تجــــربة خطيرة، ومهمة، يارب تنجح وكل الفيليشياوية هيسترحووو

السلام عليكم ورحمة الله،،،
طبعا أحب أدل السادة الأفاضل على الخير عشان المنفعة تعم الجميع، من حوالي 10 أيام لاحظت وجود بقعة مياه تحت العربية (فيليشيا97) عند الكاوتش الشمال وانا واقف أمامها... واتكرر الموضوع حتى في أيام العيد مع ملاحظة نقص مياه القربة (الردياتير)... بشكل ملحوظ، المهم عملت كشف بنفسي واكتشفت وجود تسؤيب بسيط في ماسورة نحاس من الردياتير للموتور، فكيتها ولحمتها بإيبوكسي حراري وتمام التمام، بعدها التسريب ظهر من مكان خطييييييير، من طلمبة المياه!!! لما أطفي العربية نتقط ولما تدور تمنع!! مع ملاحظة أمر مأساوي كل الفيلشياوية جربوه بأشكاله المتختلفة ألا وهو وجود نقط مياه في غطاء زيت الموتور (شبه طحينة) طبعا الموضوع أصبح خطير ومتشعب... بعد شوية بحث وتنقيب ربنا وفقني لفكرة شراء بلوك سيل (Block Seal) وحطيته في مياه الردياتير وبفضل الله تعالى تم منع أي تسريب حتى الآن من الموتور أو الطلمبة أو الخراطيم، ولا يوجد أثر لنقاط مياه في الزيت....... يعني إيه؟
تم عمل إصلاح داخلي وملء أي فراغات تحدث للموتور أو أي ثقوب في دورة التبريد.
على فكرة ثمنه 32ج من محطة توتال في الشيخ زايد وصديق اشتراه ب40ج من موبيل الدقي. وهو ماركة (GUNK)، بس لازم اتباع التعليمات المرفقة على العبوة، وأنصح اي حد عنده مشكلة شبيهة باستخدامه قبل فك الموتور وعمل جوانات وخرط وغيره، وآسف على الإطالة.

بس دا حل مؤقت مش حل دائم خلى بالك

دى وصفه هايلة دى وصفة سهله المشكلة دى عندى فى غطاء الزيت بس بعد ما غيرت نوع الزيت الى نوع افضل منع بس برضو مافى مانع نجرب فكرتك الهايلة وربنا يوفققك لفعل الخير دوما....*

الميكانيكى بيسميه دواء

السلام عليكم
بفضل الله لغاية دلوقت حوالي 500كيلومتر مشاوير ومفيش إشكالات لا تسريب ولاحرارة ولا أثر لنقط مياه في الزيت، دعواتكوووو، وفعلا سمعت إن العلاج ده مش دائم بس والله أنا استخرت وقلت إن التجربة مش مكلفة وطالما إنك عارف إن الموضوع هيكون فك وتصليح ودوشة جربت الأول ممكن الموضوع ينجح! والخطوة الجاية بإذن الله استخدام (زيت ليكوي مولي + سيراتك) وده ممكن يعمل تطوير وتحسين وتنشيط للمحرك، بس الموضوع قيد الدراسة.

لو سمحت انا لفيت الاسماعيلية على البلوك سيل دة ولم اجده فى واحد قالى اه انا عرفه هو عبارة عن بودرة بس مش موجود عندى....

ياترى هو البلوك سيل ده بودرة....

طيب ممكن اشتريه من فين بالظبط انا لفيت الاسماعيلية ماعد طبعا الصيدليات هو ممكن يكون هناك....

طيب مافيش علاج بديل عن اللوك سيل دا ؟؟؟؟؟؟؟؟ ....

منتظر من حضرتك توضيح وجزاك الله عنا خير الجزاء........

السلام عليكم
حضرتك تلاقيه في محطات بنزين موبيل فيها سوبر ماركت on the run أو محطات توتال، وممكن محلات بيع الزيوت والشحومات بتاعت التوكيلات. أنا مشتريه من توتال وصديق مشتريه من موبيل. وهو علبة بيضاء بلاستيك والغلاق أزرق ومكتوب عليه بالأصفر heavy duty engine block sea وماركته GUNK والحجم 443مل. والمادة سائلة وترجها تسمعها وكأنها سائل لزوجته عالية. ولو فتحت الغطاء تلاقي برشام ألمونيوم تحتها. والموقع ده جدول لمنتجاتهم واللي بنتكلم عليه كود: c616 واسمه block seal liquid
Radiator Specialty - Product Information Sheets

اشكرك يابرنس على الرد والافادة بس فيه سؤال انا رحت محطات بنزين موبيل عندنا وحاسس كده انى لما بسأل عندكم (بلوك سيل)الراجل يبلم ويتنح كدة ويفكر اكنى بسأل على حاجة غريبة بيقولى بتاع ايه دا اقوله *باحس باحراج شديد هو مش اسمة بلوك سيل برضوا ولا وليه تسمية تانية؟؟؟؟؟؟؟

جزاك الله خيرا

أيوة ممكن توصي حد من القاهرة معرفة يجيبهولك

اقتباس:

---

المشاركة الأصلية كتبت بواسطة benmatar

أيوة ممكن توصي حد من القاهرة معرفة يجيبهولك

---

الحمد الله واخيرا زيست!!!!!!

