انا مش خايف أزود ولا حاجة
بس أنا مش عايز أفرض سعر على حد بس عموما انا السعر بتاعى 3800 مع العلم ان الموبايل العادى سعره 4000 وده باين فى اللينك اللى انا حاطة لحضراتكوا وانا تحت امر حضراتكوا للجادين فقط
عرض للطباعة
انا مش خايف أزود ولا حاجة
بس أنا مش عايز أفرض سعر على حد بس عموما انا السعر بتاعى 3800 مع العلم ان الموبايل العادى سعره 4000 وده باين فى اللينك اللى انا حاطة لحضراتكوا وانا تحت امر حضراتكوا للجادين فقط
بالنسبه للاخوه الاعضاء اللى كانوا مصممين انى أضع سعر ؟؟؟؟ هو السعر عالى ولا أيه ؟؟ علما انى شاريه ب 4100 من شهر وده الموديل الاعلى من ال sensation العادى
المشكلة بالنسبة لى انه مكتوب عليه T-Mobile .. مبحبش الكلام اللى بيبقى مكتوب على الموبايل كده.
بالنسبه للاخ بيشوى : أعتقد فى رأى ان السعر مش عالى لان ده السعر اللى يكاد يكون معقول ليه بما ان الموبايل العادى سعر 4000 فدة سعرة المفروض نقول اعلى بتاع حوالى 500 جنيه وعلى العموم ده رأى حضرتك وانا لازم أحترمه . ويسعدنى أنى أعرف لو عايز أبيعه المفروض يبقى سعره فى حدود كام
علشان أنا كنت رافض أضع أى أسعار علشان الناس مش تتهمنى بالمغالاه . وشكرا جزيلا لرد حضرتك
بالنسبه للاخ كريم معنى ان كلمه t.mobile موجودة على الجهاز ده مش معناه ان الجهاز وحش بس دى موضوعه علشان تعرف ان الجهاز ده ممكن يشتغل على شبكات خارجيه مش محليه بس ودى شركة كبيره ومعروفه جدا بره . فصدقنى ده مش عيب علما ان الكلمه صغيره جدا يعنى مش اللى باينه اوى
وبرضه ده رأى حضرتك واحترامى وتقديرى له
وشكرا لمشاركتك
اخ فهد متزعلش منى
سوق بيع التليفونات مش هيجبلك السعر دة خالص
ربنا يوفقك فى البيع بس لو حضرتك شاريه فعلا ب 4100 بلاش تبيعه لان انت عايز سعر صعب جدا
وانت عارف التليفونات بتنزل جامد حتى لو التليفون مستعمل يومين تلاته
ربنا مش يجيب زعل ولا أى حاجة وحشة يا باشمهندس أحمد
انا معاك ان الموبايلات سوقها فى النازل دائما بس برضه فى موبايلات سوقها فى الطالع وبعدين موبايل زى htc أعتقد ان مش كل الناس بتشتريه علشان اقولك يرخص او سعره يثبت ده لانه موبايل بينافس الاى فون وطبعا الناس مش هتفرق معاها لا htc أو i phone لان الناس عايزة السعر اللى على قد أيدها يعنى كبيره اوى 1500 او 2000 علشان بيخافوا لا يتسرقوا علشان كده ناس معينه بس اللى تلاقيها شايله الموبايلات الغاليه دة عموما شكرا لرد حضرتك ولو تسمحى لى ممكن أعرف سعره كام دلوقتى يعنى ممكن يجيب لحد كام
الموبايل ده يا جماعة جامد جدا بس وسعره فعلا بيكون غالى وده نازل حصريا فقط لشركة تى موبايل الامريكية بس بيشتغل على جميع الشبكات وكمان لو نزل منه للسوق بيكون اقل شوية فى الامكانيات واليعرف ال htc hd 2
هيعرف الفرق بين العادى وال تى موبايل لانه اقوى فى الامكانيات
موفق فى البيع انا كنت ممكن اخده منك بس للاسف مش هستغل ال4g فى شئ
شكرا أخى عز الدين على ذوقك وردك .. وربنا يسهل فى بيعه لانى فعلا مش محتاج كل الامكانيات دى
استاذ فههد
هو التليفون عامل اية مع حضرتك يعني استعمالة سهل ولا معقد
و الجهاز سريع ولا بيهنج و الكاميرا كويسة ياريت تشرح تجربتك
وشكراااا