يا جماعة انا محتار بين جولف 5 ولا هوندا سيفيك 2008 وعاوز اعرف كل حاجة عن العربيتن من حيث
1- الموتور وكام حصان
2- الفتيس و اداء العربية
3- الثبات
4-قطع الغيار
5- التوكيل
وشكراا
عرض للطباعة
يا جماعة انا محتار بين جولف 5 ولا هوندا سيفيك 2008 وعاوز اعرف كل حاجة عن العربيتن من حيث
1- الموتور وكام حصان
2- الفتيس و اداء العربية
3- الثبات
4-قطع الغيار
5- التوكيل
وشكراا
اة يا جماعة محدش رد علية له
بصراحة مقارنة صعبة ... العربيتين بحبهم جداً .
جولف جولف جولف
عربية جامدة جدا جدا .. واختيار موفق جدا وانا بفضلها عن السيفيك بصراحة
الجولف احسن في كل حاجة ما عدا الموتور لان اللي بتنزل هنا مش tsi ولا gti
طيب يا جماعة بردوة لسة محتار هوة المبلغ 115 ان شاء الله
طيب قطع الغيار يا جماعة الناس بتقولى قطع غيار الهوندا نااااااااااار الكلام دة مدى صحته
عشان تريح نفسك اى عربية هتدخلها فى مقارنة مع السيفيك باستثناء ( البى ام والمرسيدس ) هتلاقى كفة السيفيك هية اللى بترجح لان السيفيك فيها كل حاجة قوة متانة ثبات اداء جودة خامات قلة اعطال معمرة مش هتعرف تتطلع فيها غير ثلاث عيوب بالعدد ودة موجود فى كل فئات السيفيك من اول الجيل الرابع ومافيش غيرة ( انخفاض العربية - قطع غيار غالية - السقف واطى شوية من الخلف ) غير كدة صدقنى مش هتلاقى
الجولف ممتازة كعربية لكن كمحرك مافيش طبعا ضعيف مش قوى بالنسبة للسيفيك , شكل السيفيك اشد
قطع غيار الجولف اغلى على فكرة , الانخفاض يمكن الجولف اعلى حاجة بسيطة , الكماليات السيفيك اكتر , الفخامة ممكن ارجح كفة الجولف لان جودة التقفيل اعلى , دة غير ان الجولف اوسع من السيفيك
طبعا الامان السيفيك واخدة 5 نجوم فى الموضوع دة دة غير انها واخدة اعلى عربية امان سنة 2010 2011 , العربية بياعة وسوقها كبير لانة بيجمع شرائح كتير مش بس شبابى زى الجولف اللى بتميل اكتر للشباب
فى المجمل الاتنين تحفة طبعا ومافيش كلام عليهم بس اركب دية ودية واللى تستريحلة توكل على الله لان الاتنين ممتازين
مختلف معاك يا سمسم فى جزئية أن السيفيك تكسب فـ أى مقارنة, فيه عربيات أوروبى كتير (غير الـBM والـMerc) تتفوق على الهوندا فـ حاجات, وتقل عنها فـ حاجات تانى..!!
لو أتكلمنا عـ الجولف موضوع النقاش:
- الصاج والمتانة (مش الأعتمادية): الجولف أجمد فـ البودى, أتقل فـ الصاج.. بيضربوا بيها المثل: يقولك فـ الريفيوهات "Solid Rock Durability of Golf"
معلش السيفيك (و أهى عربية تعتبر كبيرة) وزنها 1180-1200 كجم, مقابل 1325-1400 كجم للجولف (ودى عربية كومباكت).. طبعا Kerb
ولما نتكلم عن اختبارات الأمان: انت قولت 5 نجوم للسيفيك, وهوندا كمان تحطها فـ بروشوراتها و تتفاخر بيها.. لكن VW ممكن ماتقولش ولا كلمة عن الـEuro NCap؟؟!!! لأن دى حاجة مفروغ منها: طبعا Full-Mark أكيد 5 نجوم.. :ma:
الهوندا عمرها ماكانت مشهورة بالصاج المحمل والأمان فـ التصادمات.. قد الأوروبيين عموما..!!
- الثبات: خد بالك أن ثبات السيفيك الى حد كبير يعتمد على الـLowered Suspension, العفشة الخلفية والـAerodynamics
الجولف: حتى لما كانت Torsion-Beam وشكلها Cubic... طول عمرها ثباتها راااااااائع..! ودلوقتى العفشات الملتى-لينك الأوروبى معظمها بقى dual-rate (توطى مع السرعة جااااااامد).. غير الهوندا اللى ارتفاعها almost ثابت.. فـ السرعات القليلة أو العالية؟؟!!!