مشكور اخى الكريم انا فعلا بعت مع صديق لى كان رايح قارة مصر العظمى وجابهولى من محططة بنزبن موبيل ب34 جنية....

اقتباس:

---

المشاركة الأصلية كتبت بواسطة benmatar

السلام عليكم ورحمة الله،،،
طبعا أحب أدل السادة الأفاضل على الخير عشان المنفعة تعم الجميع، من حوالي 10 أيام لاحظت وجود بقعة مياه تحت العربية (فيليشيا97) عند الكاوتش الشمال وانا واقف أمامها... واتكرر الموضوع حتى في أيام العيد مع ملاحظة نقص مياه القربة (الردياتير)... بشكل ملحوظ، المهم عملت كشف بنفسي واكتشفت وجود تسؤيب بسيط في ماسورة نحاس من الردياتير للموتور، فكيتها ولحمتها بإيبوكسي حراري وتمام التمام، بعدها التسريب ظهر من مكان خطييييييير، من طلمبة المياه!!! لما أطفي العربية نتقط ولما تدور تمنع!! مع ملاحظة أمر مأساوي كل الفيلشياوية جربوه بأشكاله المتختلفة ألا وهو وجود نقط مياه في غطاء زيت الموتور (شبه طحينة) طبعا الموضوع أصبح خطير ومتشعب... بعد شوية بحث وتنقيب ربنا وفقني لفكرة شراء بلوك سيل (block seal) وحطيته في مياه الردياتير وبفضل الله تعالى تم منع أي تسريب حتى الآن من الموتور أو الطلمبة أو الخراطيم، ولا يوجد أثر لنقاط مياه في الزيت....... يعني إيه؟
تم عمل إصلاح داخلي وملء أي فراغات تحدث للموتور أو أي ثقوب في دورة التبريد.
على فكرة ثمنه 32ج من محطة توتال في الشيخ زايد وصديق اشتراه ب40ج من موبيل الدقي. وهو ماركة (gunk)، بس لازم اتباع التعليمات المرفقة على العبوة، وأنصح اي حد عنده مشكلة شبيهة باستخدامه قبل فك الموتور وعمل جوانات وخرط وغيره، وآسف على الإطالة.

---

أنا برده بحس ان المياه في القربه بتنقص بس شويه تنقص و شويه لأ و حاجه غريبه كده مش مفهومه و المشكله اني مبلقيش ميه متسربه علي الارض المهم انا هجرب الحل اللي انت مقترحه و ان شاء الله خير. سؤال بقي بنزينه توتال اللي في الشيخ زايد فين بالظبط و شكرا جزيلا

السلام عليكم
بالنسبة لمحطة بنزين توتال في الشيخ زايد تدخلها من ميدان جهينة وسيادتك متجه للطريق الصحراوي وبيفرلي هيلز (وصلة دهشور) هتلاقي محطة توتال كبيرة بعد 2-3كم من ميدان جهينة، وفي سوبرماركت تلاقي عنده block seal. وتعمل التجربة دي بس باتباع الخطوات السابق ذكرها، وبالتوفيق وطمني

الخطوات:

1- تفتح الكبوت وتقول بسم الله
2- العربية لازم تكون باردة خالص، يعني تكون راكنها من بليل مثلا والتجربة في الصباح
3- تحضر جنبك شوية حاجات عشان متتلبخش زي جركن مياه أو اتنين، ومفك عشان تفك خرطوم الردياتير وتربط، وعلبة المادة،
(((( قبل ماتدور العربية)))
4- تيجي على قربة المياه بتاعت الردياتير تلاقي تحتها خرطوم تخين نازل منها متجه للردياتير تفكه خالص وتنزله لتحت لغاية ما تفضي المياه.
5- تركبه مرة تانية بإحكام
6- ترج علبة المادة رجا جيدا....
7- تفتحها وتفضي المادة كلها في قربة الردياتير وتدور العربية وخلال 3 ثواني تكون واقف جنب القربة وبتفض الجركن اللي معاك في القربة
8- هتلاقي طبعا المادة اتسحبت مع المياه للردياتير.. وإياك متفضيش الردياتير الأول لأنك لو معملتش كدة هتفض المادة في القربة ومش هتخش قي الردياتير ومش هتدور في الموتور ونعجن وتنشف وهتدوخك.
9- بعد إضافة المياه للمنسوب الطبيعي (( متملاش القربة على اآخر)) وده الطبيعي.
10- سيب الغطاء مفتوح والعربية دايرة على السلانسية لمدة 5-10 دقائق حسب حالة الجو مع متابعة مؤشر الحرارة لأن لازم العربية تسخن كويس والمادة عملة تدور مع دورة التبريد.
11- إغلق غطاء القربة جيدا بعد التأكد من منسوب المياه مظبوط وإن مفيش هواء في الدورة
12- بالنسبة لي مغيرتش ولا فضيت المياه اللي فيها المادة لغاية اللحظة دي، بس العبوة مكتوب عليها إنك تفضي المياه وتحط مياه جديدة، وبالنسبالي الموضوع مفيهوش مشاكل لأن الموضوع ده عملته قبل كدة في عربية إلانترا وسيبنا المياه برضه عادي.
13- إتحرك عادي بعربيتك مع ملاحظة الحرارة، وتاني يوم تكشف على مياه القربة وشوف المشاكل السابقة انتهت أم لا!!!
وربنا يوفقك وأنا تحت أمرك

