السلام عليكم ورحمه الله وبركاته
انا يا جماعه كانت العربيه الفانتازيا اتخبطت من حوالى 6 شهور و اتصلحت و رفرف اتغير فى التوكيل بس طبعا ماشاء الله على شغل التقفيل بتاع التوكيل سئ جداا فانا حاسس ان وش العربيه مش مظبوط يعنى حاسس ان الفانوس مش راكب صح و الاكصدام فيه فرق بينه و بين الفانوس من تحت كده .... و من اثار الحادثه ان قربه المياه بتاعه المساحات اتخرمت و متصحلتش من يوميها و احنا بيقنا فى شتا فقولت لازم بقى اصلحها ... الفكره بقى ان التوكيل قالى مش هيصلح و انه عايز يغيرها ب 700 جنيه (طبعا بيحلموا) فأنا بقى عايز سمكرى او مركز شاطر يفك الاكصدام و يلحم القربه كويس و يركب الاكصدام تانى بس المره دى يظبطلى وش العربيه و يظبطلى الفرف إلى بين الاكصدام و الفوانيس ده علما بأن العربيه أعلى فئه ففيها رشاشات فى الأكصدام و مش عايزه يبوظ الدنيا و هو بيفكه و يركبه تانى
و شكراااا