هديه لزوجتك

**M_HaFeZ** · 21-05-2008 04:46 PM

اديها هدايا فى اللذيذ
لعبه عارف ان مراتك هتحبها وهما دماغهم حلوه اوى فى الحاجات دى :)
شيكولاته
ورده
شموع بريحه Scented بس من محل كويس

اى حاجه من الحاجات البسيطه دى هتكون هديه كويسه وهتبعد عنك موضوع الشبهات الا اذا كانت هتزعل لانك بتقلل من قيمتها (نوع من النساء)

وياريت تبقى كمان الزوجه هى كمان تجيب هديه لزوجها اه من فلوسه بس تفرق وخصوصا لو حاجه بيحبها (علم مانشستر - بادج مانشستر - فوطه مانشستر - البادج بتاع العربيه بتاع مانشستر او مج مانشستر لوفى يعنى) وكده يعنى :)
طبعا ممكن تبدل مانشستر باليوفى

**Hossam_Hassan** · 21-05-2008 05:23 PM

انا حاسس ان ابو مالك هو المستهدف من الموضوع ده، ياريت يا اخوانى نتضامن معاه و كلنا نقول فى صوت واحد "مبنجبش هدايا"

الجد بقى انى مبجبش هدايا، أنا بحدد نسبة من الأرباح السنوية و المكافأت و أى دخل غير متوقع، و النسبة دى أجيب بيها هدايا، السنة اللى فاتت كانت 20% و السنة دى بقت 30%

**MTAK** · 21-05-2008 05:39 PM

المشاركة الأصلية كتبت بواسطة Hossam_Hassan

انا حاسس ان ابو مالك هو المستهدف من الموضوع ده،

جامده اوىىىىىىىىىىىىىىىىىى

فعلا سيادة لواء مخابرات حرس امن حسام باشا حسن

**Karim_Monir** · 21-05-2008 10:52 PM

المشاركة الأصلية كتبت بواسطة Hossam_Hassan

انا حاسس ان ابو مالك هو المستهدف من الموضوع ده، ياريت يا اخوانى نتضامن معاه و كلنا نقول فى صوت واحد "مبنجبش هدايا"

الجد بقى انى مبجبش هدايا، أنا بحدد نسبة من الأرباح السنوية و المكافأت و أى دخل غير متوقع، و النسبة دى أجيب بيها هدايا، السنة اللى فاتت كانت 20% و السنة دى بقت 30%

د
ايون مانا واخد باللي انك اديتلها فلوس الالباين
نييييههههههه
مراتك عارفة ده بكام ولا افتن يا سيادة اللوز

**Moh.Fahmy** · 22-05-2008 05:51 AM

انا بقي نفسي ربنا يقدرني و اجيبلها هدايا كتير و من غير مناسبة و علي فكرة الهدية اللي بتبقي من غير مناسبة بتبقي مناسبة اكتر من اللي ليها مناسبة
و كل ما بجيب هدايا اكتر فرصتي في الفوز بتكتر بمعني انها بصراحة بتغير مني علطول و تقوم جايبالي هدية بس بشرط بسيط اني اسيحلها بيها قدام اهلي و اهلها بشكل عفوي و غير مقصود
عكسي انا بقي لما بجيبلها هدية بحلفها بأنها ما تجيبش سيرة خالص عشان بعض الظروف السياسية اللي الازواج عارفينها كويس
بس بقي مشكلة الزوجات في حاجة صغيرة كده ..في اقرب خلاف تطلعلك القديم و الجديد و تفتكرك كل حاجة جابتهالك و تعايرك بيها لكن طالما بتكبر دماغك مش حتفرق معاك حكاية المعايرة دي

محمد فهمي

**Islam_galal** · 22-05-2008 09:02 AM

من غير مواعيد ثابته
أهم حاجة المفاجأه و إن الطرف الآخر يحس إنك بتفكر فيه مش بتأدي واجب تقليدي ممل

**Sameh** · 22-05-2008 09:25 AM

المشاركة الأصلية كتبت بواسطة Ahmed Samy

ها ها
ما هي بتجيب الهدية من فلوسك برضه :)

تبقى دافع و عليك هدية

هاااااااااههااااع

أحلى تعليق :)

**Hossam_Hassan** · 22-05-2008 09:28 AM

المشاركة الأصلية كتبت بواسطة karim_monir

د
ايون مانا واخد باللي انك اديتلها فلوس الالباين
نييييههههههه
مراتك عارفة ده بكام ولا افتن يا سيادة اللوز

مفيش مجال للفتنة يا كيمو، الحمد لله كله على المكشوف و باتبع مبدأ الشفافية زى حكومتنا الرشيدة، و كمان انت نسيت يوم ما ركبنا الألباين و سألتك اروح شارع الجامع ازاى، علشان ما ادخلش البيت بعلبة الألباين بس

-

الموضوع: هديه لزوجتك

LinkBack

أدوات الموضوع

عرض

-

-

-

-

-

المواضيع المتشابهه

إستطلاع: هل ترضى أن يكون لزوجتك

هديه لمن يحتاجه فقط

انظر لزوجتك من هذا المنظور

كتـــابى هديه

هل يمنعك كبرياؤك من الاعتذار لزوجتك؟

الكلمات الدلالية لهذا الموضوع

المفضلات

المفضلات

ضوابط المشاركة