- الهاندلينج: أعتقد أقرب عربيات الـFWD للهاندلينج والـDrive-Feeling والـSteering-Precision بتاع الدفع الخلفى..هى الـVW-Audi والألفا..!
اللى عايز أقوله.. أن السيفيك تتفوق فـ الموتور, والتسارع.. راحة الركوب والعزل.
الجولف تتفوق فـ الهاندلينج والثبات, الفتيس 6 سرعات.. والأمان.. الشكل personal taste ولو أن الجولف 5 هى أجمل جولف عـ الأطلاق.!! :angel10:
أقولك على Technologies لسه الهوندا (واليابان كلها) ماعرفتهاش:
· الـDownsizing+Super-TurboCharging: فين الهوندا من الـTSI والـT-JET والـTCe والـGTDi وماتقوليش مواتير Normal-Aspirated+V-TEC؟؟!!!
دلوقتى فيه Valvetronic و Multi-Air وحاجات كتير أجمد من قبل التربنة حتى!!
شوف كده جوائز أفضل محركات العالم فى 2011:
International Engine of the Year Awards 2011
للأسف فـ 2011 مفيش ولا هوندا ولا أمها (تويوتا) خااااااااااالص..؟؟!!!
شوف بقى الـ5-7 سنوات الأخيرة.. هتلاقى آخر جايزة خدتها هوندا فـ2005, وفـ موتور 1000cc بتاع الأنسايت..
International Engine of the Year Awards 2011
حتى التويوتا.. هتلاقى كام جايزة غلبانة.. منهم 3 سنين ورا بعض: نفس الجايزة لنفس الموتور (برضه 1000cc هههههههههههه) تحس انهم بيقسموها مع هوندا :grin02: أو يمكن بالتزكية عشان محدش بينافس فـ الفئة دى..؟؟!!!
شوف بقى جوايز BMW و Audi و VW... متكررين كل سنة كام مرة فـ كل كذا فئة..؟!!
Edit: ماتنساش تشوف 2011 والسيطرة الأيطالية على الجوايز: 6 لفيات (بما فيها فيررارى) والباقى يتقاسمه الألمان BM و أودى..!!
فين بقى الهوندا.. عايز أقول ان مواتير الهوندا (مع انى بعشقها) بس للأسف بقت عاااااااادية, والتطوير عندهم تقريبا وقف بعد انسحابهم (مع تويوتا) من السباقات!!
· الفتيسات الـAutomated Manual Sequential: والديوال-كلتش DSG والـTCT... مش محتاج أقول ان الهوندا لسه واقفة عند الفتيسات الأوتو بـTorque-Converter وصباح التهدير فـ الطاقة.. وقلة الـEfficiency
دا حتى وقفوا فى دى عند الـ5 والـ6 سرعات.. مع انها بقت فـ الأوروبى 8 و9 أوتو.. :shyy:
والله الكلام دة كبير جدااا هههههههه ....
أنا أفضل السيفيك بس إعمل حسابك إنها واطية وحتحك.
طيب تمام كل كلامك بردة بيقول انك مش هتقدر تتطلع حد كسبان لان الاتنين كويسين جدا وممتازين جدا , وعموما انا ماشتريش عربية تمنها 160 الف جنية ومحركها يبقى ضعيف اكيد لأ طبعا
على فكرة انسى تمام ان الجولف تتفوق على الهوندا فى الثبات تتعادل ايوة لكن تعديها لأ
بالنسبة لتكنولجيا الفتيس والكلام دة اعتقد مالوش لزمة محرك 1600 قوتة 102 حصان وعلية فتيس ست وسبع سرعات كل دة عشان حاجتين يقلل من استهلاك البنزين , يطول عمر المحرك الافتراضى
لكن فتيس الهوندا اتوماتيك بس بيوصل زى مانت عايز
بالنسبة لنظام تعليق الهوندا فهو مش معتمد فقط على العفشة الخلفية او الايروديناميك بالعكس تعليق الهوندا من اولة لاخرة متقن جدا وحضرتم بتقول انة بيعتمد على ال lowered suspension يعنى لو جيبت كدة حضرتك الجولف وركبتلها علايات او مساعدين عالية اكيد مش هتلاقى العربية زى الاول , بلاش دية خليك فى الكورفيت مثلا او الفيرارى لو عليوا عن الارض خلاص الثبات هيقل
زى كدة بالظبط لما تركب لل sclass جنوط 14 بوصة مقاس 65 اتفرج على احلى مراجيح ( دة مثال فقط ان كل شركة بتنزل تصميم بتبقى مظبطة الحاجات دية على نظام العربية نفسة ) لكن مش اعتماد على ان الشاسية يكون قريب من الارض عشان يدى ثبات اكتر لأ بس هو دة الصح ( وبعدين ماكل البى ام والمرسيدس ارتفاعهم قريب جدا وثباتهم خرافى ونفس النهج يعنى
( كل مالمحرك قوتة بتزيد لازم العربية تقرب من الارض
معاك أوى فـ جزئية موتور ضعيف وقديم 102 حصان كامة واااااااااحدة.. يركب عليه فتيس DSG آخر حاجة... منتهى التهريج والأستهبال من VW الصراحة..!
