متابع جدا
عرض للطباعة
متابع جدا
السلام عليكم و رحمة الله و بركاته
ماهو عشان كده, أنا عن نفسى مريح نفسى و حاطط القرشينات فى المصرف المتحد (البنك المصرى المتحد سابقا قبل ماينضم للبنك المركزى المصرى) فرع المعاملات الاسلامية !!!!!!!, أصلهم هنا عندنا فى المنصورة عاملين فرعين و لا تلاتة باين, فرع عند المحافظة و اكمنه لاااااااازق فى بنك فيصل الاسلامى, قالوا ده يبقى فرع المعاملات الاسلامية و فرع تانى بعييييييييييييييد, عند مديرية الأمن و ده بتاع الكفار :hello:, فرع المعاملات غير الاسلامية.
شوفتوا الاستهبال:36_6_3[1]: .
فعلا, كل البنوك زى بعض و الحوار بتاع المعاملات الاسلامية ده اتوجد بعد مابقى فيه مصريين بيشتغلوا فى الخليج من السبعينات و بالذات فى السعودية و ثقافتهم بتغير زى مابيشوفوا هناك و بيرجعوا و مايرضوش يحطوا فلوسهم فى البنوك الربوية بتاعتنا عشان حرام, قاموا عملوا البنوووووووووووووك الاسلامية و لا تزعل نفسك, أسلم حل للى معاه فلوس زى مابيحصل فى أى بلد محترمة, أنه يستثمرها فى أى حاجة و كل واحد على أد خبرته, اللى مايفهمش خااااااااااااااالص لا فى الطور و لا فى الطحين, يشترى عقار و يأجره و لا يسقعه و بعد كام سنة يبيعه بزيادة معقولة, مش يشتريه و يدفع تمنه و يلاقى نفسه اتنصب عليه و لا يلاقى بلطجية جم و قعدوله فيه !!!!!!!!!!!
البنك الوطنى للتنمية (اللى هو تبع مصرف ابو ظبى الاسلامى)
متابع يمكن الاقي حل انا كمان
البنك الوطنى للتنميه فرع المعاملات الاسلاميه بالتعاون مع مصرف ابوظبى
السلام عليكم
فكرة البنك الاسلامي فكرة سديدة
توجد في اي بنك اسلامي لجنة شرعية
لا يمولوا صفقات الخمور, و لا يشاركوا في ملهى ليلي
ايداع اموالك في بنك اسلامي في مصر بنية الاجتهاد في الالتزام بصحيح الدين, أفضل من وضعه في بنك ربوي بقالة أن كلاهما سواء
و الله أعلم
انا بتعامل مع بنك فيصل ومع بنك البركة من ايام ما كان اسمه بنك التمويل السعودى
الاتنين نفس النتيجة والاسلوب تقريبا وتعاملى معاهم من خلال ودائع فقط
بركة الميزة فيه ان تقريبا الفائدة اعلى بنسبه بسيطة
فيصل الميزة كثرة فروعة وحجم الفرع وموقع الاستعلام عن الحساب فى النت (استعلام فقط)
ولكن يعيبه الزحمة الرهيبه
ليه بقى بحط فلوسى فى بنك اسلامى لتجنب الشبهات خصوصا وانا بكون مسافر كتير ومش معقوله اعمل خزنه فى البيت والمشاريع الى عملتها كلها اما اتنصب عليا فيها او خسرت
لكن من كام يوم اتفتح موضوع البنوك مع واحد صديق وقالى على مفاجاة
ان البنك الاهلى عامل من فترة بسيطة شهادات بقيمة 11.5 %
مع العلم ان فيصل او بركة لا يزيد باى حال عن 8.5 %
قلت ياواد طنش خالص واعمل نفسك مسمعتش حاجة
النهاردة بقى فى خبر فى الجرنال بقول ان الحومة هتعمل اذون خزانه بفائدة 14.5 %
وهتمولها البنوك المصريه عشان كدة فهمت ليه الفوائد ارتفعت
بس خلاص
على فكرة فى موضوع خانئنى فى البنوك الاسلاميه
هو مادان احنا بتعامل مع بعض على المكسب والخسارة
ليه عمر المكسب مايزيد عن مكسب البنوك الاخرى
اوامر من البنك المركزى !