الموتور.بيرزع.والشكمان.بيط� �ع.دخان.ابيض.الميكاكى.قالى.ا لتزية.من.سير.الكتينة.بس.انا. سامع.الصوت.فى.الماكينة

اقتباس:

---

المشاركة الأصلية كتبت بواسطة fares_nor

الموتور.بيرزع.والشكمان.بيط� �ع.دخان.ابيض.الميكاكى.قالى.ا لتزية.من.سير.الكتينة.بس.انا. سامع.الصوت.فى.الماكينة

---

لأ الموضوع كدة أكبر من المادة بتاعت التسريب دي... عاوز تفحص وتكشف عليها كويس

ايوة فعلا هو عبارة عن بودرة خشنة وفى منه اقراص ... من غير محد يضحك
هو بيتحط مع ميه الرادياتير بتسخن العربية شوية وبعد كدة تضيفه على الميه الدفية وتقفل القربة كويس وممكن تتطلع مشاوار صغير ...

بصراحة لابودرة ولا اقراص ولا حتى ليبوس....

انا بصراحة غلبت ودخت ولاكن بعد ما جيبت البلوك سيل بصراحة ظبط مواضيع كتيرة فى العربية تحية اجلال وتقدير لصاحب الموضوع والى الأخ الكريم صاحب الشرح الجميل( benmatar)لعملية اضافة البلوك سيل جزاكم الله جميعا خير الجزاااااااااااااااااااء:S _thum1[1]:

تحت أمرك

مشكور على التجربه وانا هجربها ويارب تنفع عندى لان انا تعبت

أن شاء يكون خير ولو لم تنجح فكرة البلوك سيل لاقدر الله يبقى ما فيش قدامك الا حل واحد سقط موتور استيراد جديد واوعى حد يلف دماغك وقولك غير وش السلندر او الفارغة بتاعت الموتوتور دى حنفية عذاب ابعد عنها....

السلام عليكم
العفو... يا رب الموضوع ده يفيد ويوفر ولو منفعش محدش هيخسر إلا 40ج. ومفيش أي أثر سلبي على الإطلاق.. وبالتوفيق...

شكراااااااااااااا جدااااااااااااااااا على الحل ده انا جربت البلوك سيل ونفع جدااااااااااا بس هو فى سوال هل ينفع ويعيش ولا ممكن يفك من تانى

السلام عليكم
أولا الحمد لله إن الموضوع إتحل مع حضرتك بسهولة، ألف بركة. بالنسبة لفاعلية المادة بالنسبالي أنا استخدمته مرة واحدة وعبوة واحدة وبفضل الله الموضوع ده من حوالي 6000 أو 7000 كم وما شاء الله تبارك الله تمام التمام. بس من أسبوع ملاحظ منسوب مياه القربة بيقل شوية بسيطة بعد المسافات الطويلة أو الزحام الشديد كل اسبوع كده! بس أحسن من الأول كتير، وبصراحة حسبتها لاقيت إن القصة مش مكلفة ولو منجحتش مفيش خسائر بإذن الله.

طمني، عملت إيه؟؟؟

لسة.بفكر.ابيعها.وادفع.مقدم.� �اشترى.فيرنا

بالتوفيق

يا خساره الاربعين جندى الوضع هو هو فضيت المياه وحطيت الماده وزودت مياه وسيبتها دايره على السلانسيه 15 دقيقه وطلعت ووضع الحراره هو هو اهى اهى اهى
هبيع امها
هعملها الجوان وابيعها
مالها الدايو
الله يخرب بيت السكودا
دى لو جات لى ببلاش مش هشتريها
دا انا مغير كل حاجه فيها
كله جديد
بس خلاصصصص
من النهارده هبيع الاسكودا

للل مهتم بلموضوع

السلام عليكم
بالنسبة لموضوع المادة بصراحة ناس كتير شكروا فيه واتصلوا بيا ولله الحمد، وناس تانيين اتصلوا برضوا وقالوا إنه زي قلته، طبعا موضوع المادة دي كويس جدا بالنسبة لأي تسريبات أو تنفيس في دورة التبريد (بديل جيد للجوانات والفك والتركيب) بس المهم تكون ممرات التبريد متسلكة كويس والمياه ماشية فيها تمام عشان سخونية العربية

من ضمن منتجات شركة ليكوي مولي (ألماني) مواد تنظيف دورة التبريد.