الموضوع: انا خبط عربية و انا اللي غلطان

انا يا باشا عملت حادثه مره بسبب حد راكن على الطريق برضه بس هو كان طالع ولا كان فيه ايه انا لحد دلوقتى مش عارف ايه الى حصل والحادثه دى حصلت ازاى
عربيتى النترا برضه ماشى فى امانه الله وورايا عربيه لانوس جديده 2010 احنا الاتنين ماشيين فى اليمين قام جاى واحد سكودا ربنا ينتقم منه بدعى عليه كل ما افتكر طاير وقام عامل غرزه ادامى وضرب فرامل فجأه كل ده فى ثوانى انا ضربت فرامل وخلاص هلبس فيه لقيتنى لابس فى لانوس تانيه كانت على اليمين وجبتله العربيه من اول الشنطه لحد الرفرف الادمانى والعربيه بتاعتى لفت فى نفس الطريق وهى بتجيب العربيه من اولها لاخرها والى ورايا طبعا لبس فيه ودمرلى الاكصدام الورانى
طبعا صرف اكتر من 10000 جنيه رفرف جديد واكصدام وفانوس ومساعدين و مقص وحاجات كتير
المهم انا اول ما نزلت لقيت بتاع الانوس الى كان راكن قاعد يجعر وانت وانت انا كنت مذهول العربيه كانت لسه جديده ومدمره قلتله حد يركن على يمين الطريق برضه مفيش فايده والناس كلها جايه تكلمه وتقوله انت الى غلطان وهتصلح العربيتين الى انت سبب فيهم قال ماليش دعوه وهو الى هيصلحولى العربيه لقيت الى بيتكلم فى صفى قام قايله يعنى انت مش غلطان قام قايله لا قام قايله طيب انا وكيل نيابه بلقاس يا تيت التيت وكان فيه عسكرى موجود قاله اعمل محضر بالى حصل اول ما بتاع الانوس سمع الكلام ده انا اسف وانا وانا وانا و عدت
فهى البلد دى كده شعب فوضوى الى تلاقيه راكن صف تانى وتالت و الى قافل شارع والى والى ومش عاجبهم حسبى الله ونعم الوكيل