هديه لزوجتك

21-05-2008 12:07 PM

بسم الله الرحمن الرحيم

بتجيب هديه لزوجتك كل اد ايه؟

يوم عيد ميلادها وخلاص
انا بسافر كتير وكل ما ارجع اجيب لها هديه
بجيب على طول هدايا فى عيد ميلادها وعيد زواجنا وعيد الحب وكل فتره علشان اجدد الحب بينا
هو انا ملاحق على المصاريف علشان اجيب هدايا كمان

هل كثره الهدايا من الزوج لزوجته تعبير حقيقى عن حبه لها ؟
والا زى ما بيجى فى المسلسلات العربى بتعتنا ان الزوج لو جاب هديه لزوجته يبقى بيعمل حاجه غلط وبيحاول يدارى عليها.

رائى الشخصى فى الموضوع ده ان فعلا الهديه مهما كانت بساطتها فهى تجدد الحب بين الزوجين وتضيق الفجوه التى تتسع يوم بعد الاخر بين الازواج بسبب الروتين اليومى لحياتنا ولا اقصد فقط الهديه الماديه بل بعض الكلمات الدافئه من الزوج لزوجته تكون افضل بكثير من هدايا باهظه الثمن يتبعها:boxing_smiley:
واحب اذكركم بحديث الرسول الكريم(ص) ((تهادوا تحابوا))

**محمد عز** · 21-05-2008 12:40 PM

واشمعنى هى ما تجبليش هدية
هوا كل حاجة الزوج
اين المساواة بين الرجل والمراة
انا اطالب مساواة الرجل بالمراة ( واناشد حروق الانسان والامم المتحده ) للعمل على مساواة الرجل بالمراة والوقوف جنب الرجل حتى يحصل على حقوقه المسلوبه

اعذرينى انى رديت الرد الساخر اللى فوق علشان اتخنقت من وسائل الاعلام اللى كل شويا واجعه دماغنا وتكلمنا على حقوق المراة وانها مغلوبه على امرها وسط الغليان الوحشين اللى هما الرجاله
لكن كلامك مظبوط ميه فى الميه

21-05-2008 01:36 PM

المشاركة الأصلية كتبت بواسطة casber

واشمعنى هى ما تجبليش هدية
هوا كل حاجة الزوج
اين المساواة بين الرجل والمراة
انا اطالب مساواة الرجل بالمراة ( واناشد حروق الانسان والامم المتحده ) للعمل على مساواة الرجل بالمراة والوقوف جنب الرجل حتى يحصل على حقوقه المسلوبه

اعذرينى انى رديت الرد الساخر اللى فوق علشان اتخنقت من وسائل الاعلام اللى كل شويا واجعه دماغنا وتكلمنا على حقوق المراة وانها مغلوبه على امرها وسط الغليان الوحشين اللى هما الرجاله
لكن كلامك مظبوط ميه فى الميه

مشكور على مشاركتك فى موضوعى
وعلى فكره انا ضد موضوع المساواة بين الرجل والمراه فى كل شىء

**Ahmed Samy** · 21-05-2008 02:38 PM

ها ها
ما هي بتجيب الهدية من فلوسك برضه :)

تبقى دافع و عليك هدية

هاااااااااههااااع

لأ بجد أنا بجيب في عيد ميلادها هدية كويسة
و عيد الحب و الفلانتاين و الكلام الفارغ ده ممكن ورده او دبدوب زي ايام الخطوبة

و عيد جوازنا باجيب لها هدية بس تكون من حاجات البيت اللي بتريحها

**mohamed_rhem** · 21-05-2008 02:52 PM

عادي علي طول بجيب ولو مجبتش هي اللي بتطلب
واهم حاجه الذهب
معرفش الستات بيحبو الذهب ليه؟؟؟؟؟؟؟؟؟؟

**MTAK** · 21-05-2008 03:05 PM

طبعا لا يوجد مساواة بين الرجل و المرأة
مش عايز اقول كما جاء فى القرأن لعدم وجود السند القوى او مش فاكر بالضبط الايات و الاحاديث او الدرووس التى تذكر ذلك
انما فاكر ان لكل واحد وظيفة معينه يقوم بها
اما موضوع الهدايا فللأسف باعترف انى مقصر فيها جدا و دى حاجة مش ظريفة ابدا
و طبعا الهدية تساعد على حاجات كتير كويسه بين الازواج

تهادوا تحابوا