ده كان أقل واجب 1.4 TSI..!! :plusone1:
وعارف ان تعليق السيفيك تمااااااام أوى.. بس فيه أجمد من كده (وعند هوندا نفسها)..؟!!
أنا شوفت Civic Si كوبيه فـ السعودية (مش متأكد 1.8 V-TEC ولا موتور الـType-R 2.0)
والعربية كانت مرفوعة فـ مركز سرفيس..!
الـDampers والسوست والمقصات.. العفشة كلها غير خاااااااااااالص..!
تعالى بقى للسيفيك العادية بتاع مصر.. وشوف كمية الـBody Leaning فى المناورات (ستوك), مبقولش مش ثابتة.. بس فيه Roll يمين وشمال مع حركة الدركسيون المفاجئة, وجامد كماااااااااان..! :11:
عموما ده لا يفضل عربية عـ التانية زى مانت قولت.. خاصة انهم من أعلى عربيات فئاتهم..!!
Regards,
هى فعلا فى ناس كتير يتشتكى من فرامل الهوندا بس الناس فى قسم هوندا بنكرون هذا الكلام وبيقولو الفلامل بتاعتها ممتازة والله اعلماقتباس:
على فكرة انسى تمام ان الجولف تتفوق على الهوندا فى الثبات تتعادل ايوة لكن تعديها لأ
مش معاك خالص الجولف طبعا اثبت ...........الناس اللى معاها سيفيك اصلا لما بيركبوا الجولف او الجيتا او اوكتافيا بيحسوا بفرق فى الثبات والعفشه لصالح الالمان .......وعلى فكره واحد صاحبى كان جايب سيفيك 2010 قعدت معاه شهر وباعها علشان فراملها كانت وحشه ومكانش فيه امل من التوكيل انه يعمل فيها حاجه وجاب فانتزيا وتعليقه ان الفانتزيا افضل فى الفخامه والراحه والثبات والعفشه والفرامل طبعا والسيفيك افضل فى السحب......انا عن نفسى لما كنت بركب السيفيك عفشتها مش بتعجبنى علشان بتحسسنى بالطريق غير الالمان خالص
( وبعدين ماكل البى ام والمرسيدس ارتفاعهم قريب جدا وثباتهم خرافى ونفس النهج يعنى
( كل مالمحرك قوتة بتزيد لازم العربية تقرب من الارض
مش شرط على فكره ما انا معايا x3 وال ground clearance بتاعها كبير ومع ذلك ثبات فوق الممتاز ما شاء الله عاوز اقولك انى مقطع 320i e90 وجولف 4 تربو على ملفات كورنيش اسكندريه انا طبعا بتكلم ملفات !!!!!
بس فى ناس بتقولك على فتيس الجولف 5 مش ال dsg بيقولو عليه سىء وفيه مشاكل كتير وفى واحد معروووف اوى بيعمل صيانه لل vw فى جسر السويس هتلاقى عندة كمية من الفتيس دة فيها مشاكل مش عارف بقى صحه هذا الكلام فى كمان فى مشكلة فى التكيف قبل 2008.........والله انا محتار ولا الواحد يجيب سيراتو جديدة احسن بدل ما يتعب نفسه فى حوار المستعمل دة انا معايا 110-120
بالنسبة لموضوع الثبات فكل واحد عارف انت السيفيك ثابتة جدا مش محتاجة كلام
بالنسبة لموضوع الفرامل انا اعترف ان فرامل السيفيك ال 2010 مش قوية زى مثيلاتها لكن وقت الشدة بتسعف