عرض للطباعة
ليا صديق في توكيل رينو كنت بدردش معاه علي الرينو بشكل عام وجات سيره السانديرو قاللي بلاش قلتله ليه قاللي اللوجان احسن منها طيب فيها ايه مش هي هي اللوجان قاللي لا لما فكيناها لقينا مفهاش قوايم!!!!!!!
مفهاش قوايم ازاي
قاللي ورا مفهاش قوايم خالص يعني لو حد خبطك من ورا هتلاقيه قاعد معاك في الصالون :goodnight:
طبعا قلت اقلكم علشان نتحقق اولا برغم ثقتي الشديده فيه لانه اكثر من اخ وعلشان لما حد ينصح بالعربيه يبقي عارف عيوبها
:019F3B~14:
يعني إيه مفيش قوايم دي بس؟؟؟
ولا قصده الشاسيه من ورا صغير فهيسمع جوه العربيه بسهوله؟
لا مفيش قوايم في الشنطه يعني السقف واقف علي الصاج مفيهوش قوايم
لما فكوا الشنطه لقيوا القوايم وراء فاضيه
لو الكلام دا أكيد يبقى مشكلة طبعااا !!
انا صديق ليا ها يجنن عايز يجيب سانديرو بس مستنى السانديرو الاتوماتك..كدا عمره ما هايجيب
معلش عشان انا مش متعمق اوي في الكلام ده .... ممكن توضيح اكتر .... انت عارف يا النوبي حضرتك كدة هتخلييني اصرف نظر عنها كدة لاني كنت ناوي اجيبها خلاص :Copy of majd(4):
والله انا باسمع عن الرينو فتى كتير أوى وده طبيعى جدا من شعب كل معلوماته عن العربيات المرسيدس وعن الموبايلات النوكيا و أخر مره كنت باتكلم مع واحد صاحبي عن اللوجان قعد يقولي بلاش و اوعي ومافهاش قوايم وعشان كده رأيى احسن نتحقق من المعلومة دي قبل مانظلم العربية
اللي قاللي المعلومه راجل مهندس وفاهم هو بيقول ايه وفي نفس الوقت هو معاه لوجان الستيشن mcv وهو بنفسه بيشكر في اللوجان كتير لاكن علي لسانه انهم لما فكوا عربيه سانديرو في التوكيل لقيوها فاضيه من وراا وده اكيد مش فتي بس برضه ميضرش اننا ناخد الموضوع بجديه وندور علي اصل المعلومه ونوقف علي حقيقتها ويكون ليها اكثر من مصدر علشان تتوثق وميكونش كلام في الهوااقتباس:
المشاركة الأصلية كتبت بواسطة wassim_nasser
انا مش قصدي اني اخليه ميشتريش بس علي الاقل يسئل كويس قبل مايشترياقتباس:
المشاركة الأصلية كتبت بواسطة amriar
وكمان لازم المعلومه يبقالها اكتر من مصدر علشان تكون مؤكده
يعني الطرح لازم يكون حيادي بدون تضليل انا شايف اللوجان من احسن العربيات في فئتها
ولما شفت السانديرو اتوهمت لاني بحب الهاتش باك ويهمني بجد ان الكلام ده يطلع غلط
مش عشان شغال في التوكيل يبقى كلامه صح ياما الواحد سمع كلام من التوكيلات دة غير انهم مبيعرفوش فى احيان كتيرة يصلحوا عربياتهم يبقى مش شرط انهم يبقوا فاهمين....
تمام الكلام دهاقتباس:
المشاركة الأصلية كتبت بواسطة walidzakzok
برضو مش فاهم يعنى ايه السقف على الصاج
هل المقصود بالقائم الموجود بين البابين (و ده مش صاج مسمط فيه فراغ)
او المقصود بالقائم الخلفى الى هو مكان غلق باب الشنطه للسانديرو (برضو صاج مفرغ )
اى عربيه سواء سيدان او هاتس باك بيكون القائم الأمامى و الخلفى صاج مدعم محمل
يا ريت اكون فهمت كلامك صح
متاااااااااااابع
اقتباس:
المشاركة الأصلية كتبت بواسطة mohamed1979
كلام غير صحيح بالمره لان رينو عمرها ما هتخاطر بأسمها العريق اللى بقاله قرون ف مصر علشان عربيه ب 75 الف اكيد طبعا لا هو انت فاكرها اكسنت يا عم العربيه اكيد فيها قوايم ولو مفيهاش اكيد فى دعامات ف العربيه علشان تقوى الشاسيه
رينو شركه محترمه وعمرها ما تعمل كده ابدا ابدا ابدا ابدا ابدا ابدا
يا فندم ده تصميم عربيه و لو تصميم العربيه مرسوم كده يبقى ده أكيد الأصلح و موضوع القوايم و نفعه من ضرره منقدرش نحكم عليه لأنه تصميم عربيه بيخضع لإختبارات
فمنقدرش نحكم على ان العربيه وحشه حتى لو مافيهاش قوايم و انا عن نفسى عندى ثقة فى رينو أكتر من تويوتا تخيلوا بيقى و الدليل على صحة كلامى شوفوا نيوتا و فولكس تحبوا عربيات أد ايه مليانه عيوب
و شوفوا رينو عملت ده و لا لأ
والله انا مع راي حضرتك وحطلب من الاداره حذف الموضوعاقتباس:
المشاركة الأصلية كتبت بواسطة ahmedeg1
حتي لا تكون دعايه سيئه للشركه
وانا اسف لو كنت ازعجتكم بكلامي ولاكن المقصود هو الوقوف علي الحقيقه ليس اكثر
خصوصا اني من محبي رينو بشده
