السلام عليكم ورحمة الله وبركاته
ياريت مقارنة منكم
بين كيا سيراتو ( الكوري 2012 ) و لانسر بوما ( الياباني 2012 ) الاتنين اتوماتيك
مقارنة بوجه عام من ناحية الافضل وقطع الغيار وماتور وثبات وتقفيل ومميزات
وعيوب كل عربية من دول وياريت من ناحية مشاكل الفتيس علشان واحد قالي اوعى تركب
اتوماتيك كوري وايه اشيك لون من وجهة نظركم للعربيتين
مستني ردودكم وخبرتكم
السيراتو منظر عالفاضي
البوما عربيه محترمه
مافيش وجه مقارنه انت بتقارن ياباني بكوري ازاي؟؟
السيراتو هاي لاين = إنك اشتريت أوبشنز فقط .. لكن في النهاية انت نسيت تشتري عربية
البومة سحب أعلى .. و ادخل على اليوتيوب و شوف فيديوهات السيراتو و البومه
البومة عمرها الافتراضي أطول ، و صاج أقوى ، ثبات أعلى ، وزن أثقل ، فرامل أفضل ، مساحة داخلية أوسع ، تكنولوجيا عفشة و فيتيس أفضل .....
السيراتو ليها ناسها برضه ... أوبشنز كتير حلوة ، شكل شبابي ممتاز ، باور أفضل ، سعر إعادة بيع ممتاز
ربنا يوفقك .. كل عربية و ليها ناسها
بومة ولا في كاشات شارك
السيراتو شكل احسن .. شبابية .. اوبشن احسن بكتيييييير جدا .. تابلوه عصري .. قطع غيار متوفرة
واوبشن مش موجودة في فئات اعلى
لانسر بوما اكثر اعتمادية وقطع غيار ارخص ومعمرة وعالية و قابلة للتظيبيط وبينزلها مواتير كتير وممتازة من ناحية كل شي ما عدا التابلوة تحسو تكنولوجيا قديمة شويه
شكرا للردود والافادة والمقارنة اللي شبه محسومة او محسومة بالفعل للبوما شكرا مرة تانية
كلمه تكنولوجيا قديمه دى مش مظبوطة, رغم انى معنديش البومة بس شايف انها تكنولوجيا سابقة عصرها
من اوائل العربيات ال compact sedan اللى نزل فيها فتيس cvt لحد 2009, من 2010 بقى الفتيس ستيبترونك
العفشة multilink من 2004, لحد دلوقتى فى عربيات 2012 كتير ومركات يابانى بتنزل torsion beam لسه
هو بس التصميم فعلا قدم عشان التابلوه متغيرش من 2000 والشكل الخارجى متغيرش من 2004 ده ان نزل تحديث ثورى للتصميم فى الموديل الاعلى اللى هو الشارك
لانسر عربيه ممتازه
والله يا باشا انا شايف مفيش اختلاف كبير بين الاثنين بصراحة انا شايف ان لانسر بومبه هى عرة اليابانى ممكن تكون كويسة فى 2006 اما دلوقتى فهى زى ما قولت كدة ومع احترامى Dawns_Mist فرامل السيراتو احسن من اللانسر 1000000 مرة والله يعنى السيراتو دى تطلع بيها ب 1- ابشنز ماشاء الله 2- فرامل فوق الممتازة 3- موتور جامد الثلاثه الى انا اكلمت عليهم يتفقوا على الانسر ... مشكله السيراتو هى العفشة فقط ودى الحاجةالوحيدة الى الانسر تتفوق على السيراتو فيها ومش هكلم بقى على انك هتشترى عربية نفس ال shape من 2006 والتابلو القديم وسير الكتينة الكوتش والرأى ليك