
[/color].

المرووور شادد حيلو ع البحر جاامد لسة شايف عربية نقل تبع المحافظة محملة موتوسيكلات صينى من غير نمر و وراها ونشين شايلين عربيتين وراهم 2 توك توك متحمل ع عربية نقل تانية يا رب يفضل ع كدة