الكلام حساه مش منطقى خصوصا ان العربية واخدة في اختبارات الامان الوروبية اللي هي صارمة جدا 3 نجوم للبالغين و 4 للاطفال اللي هما اصلا بيبقوا قاعدين ورا
Dacia Sandero | Euro NCAP - For safer cars crash test safety rating
ده بالاضفة ان رينو الامان عندها اهم من اييييييييي حاجة علشان كدة تلاقي رينو من اوائل العربيات اللي اخدت 5 نجوم في اختبارات الامان الاوروبية
و بردوا مينفعش يبقى فيه عربية من غير قوائم اصلا
غالبا هو يقصد انها بصاج مدعم فقط
واي عربية هاتش باك لازم تبقي كدة عشان تصميم الهاتش باك وفتح باب الشنطة
بس هو معرفش يوصل المعلومة صح
ادخلوا اتفرجوا على اختبارات الامان علشان تعرفوا يعنى ايه امان بجد
معني كلامك ان كل الهاتش باك مفهوش قوائم ورا وبيكون صاج تقيل بدل القوائماقتباس:
المشاركة الأصلية كتبت بواسطة karim_monir
يبقي هو مكدبش هو بس ميعرفش ان طالما العربيه هاتش باك تبقي كده
طيب ممكن سؤال
الجولف والبولو والابيزا والفييستا والفلواستر.......الخ
كل دول برضه من غير قوائم في الضهر
عرض المعلومه علشان نتاكد منها لاكن انا متاكد ان العربيه آمنه طالما من رينو انا مش بشكك انا عايز افهم ودي تفرق كتيراقتباس:
المشاركة الأصلية كتبت بواسطة elshaky
عندى احساس ان مفهوم القائم بالنسبه ليك انه يكون زى العامود فى المبانىاقتباس:
المشاركة الأصلية كتبت بواسطة النوبي
طبعا كل العربيات دى كده نفس فكره السانديرو الهاتش باك
انا معايا رينو سانديرو و تاكسى دخل فيا من ورا هو عربيتو باظت من قدام و انا العربية زى الفل كل الى حصل انا كلبس بتاع الاكصدام الى ورا فك
بسيطة إن شاء الله يا lely وكويس انك ظهرت انا عايزك تساعدني هشان انا ناوي اجيب العربية دي ..... ايه رأيك فيها اشرحلي بالتفصيل و على اقل من مهلك و معلش انا اسف حاجة كمان انا عايز اعرف اسعار قطع الغيار الخارجية لو عندك معلومات و شكرا مقدما :verygood:
اسف يا lely انا اعتقدتك عضو جديد و اهلا بيكي عضوة معانا و مستني ردك و شكرا مقدما مرة تانية
فى إنتظار الرد أيضاً .اقتباس:
المشاركة الأصلية كتبت بواسطة sherifboo
:36_7_4[1]: مستني الرد يا شباب اللوجان ....
اكتر من 700 مشاهدة و مفيش مشاركات جديدة بجد يا ريت يا شباب نشارك و نتناقش اكيد كل واحد فيكم عنده راي او فكرة
العربية تحفة بجد و خصوصا عند الخمس تلاف لان انا اديتها لقريبى يسافر بيها عشان يلينها و فعلا بقت مشاء اللة ناعمة جدااااااااااااا و بلنسبة قطع الغيار انا العربية رجعتلى بالفانوس الى ورا مكسور و كان سعرة فى التوكيل 253 و دة سعر كويس جدا بالنسبة انة من التوكيل و بالنسبة ان العربية جديدة و قدر اللة و مشاء فعل انى كنت واقفة و فى ميكروباص صاحبة مبيعرفش يسوق دخل فيا الباب الى ورا ناحيت اليمين ادمر بس الحمد للة بردة سمكرى كويس عملهالى ومش باينة غير لما تدقق و على البارد و كان فى خدوش عميقة جداااا عملهالى كتر خيرة بس انا نزلت شارع دمشق ادور على المقبض الخارجى عشان بتاعى بعض الحادثة مش لقياة ملقتش و سئلت على الفانوس قلولى نزل لرينو سانديرو الفانوس الى قدام بس الى ورا لسة و اول لما اعرف سعر المقبض هقلكو بس و اللة العربية جميلة جدااااااااااااااااااااااا اا :11:
يا جماعه أن كده إحترت أنا فعلا كنت هحجز السياره لأني شايفها أشيك من اللوجان و قالولي هي زي اللوجان في كل حاجه بس الشكل مختلف أرجو من المتخصصين أن يبحثوا الموضوع بجديه و يردوا علينا بالإجابه الحقيقيه مع مراعاه أن أي كلمه ممكن أن تخرج بخصوص هذا الشأن سيترتب عليها قرارات بالشراء من عدمه
شكرا ليكي يا Lely و انا حجزت فعلا السيارة دي بعد لف و بحث كتييير جدا و بالرغم من عدم انتشارها و اللي مش عارف سببه ايه بس مش مشكلة اهم حاجة الارتياح النفسي للعربية على فكرة انا حجزت السانديرو stepway لو حضرتكم تعرفوها و الله المستعان
الف الف مبرووووووووووووك .....:] :]اقتباس:
المشاركة الأصلية كتبت بواسطة sherifboo
المنطق بيقول ان الهاتشباك عموماً اقل امان للركاب الخلفيين خصوصاً في مصر لأنك معرض ان سواق حمار يرشق فيك بسهولة جداً عن البلاد المتقدمة