تجــــربة خطيرة، ومهمة، يارب تنجح وكل الفيليشياوية هيسترحووو

**bi_fathy** · 13-12-2011 12:15 PM

المشاركة الأصلية كتبت بواسطة benmatar

السلام عليكم ورحمة الله،،،
طبعا أحب أدل السادة الأفاضل على الخير عشان المنفعة تعم الجميع، من حوالي 10 أيام لاحظت وجود بقعة مياه تحت العربية (فيليشيا97) عند الكاوتش الشمال وانا واقف أمامها... واتكرر الموضوع حتى في أيام العيد مع ملاحظة نقص مياه القربة (الردياتير)... بشكل ملحوظ، المهم عملت كشف بنفسي واكتشفت وجود تسؤيب بسيط في ماسورة نحاس من الردياتير للموتور، فكيتها ولحمتها بإيبوكسي حراري وتمام التمام، بعدها التسريب ظهر من مكان خطييييييير، من طلمبة المياه!!! لما أطفي العربية نتقط ولما تدور تمنع!! مع ملاحظة أمر مأساوي كل الفيلشياوية جربوه بأشكاله المتختلفة ألا وهو وجود نقط مياه في غطاء زيت الموتور (شبه طحينة) طبعا الموضوع أصبح خطير ومتشعب... بعد شوية بحث وتنقيب ربنا وفقني لفكرة شراء بلوك سيل (block seal) وحطيته في مياه الردياتير وبفضل الله تعالى تم منع أي تسريب حتى الآن من الموتور أو الطلمبة أو الخراطيم، ولا يوجد أثر لنقاط مياه في الزيت....... يعني إيه؟
تم عمل إصلاح داخلي وملء أي فراغات تحدث للموتور أو أي ثقوب في دورة التبريد.
على فكرة ثمنه 32ج من محطة توتال في الشيخ زايد وصديق اشتراه ب40ج من موبيل الدقي. وهو ماركة (gunk)، بس لازم اتباع التعليمات المرفقة على العبوة، وأنصح اي حد عنده مشكلة شبيهة باستخدامه قبل فك الموتور وعمل جوانات وخرط وغيره، وآسف على الإطالة.

أنا برده بحس ان المياه في القربه بتنقص بس شويه تنقص و شويه لأ و حاجه غريبه كده مش مفهومه و المشكله اني مبلقيش ميه متسربه علي الارض المهم انا هجرب الحل اللي انت مقترحه و ان شاء الله خير. سؤال بقي بنزينه توتال اللي في الشيخ زايد فين بالظبط و شكرا جزيلا

**benmatar** · 15-12-2011 01:08 PM

السلام عليكم
بالنسبة لمحطة بنزين توتال في الشيخ زايد تدخلها من ميدان جهينة وسيادتك متجه للطريق الصحراوي وبيفرلي هيلز (وصلة دهشور) هتلاقي محطة توتال كبيرة بعد 2-3كم من ميدان جهينة، وفي سوبرماركت تلاقي عنده block seal. وتعمل التجربة دي بس باتباع الخطوات السابق ذكرها، وبالتوفيق وطمني

**benmatar** · 15-12-2011 01:52 PM

الخطوات:

1- تفتح الكبوت وتقول بسم الله
2- العربية لازم تكون باردة خالص، يعني تكون راكنها من بليل مثلا والتجربة في الصباح
3- تحضر جنبك شوية حاجات عشان متتلبخش زي جركن مياه أو اتنين، ومفك عشان تفك خرطوم الردياتير وتربط، وعلبة المادة،
(((( قبل ماتدور العربية)))
4- تيجي على قربة المياه بتاعت الردياتير تلاقي تحتها خرطوم تخين نازل منها متجه للردياتير تفكه خالص وتنزله لتحت لغاية ما تفضي المياه.
5- تركبه مرة تانية بإحكام
6- ترج علبة المادة رجا جيدا....
7- تفتحها وتفضي المادة كلها في قربة الردياتير وتدور العربية وخلال 3 ثواني تكون واقف جنب القربة وبتفض الجركن اللي معاك في القربة
8- هتلاقي طبعا المادة اتسحبت مع المياه للردياتير.. وإياك متفضيش الردياتير الأول لأنك لو معملتش كدة هتفض المادة في القربة ومش هتخش قي الردياتير ومش هتدور في الموتور ونعجن وتنشف وهتدوخك.
9- بعد إضافة المياه للمنسوب الطبيعي (( متملاش القربة على اآخر)) وده الطبيعي.
10- سيب الغطاء مفتوح والعربية دايرة على السلانسية لمدة 5-10 دقائق حسب حالة الجو مع متابعة مؤشر الحرارة لأن لازم العربية تسخن كويس والمادة عملة تدور مع دورة التبريد.
11- إغلق غطاء القربة جيدا بعد التأكد من منسوب المياه مظبوط وإن مفيش هواء في الدورة
12- بالنسبة لي مغيرتش ولا فضيت المياه اللي فيها المادة لغاية اللحظة دي، بس العبوة مكتوب عليها إنك تفضي المياه وتحط مياه جديدة، وبالنسبالي الموضوع مفيهوش مشاكل لأن الموضوع ده عملته قبل كدة في عربية إلانترا وسيبنا المياه برضه عادي.
13- إتحرك عادي بعربيتك مع ملاحظة الحرارة، وتاني يوم تكشف على مياه القربة وشوف المشاكل السابقة انتهت أم لا!!!
وربنا يوفقك وأنا تحت أمرك

**fares_nor** · 17-12-2011 05:28 PM

الموتور.بيرزع.والشكمان.بيط� �ع.دخان.ابيض.الميكاكى.قالى.ا لتزية.من.سير.الكتينة.بس.انا. سامع.الصوت.فى.الماكينة

**benmatar** · 19-12-2011 11:11 AM

المشاركة الأصلية كتبت بواسطة fares_nor

الموتور.بيرزع.والشكمان.بيط� �ع.دخان.ابيض.الميكاكى.قالى.ا لتزية.من.سير.الكتينة.بس.انا. سامع.الصوت.فى.الماكينة

لأ الموضوع كدة أكبر من المادة بتاعت التسريب دي... عاوز تفحص وتكشف عليها كويس

**Subtotal** · 22-12-2011 12:36 PM

ايوة فعلا هو عبارة عن بودرة خشنة وفى منه اقراص ... من غير محد يضحك
هو بيتحط مع ميه الرادياتير بتسخن العربية شوية وبعد كدة تضيفه على الميه الدفية وتقفل القربة كويس وممكن تتطلع مشاوار صغير ...

**sakr_skoda** · 22-12-2011 09:03 PM

بصراحة لابودرة ولا اقراص ولا حتى ليبوس....

انا بصراحة غلبت ودخت ولاكن بعد ما جيبت البلوك سيل بصراحة ظبط مواضيع كتيرة فى العربية تحية اجلال وتقدير لصاحب الموضوع والى الأخ الكريم صاحب الشرح الجميل( benmatar)لعملية اضافة البلوك سيل جزاكم الله جميعا خير الجزاااااااااااااااااااء

**mimi115** · 30-12-2011 03:58 PM

مشكور على التجربه وانا هجربها ويارب تنفع عندى لان انا تعبت

**sakr_skoda** · 30-12-2011 04:50 PM

أن شاء يكون خير ولو لم تنجح فكرة البلوك سيل لاقدر الله يبقى ما فيش قدامك الا حل واحد سقط موتور استيراد جديد واوعى حد يلف دماغك وقولك غير وش السلندر او الفارغة بتاعت الموتوتور دى حنفية عذاب ابعد عنها....