يا ريت الرد بسرعه وبلاش تريقه ارجوكم

السلام عليكم ورحمة الله وبركاته
انا عملت جوان وش السلندر حوالى 5 مرات فى 4 شهور ومفيش فايده ووديت الوش واتخرط وبيقولولى كان فيه شرخ واتلحم المهم اخر مره عملت الجوان قبل العيد باسبوع وبرضه الميه رجعت تانى بس الغريب انها كانت حاجه بسيطه قبل ما نحرق فى الرباط على الوش اول ما حرقنا على الرباط الميه زادت على الزيت والموضوع شكله هيكلفنى وانا مزنوق حبتين سمعت بقه كلام كده عاوز اتاكده منه وياريت من غير تريقه واحد قاللى انى ممكن احط بيضتين من غطا الزيت وان البيض مع السخزنيه هيستوى جوا الشقوق ويسد اى شرخ او ثغره للميه وتانى واحد قاللى بقه انه شاف راجل بيعملها وهو انه بيحط بن مع الميه والبن بيدخل فى مجارى الميه واى مكان فيه تسريب بيسده والراجل شغال فى الموضوع ده وبينجح فعلا يا ترى الكلام ده ايه مدى صحته ويا ريت من غير اى تريقه لانى فعلا الموضوع ده مدايقنى اوى اوى ومش معايا فلوس اعمله ومش قادر استغنى عن العربيه علشان الاولاد والمدارس
واسف على الاطاله
العربيه بولونيز والموتور 1300 بتاع ال125

طب بزمتك هل هاذا كلام يعقل طبعا ما ينفعش تحط فى ماكينه اشياء تاكل لانك كدا البيض هيلبك مع الزيت و تبقا عجينه
و البن يبوظلك ترمبة المياه ويسد الرادياتير
لازم تعمل الجوان و تغير الصنيعى اللى بتتعامل معاه و تشوف واحد يقولك المشكله فين لانه مش معقول انك تعمل كل الجوانات دى فى الفتره القصيره دى

هو طبعا كلام ما يعقلش بس انا اتاكدت انه بيتعمل ده الكلام ومن سواق تاكسى كمان بس طلع البيض بيتحط مع الميه مش مع الزيت بس له طريقه وهو انى بفضى الريداتير من الميه وبشيل الخرطوم بتاع الميه اللى خارج من الموتور اللى من فوق وبحط فيه بتاع 5 بيضات بس بيض مش مستوى بينزل زى الزيت بالظبط وبعدين بيمشى فى مجارى الميه ويدخل فى الشقوق وبعدين ندور المكنه الموتور بيسخن بيستوى البيض ويسد الشقوق والباقى يخرج من الموتور فى الارض وموضوع البن بيبقى من الخرطوم اللى تحت بيدخل يسد الشقوق وندور برضه ويخرج من الموتور على الارض

بس بينى وبينك ده امل انا متعلق بيه الموضوع هيكلفنى وانا مش معايا ومحتاج العربيه جدا جدا فمفيش قدامى غير الامل ده ويا رب يكون فعلا صح ولو حد عنده اى راى تانى او افاده باى شكل او عارف طريقه احسن من دى يا ريت ما يبخلش عليا بالمساعده

يا ريت حد يا جماعه لو عنده فكره بسيطه او سمع عن الكلام ده قبل كده يقول رايه

طيب حضرتك أنا مش بفهم حاجه تكنيكال ف الموتور بس أبسط رد يعني هو البيض المستوي ماده صلبه متماسكه عشان تسد شروخ أو تمنع تسريب؟؟؟..‏

لا هو القصه مش كده بس كل الموضوع على قد ما فهمت من اللى بيتكلم انها مجرد مسكن بس وهيروح اثره بعد شويه وده اللى انا محتاجه لحد ما اجمع فلوس علشان اعمل الصح واغير الوش وانا ناوى اعمل موضوع البن الاول ويا رب يكون كويس حتى اصبر شهرين ولا حاجه لانى صارف حوالى 700 جنيه على العربيه الاسبوعين اللى فاتو جوانات للسلندر وبطاريه ومارش وشوية حاجات فمش مستحمل تانى فى الوقت الحالى والمشى عليها كده غلط وده مجرد مسكن وانا باخد الاراء يمكن حد يقول حاجه توجه لشىء مش واخدين بالنا منه

بص انا اما عملت عمره من سنه ونص المكانيكي حطلي فيها بن انا عربيتي 128 و لغاية يومنا هذا ما اشتكتش من سخونه او تسريب في دورة المياه خالص الخلاصه انها حركة حلوه و مفيده بس بلدي حبتين على قد اما تكيفها على قد اما تكيفك :d

فعلا الشعب المصرى وابتكاراته بنعمل من الفسيخ شربات
واحد يقول بيض ولبن فى الموتور والتانى يقول بن؟
ياجماعه انتوا تعقلوا هذا الكلام ينفع مع حديد وموتور بيسخن لدرجات حرارة مرتفعه جداً؟

مع الاعتزار لصاحب الموضوع لتنبيه لعدم التريقه بس الواحد بجد مش قادر امسك نفسى من الضحك
واعتقد ماتصدقش حكاية البيض واللبن دى طبعاً اشتغاله من اللي وصفلك الطبخة دى

ياجماعه بالنسبه لتسريب المياه انا عندى كنت بعملها فى ردياتير المولدات لما يكون مخروم كان فيه بودره الشركه بتبعتهالى من الاميريه وهى عباره عن براده حديد وكنت بحطها مع المياه فى الردياتير وفعلا كانت بتسد الخروم بس كترها غلط ممكن يسد مواسير الردياتير نفسها