مش عارف ايه اللي بيحصللي

**Strong** · 18-11-2011 12:32 AM

عندي مشكلة غريبه من زمان عايزكم تشوفوها معايا لاني متضايق وتعبان جدا منها

لما بصحى من النوم بكون سليم جسمانيا ونفسيا وفى كامل قوايا العقليه والنفسية والحمد لله

بعد ساعة تقريبا بيبدأ يجيني صداع وبعديها بشوية دوخة لدرجة اني مش بقدر اقف ولا اركز ولا اكلم حد وعيني تزغلل وبفضل كده ساعتين - 4 ساعات وبتختفي كل الاعراض دي نسبيا

لما بصلي في السجود مش بقدر اتنفس بسهولة ولو انفعلت لاي سبب هايف مثلا كوبايه وقعت مني على الارض بحس اني مش قادر اتنفس وعيني تزغلل

في اخر اليوم الاعراض والدوخة والصداع والزغلله بيرجعوا تاني

ساعات كتير باحس بنبضات قلبي في زوري وفي نص راسي والم بسيط في الصدر
===========

انا كشفت عن دكاترة كتير كلهم قالولي ان معنديش حاجه تعمل كده وكشفت قلب الدكتور قالى ان عندي ارتخاء بسيط في الصمام الميترالي وميعملش اي اعراض زي اللي قولتها

وبقالي سنتين على الحال ده في حد يقدر يفيدني

ارجوكم ادعوا لي بالشفاء العاجل وادعوا لكل مريض بتمام الشفاء والحمد لله رب العالمين

**ashoub** · 15-01-2012 11:06 AM

اكشف مخ واعصاب

**mody1221** · 06-02-2012 04:11 PM

ربنا يعافيك
وعلى فكرة انا عندى تقريبا اعراضك دى صداع دائم (24 ساعة) ولخبطة ف وظائف الجسم وزورى بينشف وكرشة نفس
ابقى طمنا عليك وقولنا عملت اية والف سلامة

**mostafa53** · 06-02-2012 10:16 PM

السلام عليكم ورحمة الله وبركاته
من الوصف العام لشكواك وبعد استبعاد عدد من الأطباء لوجود سبب عضوى للشكوى فإن الاحتمال الأقرب هو وجود قلق نفسى, وأرجو أن أوضح أنه كثيرا ما تظهر الإضطرابات النفسية فى صورة أعراض جسمانية وهذا ليس غريبا لأن النفس والجسد يتحدان فى وعاء واحد ويؤثر كل منهما فى الاخر. أنصحك بزيارة طبيب نفسى للتقييم أولا ثم البدء فى العلاج.